NJAKUBU 4:4 - Kîrîîkanîro Kîîyerû

⁴ Biû bûtirî mwanya na arugûri. Ka bûtaiyî ûgatuîka mûcoore wa mantû ma nthîgûrû ûgûtuma ûnthû na Ngai? Kwoogu ûra eendaga gûtuma ûcoore na mantû ma nthîgûrû eetuîkithagia mûnthû wa Ngai.

NJAKUBU 4:4 ပူးပေါင်းရင်းမြစ်များ

MATHAYO 12:39

Yiesû eegua ûgu auga, “I rûciaro rûûthûûku rwa aregi Ngai rûkwenda kwona kîama. Gûtirî kîama kîngî bûkoona tatiga kîra gîa kîroria Njona.

MATHAYO 16:4

I rûciaro rûûthûûku rwa aregi Ngai rûkwenda kwona kîama. Gûtirî kîama kîngî bûkoona tatiga kîra gîa kîroria Njona.” Yiesû abatiga aathi.

MATHAYO 6:24

“Gûtirî muntû aûmba gûtûmîkîra anene baîrî. Nwa amenire ûmwe eenda ûra ûngî, kana aathîkîîre ûmwe atatîîye ûra ûngî. Bûtiûmba gûtûmîkîra Ngai na bûtûmîkîra ûtonga.”

RUKA 19:27

Anthû baakwa na bo bara batireendaga ntuîka mûnene wao bareeteeni aaga bûbaûrage nkîonaga!’ ”

NJOANA 15:19

Ûkeegua bûgwatanagîra na bo babwenda, n'ûntû wîgua bûrî baciao. Îndî n'ûntû bwa bûra ndabûthuurire kuuma kîrî kîrîndî gîku kîonthe, babûmeneete bûra bûtarî baciao.

NJOANA 17:14

Ndabeerire kiugo gîaku antû ba nthîgûrû babamena. Babameneete n'ûntû bo ti ba nthîgûrû îno, ta bûra niû ntarî wa nthîgûrû îno.

NJOANA 7:7

Biû gûtirî kîo antû babûmenera, îndî niû ibaameneete, n'ûntû mbeeraga mantû mara barûthaga i maathûûku.

AROOMA 5:10

Rîra twarî anthû ba Ngai, Ngai aatumire ûcoore naati na gîkuû kîa Mwana wake. Îîndî tûrî acoore baake rî, n'ata tûtakîonokua i Kîrîstû îîndî arî mwoyo?

AROOMA 8:7

Mathûgaania mara maathagwa n'inya ya mûtugo wa kîîmuntû matigwatanagîra na Ngai. Bara barî mathûgaania ta mamu batiendaga kwathîkîra watho bwa Ngai. Na kwaria mma, ibaremagwa kûbuathîkîra.

1 AKORINTHO 1:20

Ûra îîndî mûûme n'ûû? Ûra îîndî mûthoomu n'ûû? Ûra îîndî aiyî ûgambi nthîgûrû îno n'ûû? Anga Ngai ationanîîtie ûûme bwa kîînthîgûrû i waa?

1 AKORINTHO 1:21

Ngai aatûmîîre ûûme bwake gwatuîka antû ba nthîgûrû batiûmba kûmûmenya batûmîrîte ûûme bwao. Aabangire akoonokagia bara bageetîgagia baatûmîîrua ûntû bûra bara barî ba nthîgûrû boonaga bûrî waa.

AGARATIA 1:10

Î rîo rî, ga nkuuga ûgu nkîenda mbendwa n'antû kana i Ngai? Ka ngûcûûgia gûkenia antû? Arî. Ûkaaya kwîgua n'antû nkwenda gûkenia ûtiîgua ndî mûruti ngûgî wa Kîrîstû.

NJAKUBU 1:27

Ndini îmbagîru na ya mma mbere ya Ngai Baaba n'îno: gûteethagia aana ba nkîa na ntigwa mathîînaani maao, na muntû akeemenyagîîra atigaakwe rûko i mantû ma nthîgûrû îno.