NJAKUBU 4:12 - Kîrîîkanîro Kîîyerû

¹² I Ngai wenka eeyanire watho, na n'we wenka mûgambithania. Nwa we wenka aûmba kwonokia kana kwînyangia. Ûrîthûgaania ûrî ûû rîra ûkûgiitîra muntû ûra ûngî îgamba?

NJAKUBU 4:12 ပူးပေါင်းရင်းမြစ်များ

MATHAYO 10:28

Bûtigaakuthûke bara baûmba kûûraga mwîrî akî, îndî bataûrage mwoyo. Kuthûkaani ûra aûmba kûûraga mwîrî na akathiria mwoyo na mwanki wa îcamaarîro.

RUKA 12:5

Îndî ga nkûbwîra kûrî ûmwe wenka ûra bûbatîîrue bûkuthûka. Kuthûkagaani Ngai n'ûntû arî na inya ya kûûraga muntû akamûgera mwankiini wa îcamaarîro. Yîî na ga nkûbwîra, ûyu n'we bûbatîîrue bûkuthûka.

AROOMA 14:13

Na kwoogu tûtikaagiitagîre bara bangî îgamba. Na nwa mwanka tûkûrûkie tuuge tûtiirûtha ûntû bûûmba kwîgua bûrî kîrigîîria kîrî eetîgîri bara bangî kana bûûmba gûtûma bataratara wîtîgioni.

AROOMA 14:4

Ûrîthûgaania ûrî ûû wa kûgiitîra îgamba mûruti ngûgî wa itha? N'îgûrû rîa mûnene wake kûmenya weegua i mabîtia kana ti mabîtia. Na n'îgûrû rîa mûruti ngûgî kûrûtha bûra kwagîrîte n'ûntû Mwathani akamwaa inya ya kûmwotithia.

AROOMA 2:1

Kwoogu woû ûgiitagîra bara bangî îgamba ûtirî na rûûtha rwa kûrûtha ûgu. Rîra ûkûgiitîra bara bangî îgamba, na wana woû nûrûthaga mantû maathûûku, i ta woû wengwa ûkwîgiitîra îgamba.

AROOMA 9:20

Ûrî ûû woû ûkûûria Ngai kîûria? Kîra kîrûthe kîaûmba kûûria ûra akîrûthîîte, “I kî n'ûntû ûndûthîîte ûûgû?”

AIBIRANIA 7:25

Kwoogu rî kana rî noonokagia bara bathiyaga mbere ya Ngai gûkûrûkîîra kîrî we, n'ûntû arî oogo magiita monthe kaingo aaranîria na Ngai n'ûntû bwao.

NJAKUBU 5:9

Aruayia na aarayia, muntû atikaanung'une n'ûra ûngî, kaingo Ngai atabûgambithia. Mûgambithania arî akubî kûûya.