TITO 2:3 - Kîrîîkanîro Kîîyerû

³ Îra kinya eekûrû bara bakûrû wana bo bakarage rîonthe barî eekûrû ba mîkarîre îmîtheru. Na ti bakaraga bagîtuuyanagîîra ûrongo kana beegua barî nkombo cia ncoobi. Nwa mwanka kinya bo barutanage mantû meega,

TITO 2:3 ပူးပေါင်းရင်းမြစ်များ

AROOMA 1:29

Mantû monthe mara baarûthaga maarî wîyia bwa mûthemba unthe, ûthûûku, kuugîria ûtonga, na rûmena. Baatwîrie rûriitho, ûûragani, nkarari, wenania, kûthûgaananagîria ûthûûku, nguutû,

AROOMA 16:2

Ndeenda bûmûthûkia ta bûra bara barî ba Mwathani babatîîrue bathûkanagia. Na ndeenda bûmûteethagia na kîonthe kîra akeegagua arî na thîîna na kîo, n'ûntû wana we nateetheetie antû baingî. Wana niû ningwa aranteethia.

AEBEESO 5:3

Gûtikeegue kûrî na ûmaramari, mantû mataagîrîte kana wîrirîîria gatîgatî keenu. Wana kûgweta bûtikaagwete mantû mama n'ûntû biû bûrî antû baatheru ba Ngai.

1 TIMOTHEO 3:11

Aka ba ateetheeria ba atongoria ba kanica, wana bo nwa mwanka beegue barî antû bathûgaanagia bwega. Nwa mwanka beegue batatuuyanagîîra. Na nwa mwanka beegue barî eekûrû baûmba gwîkaania kûrûtha mantû mataagîrîte. Na nwa mwanka beegue barî eetîgua mantûûni monthe.

1 TIMOTHEO 3:8

Ateetheeria ba atongoria ba kanica wana bo babatîîrue beegua barî antû bathûgaanagia bwega na batakari ta njoka ya mîromo îîrî. Batikeegue barî anyui ncoobi înyingî kana beerirîîria ûtonga.

1 TIMOTHEO 5:23

Tiga kûnyunyaga rûûyî rûûtheri runka. Înyunyaga kandibei kaniini n'ûntû bwa thîîna îra ûrû n'yo ya nda na n'ûntû bwa mbayua ira ingî ûgûkara ûkîayangagua.

TITO 1:7

Na n'ûntû mûtongoria wa kanica i mûrûngamîîri wa ngûgî ya Ngai, nwa mwanka eegue arî muntû arî na riîtwa rîega. Ti muntû wa kwîbûkagîîria kana wa kûthûûrangaga na mpwî. Atikeegue arî muntû wa ntogoona, kana arî muntû aûmba kûringana, kana wa kwîrirîîria ûtonga.

TITO 2:4

i kaingo baûmba gûtûma eekûrû bara beethî beendaga arûme baao na aana baao.

AIBIRANIA 5:12

Bûkarîîte bûrî eetîgîri kwa îgiita rîraaya ûntû bwîgua îîndî bûrî aarimû. Îndî îîndî bûra bûkari i bûkwenda muntû wa kûbûrutana kaîrî ithoomo bia mbere bia kiugo kîa Ngai. Kîthoomo kîra bûkwenda gîkari ta îria bantû a irio biongwa.

KÛGWÛRÎRWA 2:20

“Îndî kûrî ûntû bûtagûnkenia. Nûrekeereetie Njecebeeri, mûka ûra eebîtaga kîroria, arutana aruti ngûgî baakwa ûrutani bwa ûrongo. Na kuumania na moorutaani maake, n'we atûmîîte antû baakwa beeyia wîyia bwa ûmaramari, na bwa kûrîa irio birutîrîtwe ngai cia ûrongo.