NJAKUBU 4:8 - Kîrîîkanîro Kîîyerû

⁸ Îthengangîraani Ngai bwone aayanga akubî naabi. Îrireeni, eeyia baba. Theriani nkoro cienu, biû antû ba nkoro ciîrî.

NJAKUBU 4:8 ပူးပေါင်းရင်းမြစ်များ

MATHAYO 12:33

“Mûtî ûrî ûmwega ûciaraga matunda meega na mûtî ûrî ûmûthûûku ûciaraga maciaro maathûûku.

MATHAYO 15:2

“I kî n'ûntû arutwa baaku baunaga wîthîre bwetû bwa kûthamba njara mbere ya kûrîa irio?”

MATHAYO 27:24

Piraatû akwona mantû makûrema na antû ibeendaga kûreeta thîîna, aathûkia rûûyî aathamba njara mbere yao bonthe bakîonaga. Auga, “Niû ntirî na meeyia îgûrû rîa gîkuû kîa muntû ûyû. N'îgûrû rîenu!”

NGÛGÎ 15:9

Oonaniirie gûtirî mûkûûrani wetû na bo. Wana bo abatheria nkoro ciao n'ûntû bwa wîtîgio.

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

1 TIMOTHEO 2:8

Gûntû kunthe rîra bwîthîranaga amwe kûromba, ndîenda antû arûme bakîromba, barombe baûkîîrîtie njara ciao na njîra întheru, batarî na mûthûûro na batathetanîîtie.

AIBIRANIA 10:22

Kwoogu tûthiini kîrî Ngai tûrî na nkoro ciagîrîte, na tûrî na wîtîgio bwingî mûno, n'ûntû tûrî baatherie mathûgaanio mara matûririkanagia ûthûûku bûra twarorûtha. I taka twathambiirue mîîrî na rûûyî rûûtheru.

AIBIRANIA 7:19

Watho bûbu gûtirî gîntû bwaûmba gûtûma kîîgua kîrî kîtheru kûrû. Kwoogu îîndî itwetwe wîrîgîîro bwega nkûrûki bûra bûtûmaga tûthi kîrî Ngai.

NJAKUBU 1:8

n'ûntû we i njoka ya mîromo îîrî. Gûtirî ara arûngi kîrî mantû maake monthe.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

1 PETÛRÛ 1:22

Na n'ûntû îîndî ibwîthereetie na njîra ya kwathîkîra ûmma, nwa bwende eetîgîri bara bangî na wendo bwa mma. Kwoogu endanagaani mûno na nkoro yonthe,

1 PETÛRÛ 3:21

Rûûyî rûru i ta ûbaatithio bûra tûkûbaatithua na bu îîndî tûkoonokua. Îndî ingî ûbaatithio i mûkûûrani na kûthamba rûko rûkathira mwîrî. Ûbaatithio bungwa i muntû kûromba Ngai na nkoro îmbega amûgarûra kuumania na kûriûka kwa Yiesû Kîrîstû.

1 NJOANA 3:3

Na muntû wonthe ûra arî na wîrîgîîro bûbû neetheragia n'ûntû we n'ûmûtheru.