1 कोरिन्थी 16:16 - राना थारु नयाँ नियम

¹⁶ जहेमारे मए तुमसे बिन्ती करत हओं कि अपनएके समर्पित करओ, और हर एकको बात मानओ जो कडा परिश्रम करत हए और जो जहे कता सच्चो भक्तिके साथ सेवा करत हए।

परमेस्वर को सच्चो वचन

¹⁶ कि ऐसेन के अधीन मैं रहबौ, बल्किन हर एक कै जो जौ काम मैं मेहनती और संग देनबारे हैं।

1 कोरिन्थी 16:16 ပူးပေါင်းရင်းမြစ်များ

रोमियों 16:12

बहिनीया त्रुफेना और त्रोफोसाके, जो प्रभुमे मेहेनत करत हएं, उनके नमस्कार हए। प्यारी बहिनीया परसीसके, जो प्रभुमे बहुत मेहेनत करी, बोके नमस्कार हए।

रोमियों 16:3

येशू ख्रीष्टको काम करत पेती मेरे सँग काम करन बारे प्रिस्‍किला और बोक लोगा अकिलासके मिर नमस्कार हए।

रोमियों 16:6

तुमर ताहीं बहुत मेहेनत करन बारी मरियमके मिर नमस्कार हए।

रोमियों 16:9

उर्बानस, ख्रीष्टमे हमर सँगए-सँग काम करन बारो, और मिर प्यारो सँगी स्ताखुसके नमस्कार हए।

1 कोरिन्थी 12:28

मण्डली या ख्रीष्टके जा शरीरमे, परमेश्वर हमएं बहुत परकारके काम दइ हए: पहिले, बे आदमी हएं जो येशूसे चुनेभए चेला हएं; दुस्रे, बे जो अगमबक्ता हएं जो बाके शब्दन्के मस्कत हएं; तिस्रे, बे आदमी हएं जो सिखात हएं। बाके पिच्छु, बे आदमी हएं जौनन्के बा चमत्कारको काम करनको अधिकार दइ रहए। तओ पिच्छु बो हए जौनके बा चङगाइ करनको अधिकार दइ। तओ फिर बे, जौनन्के दुस्रेन्के मदत करनको बरदान मिलो। तओ फिर बे, जो अगुवा हएं। तओ फिर बे, जौनन्के बरदान प्राप्त भओ पबित्र आत्मा द्वारा दओगओ फरक-फरक भाषा मस्कन बारेनके चुनी हए।

1 कोरिन्थी 3:9

काहेकी हम परमेश्वरको सेवामे मदत करन बारे आदमी हएं; और तुम कोरिन्थीके बिश्वासी एक खेत कता हओ, जो परमेश्वरको हए। और मए तुमर तुलना एक घरसे कर सकत हओं, जोके परमेश्वर बनाए रहो हए।

इफिसियों 5:21

हम ख्रीष्ट प्रती को भक्ति करेके कारण एक-दुस्रेके अधीनमे बैठओ।

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 थेसलोनिकी 5:12

हे मेरे बिश्वासी ददाभइयओ, हम तुमसे बिन्ती करत हएं, कि जौन तुमर ताहीं बहुत मेहेनत करत हएं, और प्रभुमे तुमर अगुवा हएं, और तुमके सल्लाह देत हएं, उनके आदर करओ।

1 तिमोथी 5:17

कोइ फिर मण्डलीके अगुवनके ठिक सम्मान देन पणत हए, जौन अपन कामके अच्छेसे करत हएं। और खास करके उनके, जो परमेश्वरको सन्देशके सिखानके ताहीं और परचार करनके ताहीं कर्रो मेहेनत करत हएं।

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

हिब्रू 13:24

अपने सब अगुवनके और सबए पबित्र आदमीनके नमस्कार कहाओ। इटालिया परदेशमे रहान बारे बिश्वासी तुमके नमस्कार पठाइ हएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

3 यूहन्ना 1:8

जहेमारे अइसे आदमीके स्वागत करन चाहो, ताकी हम सत्यके ताहीं उनके काममे सामिल हुइपामएं।

प्रकाश 2:3

मए जानत हओं, कि तए मोएमे बिश्वास करेके कारणसे धर्यपुर्वक कष्ट सहो हए, तहुँफिर मिरमे तिर बिश्वास मजबुत हए।