1 कोरिन्थी 13:13 - राना थारु नयाँ नियम

¹³ जहेमारे अब, जे तीन परकारके कामके हमएं करन चाहो: परमेश्वरमे बिश्वास कर्नो, परमेश्वरके बाचामे आसरा कर्नो, और दुस्रेनके प्रेम कर्नो। पर जे तीन मैसे एक सबसे बडो हए: बो हए, दुस्रे जनैनके प्रेम कर्नो।

परमेस्वर को सच्चो वचन

¹³ पर अब बिस्वास, आसा, प्यार जे तीनौ स्थाई हैं, और जे तीनौ मैं सबसे बड़ो प्यार है।

1 कोरिन्थी 13:13 ပူးပေါင်းရင်းမြစ်များ

लूका 10:27

बो कही, “तए परमप्रभु, अपन परमेश्वरके अपन सारा ह्रदयसे, अपनो सारा प्राणसे, अपन सारा समझसे और अपनो सारा मनसे प्रेम कर, और अपनो परोसीके अपन कता प्रेम कर।”

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

1 कोरिन्थी 14:1

एक-दुस्रेसे प्रेम करन कोसिस करओ, और आत्मिक बरदानन्के फिर उत्सुकताके साथ इच्छा करओ। खास करके जा, कि भबिष्यबाणी मस्कनको बरदानके ताहीं इच्छा करओ।

1 कोरिन्थी 16:14

तुम जो कुछ फिर करत हओ, बो प्रेमसे करओ।

1 कोरिन्थी 3:14

अगर कोइ आदमीके द्वारा बनाओ गओ घर जा जगमे स्थिर रहात हए तओ बोके जाको इनाम मिलैगो।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 कोरिन्थी 8:3

पर कोइ परमेश्वरके प्रेम करत हए कहेसे परमेश्वर बोके जानत हए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

कलस्सी 3:14

और जे सबसे जरुरी काम जो तुमके करन चाहो बो जा हए, कि एक-दुस्रेसे प्रेम करओ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

2 तिमोथी 1:7

काहेकी परमेश्वर डरपोक नाए बनाइ। बल्कि बाको आत्मा हमर दिलके मजबुत बनानको शक्ति देतहए, हमके दुस्रेनसे प्रेम करनमे मदत करत हए, और हमके आत्मा-अनुशासनको मन देतहए।

हिब्रू 10:35

जो होएसे फिर प्रभुमे भरोसा करन बारो हिम्मत मत् छोडओ। याद करओ, कि जा तुमर ताहीं बडो इनाम लाबैगो।

हिब्रू 10:39

पर हम परमेश्वरके इन्कार करन बारे और नाश होन बारेन मैसे नाए हएं। पर हम बे आदमीन मैसे हएं जो बिश्वासे प्राण बचाएगए हएं।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

हिब्रू 6:19

हमरे सँग भओ आत्माके ताहीं जा आसरा मजबुत हए और हलान नाए सिकंगे। जा हमके परमेश्वरसे दुर नाए लैजात हए, बरु जा हमके परमेश्वर ठिनको मन्दिर भितरको परमपबित्र ठाँउमे लैजात हए।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 यूहन्ना 2:10

जो कोइ अपनो भइयाके प्रेम करत हए, बो उजियारोमे चलरहो हए, बोमे अइसो कोइ चीज नैयाँ जौनके पाप करबान बारो कारण बनए।

1 यूहन्ना 2:14

हे दौवओ, मए तुमके जाकेमारे लिखत हओं, कि जा पुरो संसारको सृष्टिसे पहिले बचन रहए, तुम बोके जानीगए हओ। हे जवानओ, मए तुके जाकेमारे लिखत हओं, कि तुम बलवान हओ, और परमेश्वरको बचन तुमर भितर रहतहए, और तुम बो शैतानसे जीतीगए हओ।

1 यूहन्ना 2:24

बो सच्चो सन्देश जो तुम सुने हओ, जब तुम ख्रीष्टमे बिश्वास करे, अगर सच्चो सन्देश तुमर मनमे रहाबैगो; तओ तुम फिर लौंणामे, और दौवा परमेश्वरमे रहाबैगे।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।

1 यूहन्ना 3:9

जौन परमेश्वरको सन्तान हए, बो पाप नाए करत हए। काहेकी परमेश्वरको जीबन उनमे हए, और बो पाप नाए करपात हए। काहेकी बो परमेश्वरको सन्तान हए।