NJAKUBU 4:11 - Kîrîîkanîro Kîîyerû

¹¹ Aruayia na aarayia, tigaani gûtuuyanagîîra n'ûntû muntû ûra atuuyagîîra ûra ûngî kana akamûgiitîra îgamba, eegagua akîbûthia watho na akabuagîra gîtûmi. Na rîra ûkwagîra watho gîtûmi, woû ûtirî ûra ûbuathîkagîra kaîrî n'ûntû ka ûbubûthagia.

NJAKUBU 4:11 ပူးပေါင်းရင်းမြစ်များ

RUKA 6:37

Yiesû abeera, “Bûtikaagambithie bara bangî bûûya kûgambithua. Bûtikaagiitîre bara bangî îgamba naabi bûtigiitîrwa. Rekanagîraani naabi bûkaarekerwa.

AROOMA 2:1

Kwoogu woû ûgiitagîra bara bangî îgamba ûtirî na rûûtha rwa kûrûtha ûgu. Rîra ûkûgiitîra bara bangî îgamba, na wana woû nûrûthaga mantû maathûûku, i ta woû wengwa ûkwîgiitîra îgamba.

AROOMA 2:13

Muntû atituîka ûmwagîru n'ûntû bwa kwîgua watho. Îndî akûrûtha bûra watho buugaga naagîrithagua.

AROOMA 7:7

Twaûmba kuuga *watho i wîyia? Arî buru! I watho bwatûmire mmenya wîyia i mbi. Ntikîmenya kana i wîyia kwîrirîîria gîntû kîa muntû ûra ûngî ûkeegua watho bûtiugîîte, “Ûtikeerirîîrie gîntû kîa muntû ûra ûngî.”

1 AKORINTHO 4:5

Kwoogu menya kûgîta muntû agiitîra ûra ûngî îgamba mbere ya Mwathani acooka. Mwathani akaathararia werû bûmûrîke mara monthe marûthagîrwa mwinduuni, oonanie mantû ma nkoro cia antû. Rîru Ngai ape muntû kîra kîmwagîrîte.

2 AKORINTHO 12:20

Inkwîrîgîîra rîra nkaaya nkeethîra bûkari bûra mbenda bwîgua bûkari, na naabi bûkoona nkari bûra bwenda mbîgua nkari. Ntikwîrîgîîra mbîthîra bûgîkararanagia, bûkîîganagua rûriitho, bûthûûreene, bûthetaanîîtie, bûkîrumanaga, bûkîguutanaga, bûrî eekumia kana bûkîîngagîîra antû bagaûkia gîtuma.

AEBEESO 4:31

Bûtikeegue bûrî antû ba marûrû. Na bûtikeegue bûrî antû ba mûthûûro, na bûtikaagondokagîre antû. Bûtikaarume antû. Na nwa mwanka bwîgue bûtarî na rûmena rwa mûthemba nwa ûrîkû.

1 TIMOTHEO 3:11

Aka ba ateetheeria ba atongoria ba kanica, wana bo nwa mwanka beegue barî antû bathûgaanagia bwega. Nwa mwanka beegue batatuuyanagîîra. Na nwa mwanka beegue barî eekûrû baûmba gwîkaania kûrûtha mantû mataagîrîte. Na nwa mwanka beegue barî eetîgua mantûûni monthe.

2 TIMOTHEO 3:3

bathire kîao, batige kûrekanagîra, batue gûtuuyanagîîra ûrongo, baremwe i gwîkaanagia kûrûthaga mantû mara mataagîrîte, bathûûke batuîke abitina, beende ûthûûku akî,

TITO 2:3

Îra kinya eekûrû bara bakûrû wana bo bakarage rîonthe barî eekûrû ba mîkarîre îmîtheru. Na ti bakaraga bagîtuuyanagîîra ûrongo kana beegua barî nkombo cia ncoobi. Nwa mwanka kinya bo barutanage mantû meega,

NJAKUBU 1:16

Kwoogu, eendwa, aruayia na araayia, bûtikeende kweneerua.

NJAKUBU 1:19

Eendwa, aruayia na aarayia, menyaani ûûgû, muntû nakarage na mpwî cia kwîgua, îndî ti cia kwaria kana cia kûthûûra.

NJAKUBU 1:25

Îndî ûra acûnkûûnaga bwega watho bûra bûtheru, bûra bûthaûraga antû, na akathi na mbere akarûtha bûra eegua atakûriganîrua, muntû ûyu akaathaarimwa mantûûni mara akaarûthaga.

NJAKUBU 2:8

Wabu bûkaingia watho bûra bûnene bwa Ngai, bûra bwandîkîîtwe *Maandîkooni Maatheru bwauga, “Enda mûtûûri waku ta bûra wîbendeete,” nabûkamenya ibûkûrûtha bûra kwagîrîte.

NJAKUBU 5:10

Aruayia na aarayia, bûkeenda kûthûkia ngerekano îmbega ya bara baûmîîrie mathîîna baûmba gweteera, ririkanaani iroria bira biaragia riîtwaani rîa Mwathani.

NJAKUBU 5:7

Aruayia na aarayia, ûmagîîriani bweteere mwanka rîra Mwathani akaaya. Thûkiani ngerekano ya mûrîmi bûra eetagîîra irio biake biciara maketha meega. Eetagîîra bikaurîrwa i mbura ya mbere na ya ciîrî aûmîîrîîtie.

NJAKUBU 5:9

Aruayia na aarayia, muntû atikaanung'une n'ûra ûngî, kaingo Ngai atabûgambithia. Mûgambithania arî akubî kûûya.

1 PETÛRÛ 2:1

Kwoogu bûtigaacooke kûrombeeria bara bangî mantû maathûûku kana bwenania. Rûthagaani mantû bûtakwîbuithia. Bûtigaatuîke antû ba rûriitho kana bwaria mantû maathûûku îgûrû rîa antû bara bangî.