NJAKUBU 4:15 - Kîrîîkanîro Kîîyerû

¹⁵ Bûbatîîrue buuga ûûgû, “Mwathani eenda tûgaatûûra na tûrûthe ûûgû na ûûgû.”

NJAKUBU 4:15 ပူးပေါင်းရင်းမြစ်များ

NGÛGÎ 18:21

Akîthi aatiga abeera, “Weegua i kwenda kwa Ngai nkaaya kaîrî.” Paûrû aathi aatwa meeri, auma Ebeeso.

AROOMA 1:10

rîonthe rîra nkûmûromba. Mmûûragia atûme mbone kaanya ga kûûya kûbûriûngîra. Na wabu nkaaya weegua i kwenda gwake.

AROOMA 15:32

kaingo nkîîya, weegua i kwenda kwa Ngai, mbûya nkeneete twîgue tûrî na kagiita keega ga gwîkanîra wîru.

1 AKORINTHO 16:7

Ntikwenda mbûya kûbwona nkûrûkanîîtie. Ndîenda nkara kwenu kagiita kaaganu, weegua Mwathani ageetîgîîria.

1 AKORINTHO 4:19

Îndî nkaaya naagu nyuma ya kagiita gatarî karaaya, weegua i kwenda kwa Mwathani. Rîru i rîo nkaamenya inya îra eekumia babu barî n'yo, tatiga mîgambo îra baaragia.

AIBIRANIA 6:3

Tûrekaneeni na mantû mama! Na ûgu i bu tûkaarûtha weegua i kwenda kwa Ngai.

NJAKUBU 4:16

Îndî naabi bûrî eekumia na bwendaga kwîbûkîîria. Na bûbu n'ûntû bûûthûûku.