1 कोरिन्थी 15:54 - राना थारु नयाँ नियम

⁵⁴ जब अइसो होइगो, तओ बो पुरा हुइ जाबैगो जो परमेश्वर पबित्र-शास्त्रमे लिखी हए, “जीत, मृत्युके पुरे रुपसे हराइ और जाको कोइ अस्तित्व नाए रहाइगो।

परमेस्वर को सच्चो वचन

⁵⁴ और जब जौ नासवान सरीर अविनास कै पहन लेगो, और जौ मरनहार अमरता कै पहन लेगो, तौ सास्त्र मैं लिखो भौ बचन पूरो हुई जागो: “मौत खतम हुई जाथै; जीत पूरी हुई गई है!”

1 कोरिन्थी 15:54 ပူးပေါင်းရင်းမြစ်များ

लूका 20:36

बे फिरसे मरत नाए हएं, काहेकी बे स्वर्गदूत समान होत हएं, और मरे मैसे जिन्दा होन बारोको सन्तान होनके कारणसे बे परमेश्वरको सन्तान हएं

रोमियों 1:23

और हमेसा जिन्दा रहान बारो परमेश्वरके आराधना करन छोडके बे बिनाशी आदमी, चिरैंचिरगुनी, चार टंगा बारे जानबर, और घिष्टन बारे जन्तुनके मूर्ति बनाएके महिमा करीं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 6:12

जहेमारे पापमय इच्छन्के अपने जीबनमे राज्य करन मतदेओ, ताकी अपनी पापमय इच्छन्के अनुसार काम नाए करसकओ।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

2 कोरिन्थी 4:11

काहेकी हम जिन्दा हएं तहुँफिर येशूके ताहीं सब दिन मृत्युके खतरामे हएं, ताकी येशूको जीबन हमर मरणसील शरीरमे प्रकट होबए।

2 कोरिन्थी 5:4

काहेकी हम जा शरीरमे रहातए चिन्तासे हम सुस्केरा डारतहएं। और हम जे शरीरसे छुटकारा पान नाए चाँहत हएं, पर परमेश्वर हमके स्वर्गीय शरीर देबए कहिके हम चाँहत हएं, ताकी जे शरीर मरनके बाद अनन्त जीबनमे बदल पाबए।

2 थेसलोनिकी 1:10

जे बात तओ होमंगी जब प्रभु येशू ख्रीष्टके पबित्र आदमीनके द्वारा महिमा पानके ताहीं दुबरा लौटके आबैगो जो परमेश्वरसे सम्बन्धित हए। परमेश्वर बेहीं आदमीनसे महिमित करोजाबैगो जो परमेश्वरमे बिश्वास करत हएं। और बो दिन तुम फिर परमेश्वरकी महिमा करन बारे आदमीनके सँग होबैगे। काहेकी तुम बो बातमे बिश्वास करे, जौन बात हम बाके बारेमे तुमके बताए रहएं।

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

प्रकाश 21:4

और परमेश्वर उनकी आँखीसे सब आँसु पोँछ देहए, और बे फिरसे कभु नाए मरङगे। कोइ फिर कभु दुख महसुस नाए करंगे और नए रोमंगे और नए पिडा अनुभव करंगे, काहेकी पुरानो संसार अब नाए हए।”