RUKA 11:9 - Kîrîîkanîro Kîîyerû

⁹ “Na ga nkûbwîra, rombaani bûkeewa. Cûani bûkoona. Ringaringaani bûkaarugûrîrwa.

RUKA 11:9 ပူးပေါင်းရင်းမြစ်များ

MATHAYO 21:22

Ûntû bunthe bûra ûkaaromba Ngai ûrî na wîtîgio, agakwingîria bu.”

MATHAYO 21:31

Yiesû aûria *athînjîri bara banene ba Ngai na akûrû bara baarî agu, “N'ûrîkû kîrî aana babu barî baîrî aarûthire bûra îthe eendaga kûrûthwa?” Bamûcookeria bamwîra, “N'ûra mûkûrû.” Yiesû abeera, “Na mma ga nkûbwîra, arûngithia ûgooti na marwaya i bo bakaathi ûneneeni bwa Ngai mbere yenu.

MATHAYO 6:29

Na ka mbwîreeni, wana mûnene Soromoni ûra nkuma yake yaiyîkeene mûno, ûthongi bwa nguo ciake bûtigîkinyîîra ûthongi bwa maûa ta mama.

MAARIKO 11:24

Kwoogu bûra nkuuga n'atî kîonthe kîra bûkaûria marombaani meenu, îgaguani bwîtîgîîtie bûkeewa kîo.

MAARIKO 13:37

Ûgu nkûbwîra i bu mbîîraga antû. Îmenyagîîreeni!”

RUKA 11:10

Ûra arombaga neeyagwa, ûra acûaga noonaga, na ûra aringaringaga mûrango narugûragîrwa.

NJOANA 14:13

Na ûntû kinya bûrîkû bûra bûkaaromba na riîtwa rîakwa, nkabûrûthîra, i kaingo ntûma Baaba akumua.

NJOANA 15:16

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

NJOANA 15:7

Weegua bûgaakaraga ndeni yakwa na biugo biakwa bigaakaraga ndeni yenu, ûntû kinya bûrîkû bûra bûkeendaga, bwaromba bûkaarûthagîrwa bu.

NJOANA 4:10

Yiesû amwîra, “Ûkeegua nûkûmenya kîewa kîra Ngai aûmba gûkwaa, na n'ûû agûkwîra ûmûkundie rûûyî, nûûria Ngai akwe kîewa gîku na agûkundie rûûyî rwa mwoyo.”

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

2 AKORINTHO 6:2

Ngai augîîte, “Ndabwîgiirue kagiita kara kaagîrîte ndabûteethia ntugû ya kwonoka.” Ga nkûbwîra, “kagiita kara kaagîrîte” n'îîndî, na “ntugû ya kwonoka” n'îîndî.

AIBIRANIA 11:6

Gûtarî wîtîgio gûtirî we akenia Ngai. Muntû wonthe ûra aayaga kîrî Ngai nwa mwanka eetîgie Ngai natûîre mwoyo na nathaarimaga bara bamûcûaga na mantû meega.

AIBIRANIA 4:16

Kwoogu itwîgue tûrî na ûcamba tûthengeere gîtî kîa ûnene kîa Ngai ûra eeyanaga ûtugi kaingo atwîgua kîao na atwa ûtugi bwa gûtûteethia rîra tûrî thîînaani.

NJAKUBU 1:5

Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

NJAKUBU 5:15

baaromba na wîtîgio mwayie akaabua. Mwathani akamworia amûcookerie mwîrî inya. Na weegua eeyîîtie, Mwathani akamûrekera meeyia maake mara arûthîîte.

1 NJOANA 3:22

Bionthe bira tûrombaga itweyagwa bio n'ûntû itwathîkagîra maathana maake na itûrûthaga mantû mara mamûkenagia.

KÛGWÛRÎRWA 2:24

Îndî kûrî bo bacienu, biû Athiatira, bara bûtathingataga moorutani mamu maake na bûteendeete kûmenya bûra bamwe beetaga mawitho ma Saitaani ma ndeni. Ga nkûbwîra biû gûtirî bu bûngî nkûbwîra bûrûthe,