TITO 3:3 - Kîrîîkanîro Kîîyerû

³ Wana tiû kûrî rîra twarî baataku. Twaregaga kwathîka tweneereetue i mantû ma nthîgûrû îno na mawîrirîîria ma mîthemba yonthe matûgwete ûkombo. Twatûûraga tûrî antû ba ntheto na ba rûriitho. Antû batûmena naati tûkabamena woogu batwonia.

TITO 3:3 ပူးပေါင်းရင်းမြစ်များ

MATHAYO 21:29

“Mûthaka amûcookeria amwîra, ‘Arî, ntikwenda.’ Îndî nyumaani aacooka kwona akûbîtia, aathîkîra îthe.

RUKA 21:8

Yiesû abeera, “Îmenyagîîreeni bûtikeeneerue i muntû n'ûntû antû baingî bakaaya bagîtûmagîra riîtwa rîakwa bakauga i bo Kîrîstû, na bakiugaga, ‘Kagiita i gaakinyu!’ Bûtikaabathingate.

NJOANA 8:34

Yiesû abeera, “Na mma ga nkûbwîra, mwîyia wonthe i nkombo ya wîyia.

AROOMA 11:30

Kûrî rîra biû bara bûtarî Ayaundi bûtaathîkagîra Ngai. Îndî îîndî n'Ayaundi batamwathîkagîra îîndî îra biû abwîgîîtue kîao.

AROOMA 6:12

Kwoogu bûtikaarekeeni wîyia bwatha mîîrî yenu bwathîkîra mawîrirîîria ma yo maathûûku.

AROOMA 6:17

Nkaatho i kîrî Ngai n'ûntû bwa bûra bûthingataga na nkoro cienu cionthe mara bwarutanirwe, bwauma ûkombooni bûra bwarî bwa meeyia.

AROOMA 6:22

Îndî îîndî ibûthaûrîîtwe bwauma inyaani ya meeyia bwatuîka nkombo cia Ngai. Îîndî bûrûthaga mantû mara mareetaga ûtheru na baita ya mo i mwoyo wa tene na tene.

AROOMA 6:6

Itwiyî mûtugo wetû ûra twarî na uu wambanîîrue na Kîrîstû kaingo wîyia bûthirua mîîrîîni yetû, na kaingo tûtatuîka nkombo cia wîyia kaîrî.

2 AKORINTHO 12:20

Inkwîrîgîîra rîra nkaaya nkeethîra bûkari bûra mbenda bwîgua bûkari, na naabi bûkoona nkari bûra bwenda mbîgua nkari. Ntikwîrîgîîra mbîthîra bûgîkararanagia, bûkîîganagua rûriitho, bûthûûreene, bûthetaanîîtie, bûkîrumanaga, bûkîguutanaga, bûrî eekumia kana bûkîîngagîîra antû bagaûkia gîtuma.

AGARATIA 6:3

Ûkaaya kwîgua muntû eebonaga taka arî wa gîtûmi, ûyu i kwîbenia eebenagia, atirî nwa mûthigi.

AKOROSAI 1:21

Bûtikaariganîrueni kûrî rîra bwarî aaraaya na Ngai. Bwarî anthû baake n'ûntû bwarî na mathûgaanio maathûûku na bwarûthaga mantû maathûûku.

AKOROSAI 3:7

Wana biû mbere bûtuîka eetîgîri ibwarûthaga mantû ta mamu.

2 TIMOTHEO 3:13

Antû baathûûku na bara beetuîkithagia kîra batarî ibagaatororeria, bathi na mbere bakîenagîîria antû na bakîîbenagîîria barî bo bongwa.

2 TIMOTHEO 3:6

Bamwe ba antû ta babu i bo bathiyaga kinya mîciî ya antû bagakîria inya eekûrû bara batarî inya kweneerua, bara barî na mîrigo ya meeyia maingî mûno na baathagwa i wîrirîîria bwa mîthemba yonthe.

TITO 1:16

Baugaga ibaiyî Ngai, îndî mantû mara barûthaga matigwatanagîra na ûntû bûbu. N'antû baathûûku mûno, aregi kwathîkîra Ngai na gûtirî ûntû bwega baûmba kûrûtha.

TITO 2:12

Gûkûrûkîîra kîrî ûtugi bwake, Ngai atûrutanaga kûrega wîyia na wîrirîîria bunthe bwa kîînthîgûrû. Tûrûthaga mantû na njîra îra yagîrîte, tûtûûraga tûrî baagîru, na tûrî ba mûtûûrîre wa kîîngai îgiita rîrî tûrî îgûrû rîa nthîgûrû îno,

NJAKUBU 1:26

Ûkaaya kwîgua muntû augaga n'wa ndini, îndî atimenyagîîra rûrîmî rwake, ndini înu yake n'ya ûtheri, nakwîbenia mana.

1 PETÛRÛ 1:14

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

KÛGWÛRÎRWA 12:9

Njoka înu nene mûno yeengatua gûku îgûrû. Na njoka înu n'yo îtûîre yîtagwa Nkoma kana Saitaani. N'yo yenagîîria antû ba nthîgûrû yonthe. Yeengatiirue îgûrû amwe na araîka ba yo.

KÛGWÛRÎRWA 13:14

Yeeneeria antû ba nthîgûrû na biama bibu yaringaga kuumania na inya îra yeetwe i nyamû înu îngî îmîringîîra bio. Yeera antû nwa mwanka barûthe mûbuanaano wa nyamû înu yamuntîîtwe kîongo kîmwe na rûyiû, gîakua, îndî gîacooka kîabua.

KÛGWÛRÎRWA 18:2

Augîîria na inya, auga, “Taûni îra nene ya Mbabironi îkwomorangwa, îkwomorangwa! Îgûtuîka gîkaro gîa nkoma na kîa irundu bionthe biithûûku. Îgûtuîka gîkaro kîa nyoni na nyamû cionthe irî nting'o.