NJAKUBU 5:16 - Kîrîîkanîro Kîîyerû

¹⁶ Kwoogu umbûranagîraani meeyia meenu na rombanagîraani kaingo bworua. Îromba rîa muntû ûmwagîru rîrî inya ya kûrûtha mantû maanene.

NJAKUBU 5:16 ပူးပေါင်းရင်းမြစ်များ

MATHAYO 21:22

Ûntû bunthe bûra ûkaaromba Ngai ûrî na wîtîgio, agakwingîria bu.”

MATHAYO 3:6

Bara baumbûraga meeyia maao, Njoana aababaatithagîria rûûyîîni rwa muuro wa Njorondani.

MAARIKO 1:5

Antû baingî mûno kuuma taûni ya Njerusaremu na gûntû kûngî gûku nthîgûrû ya Njundea baaya baumbûra meeyia maao, Njoana ababaatithia muurooni wa Njorondani.

RUKA 9:6

Arutwa babu bauma agu baariûnga na ntûûra bagîtûmagîîria ntheto îmbega. Na bantû onthe ara baathiyaga bakeethîra muntû ûmwayie, ibaamworagia.

NJOANA 9:31

Twiyî Ngai atiîgagua eeyia, eegagua ûra amûtîîyaga, ûra arûthaga kwenda gwake.

NGÛGÎ 10:38

Ibwiyî bûra Ngai eetûûrîrie Yiesû wa Nasareethi maguta na njîra ya Kîrundu Ûmûtheru na amûûyûria inya. Na n'ûntû Ngai naarî amwe n'we, Yiesû aathi gûntû na gûntû akîrûthaga mantû meega na akîoragia bara baathîînagua i Nkoma.

NGÛGÎ 19:18

Baingî ba bara beetîgiirie baumbûra mbere ya antû mantû maathûûku monthe mara baarûthîîte.

NGÛGÎ 8:24

Simioni eera Petûrû na Njoana, “Ndomberaani Mwathani bûrî biû ntikoone ûntû nwa bûmwe bwa mamu bwambîîra.”

AROOMA 3:10

Na wata bûra kwandîkîîtwe *Maandîkooni Maatheru, “Gûtirî we mwagîru, kinya nwa ûmwe ûgu.

AROOMA 5:19

Na wata bûra kûrega kwathîka kwa muntû ûmwe gwatûmire Ngai athûkia antû baingî barî eeyia, nwa ta bu kwathîka kwa muntû ûmwe gûgaatûma Ngai athûkia antû baingî barî baagîru.

AKOROSAI 1:9

N'ûntû bwa ûgu, tûkwîgua mantû meenu wana tiû itûbûrombagîra rîonthe. Tûrombaga Ngai atûme bûmenye bunthe bûra eendaga. Na itûmûûragia abwe ûûme bunthe na atûme bûmenye mantû ma gîîkîrundu.

1 ATHESARONIKE 5:17

Bûtigaatige kûromba.

1 ATHESARONIKE 5:23

Itûkûromba Ngai ûra atweyaga ûkiri abûtuîkithie baatheru na njîra cionthe. Itûkûromba atûme nkoro cienu na mîîrî yenu îkarage îtarî na mabîtia, mwanka rîra Mwathani wetû Yiesû Kîrîstû agaacooka.

1 ATHESARONIKE 5:25

Aruayia na aarayia, tûrombagîreeni.

AIBIRANIA 11:4

I wîtîgio bwatûmire Abeeri arutîra Ngai kîgongwana kîega nkûrûki ya gîa Kaini. Wîtîgio bwake i bu bwatûmire Ngai akena n'we, amûthûkia arî muntû ûmwagîru na aakena n'into bira aamûrutîîre. Na wana kinya ûkeegua n'ûmûkuû, kûringana na wîtîgio bwake i taka aaragia.

AIBIRANIA 11:7

I wîtîgio bwatûmire Nuu aaka cabina îra yoonokiirie antû ba mûciî wake. Nuu neetîgiirie Ngai akûmwîra mantû matoonekanîîte mbereeni. Kuumania na wîtîgio bwake, Nuu aareganire na mantû ma nthîgûrû, aatuîka ûmwagîru kîrî Ngai n'ûntû bwa wîtîgio.

AIBIRANIA 12:13

Îthiini na mbere na njîra îra yaagîrîte kaingo ûra arî kîonje ataremwa kûthi, aûmbe kûgwata inya.

AIBIRANIA 13:18

Tûrombagîreeni. Tûrî na mma tûtikwîgambithia nkorooni n'ûntû twendaga kûrûtha bûra kwagîrîte magiita monthe.

1 PETÛRÛ 2:24

Kîrîstû naathûkiirie meeyia meetû na mwîrî wake arî we rîra aakuire mûtharabaani kaingo tûkua kîrî meeyia, tûtûûra tûkîrûthaga mantû mara maagîrîte. Bworeetue kuumania na gûtonyangwa kûra Kîrîstû aatonyangirwe.

1 NJOANA 3:22

Bionthe bira tûrombaga itweyagwa bio n'ûntû itwathîkagîra maathana maake na itûrûthaga mantû mara mamûkenagia.