NJAKUBU 5:7 - Kîrîîkanîro Kîîyerû

⁷ Aruayia na aarayia, ûmagîîriani bweteere mwanka rîra Mwathani akaaya. Thûkiani ngerekano ya mûrîmi bûra eetagîîra irio biake biciara maketha meega. Eetagîîra bikaurîrwa i mbura ya mbere na ya ciîrî aûmîîrîîtie.

NJAKUBU 5:7 ပူးပေါင်းရင်းမြစ်များ

MATHAYO 16:27

“Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 16:28

Na mma ga nkûbwîra, bamwe ba baba barûngi aaga batiikua batooneete Mwana wa Muntû akîîya na ûnene bwake.”

MATHAYO 24:27

Ta bûra rweni rwenagia uumîîro bwa riûa rûkamûrîka ûthûîro bwa riûa, i ta bu kûûya kwa Mwana wa Muntû ûkeegua gûkari.

MATHAYO 24:44

Kwoogu, biû karagaani bwîthuuranîrîte n'ûntû Mwana wa Muntû akaaya rîra bûtakûmwîrîgîîra.”

RUKA 18:8

Na ga nkûbwîra, akabaathûrana na mpwî. Îndî rîra Mwana wa Muntû akaaya kuuma îgûrû n'antû bagana akeethîra barî na wîtîgio?”

RUKA 21:27

Rîru i rîo antû bakoona Mwana wa Muntû aayîîte na îtu, arî na inya na mwago ûmûnene.

RUKA 8:15

Na mbeû îra yagwîre mûthetuuni ûmûnoru i ngerekano ya antû bara beegagua kiugo kîa Ngai, bagakîthûkia na wendo na ûmma bakoonania maciara baûmîîrîîtie.”

NJOANA 21:22

Yiesû amûcookeria amwîra, “Wana nkeenda atûûra mwoyo mwanka rîra nkaaya yîya rîa maîrî, înu ti ngûgî yaku. Woû nthingata.”

NJOANA 21:23

Kuumania na ûgu Yiesû eerire Petûrû, ntheto ciambîîria kwarua gûkîîragwa mûrutwa ûyu atiikua. Îndî Yiesû atauga atiikua. Ka augire, “Wana nkeenda atûûra mwoyo mwanka rîra nkaaya yîya rîa maîrî, înu ti ngûgî yaku.”

AROOMA 15:4

Bunthe bûra bwandîkirwe wo karaaya Maandîkooni Maatheru bwandîkirwe bûtûrutana. Maandîko Maatheru i mo matweyaga wîrîgîîro kuumania na kûûmîîria na wîru bûra matwîkagîra.

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

1 AKORINTHO 1:7

Kwoogu gûtirî kîthaarimo bûkwaga îîndî kuuma kîrî Ngai wabweteereete kûûya kwa Mwathani wetû Yiesû Kîrîstû.

AGARATIA 5:5

Îndî tiû twîrîgîîrîîte na mma tûgeetîgîîrîka tûrî baagîru. Na ûgu i bu tweteereete tûrî na wîtîgio kwa inya ya Kîrundu.

AGARATIA 6:9

Tûtikaanoge i kûrûtha mantû meega n'ûntû twaûmîîria tûgaaketha kagiita gaakinya.

AKOROSAI 1:11

Marombaani meetû itûûragia Ngai abwongeere kwa wingî inya yake îrî mwago kaingo bwetagîîra na bûûmagîîria mantû monthe bûkeneete

1 ATHESARONIKE 1:3

Itûririkanaga mantû mara bûrûthaga n'ûntû bwa wîtîgio bwenu, ngûgî îra bûrutaga kuumania na wendo bwenu, na kûûmîîria kwenu n'ûntû bwa kwîrîgîîra Mwathani wetû Yiesû Kîrîstû. Na gîku i kîo gîtûmaga tûcookeria Ngai Baaba wetû nkaatho.

1 ATHESARONIKE 2:19

Ibûtûmaga twîgua tûrî na wîrîgîîro na gîkeno. Na n'ûntû bwenu tûgaakena tûrî mbere ya Mwathani wetû Yiesû Kîrîstû rîra agaacooka. Gûtirî bangî, nwa biû.

1 ATHESARONIKE 3:13

Inkûromba nkoro cienu ciîgue irikîîte, irî intheru, na itarî na mabîtia nwa aniini meethooni ma Ngai Baaba, rîra Mwathani wetû Yiesû Kîrîstû akaaya na atheru baake bonthe.

AIBIRANIA 6:15

Rîru Îburaîmu eeteera atakûnogerwa na eewa kîra Ngai aamwete wîrane bwa kîo.

NJAKUBU 4:11

Aruayia na aarayia, tigaani gûtuuyanagîîra n'ûntû muntû ûra atuuyagîîra ûra ûngî kana akamûgiitîra îgamba, eegagua akîbûthia watho na akabuagîra gîtûmi. Na rîra ûkwagîra watho gîtûmi, woû ûtirî ûra ûbuathîkagîra kaîrî n'ûntû ka ûbubûthagia.

NJAKUBU 5:10

Aruayia na aarayia, bûkeenda kûthûkia ngerekano îmbega ya bara baûmîîrie mathîîna baûmba gweteera, ririkanaani iroria bira biaragia riîtwaani rîa Mwathani.

NJAKUBU 5:3

Thaabu na fetha cienu nigwete nganka. Na nganka inu ikeegua irî ûkûûyî ntugû ya îgamba. Ikaabûrîa nyama ta mwanki ûkûbûbîîthia. Bûtongeete mûno ntugû ino cia mûthia na

2 PETÛRÛ 3:4

Na bakaamînyûrûntaga bakauga, “Yiesû akuuga akaaya kaîrî îîndî arî kû? Kuuma wo tene rîra nthîgûrû yaûmbirwe nthuke cia biûyûûyû ciakua mwanka îmunthî tûrî mantû makari wabûra maakari.”