NJAKUBU 4:1 - Kîrîîkanîro Kîîyerû

¹ I kû ndûa na matheta gatîgatîîni keenu biumaga? Biumanagia na mawîrirîîria meenu maathûûku mara makaraga makîrûaga ndeni ya mîîrî yenu.

NJAKUBU 4:1 ပူးပေါင်းရင်းမြစ်များ

MATHAYO 15:19

n'ûntû nkorooni i ku kuumaga meeciiria maathûûku, ûûragani, ûthûngîîri na ûtheria, wamba, ûkûûyî bwa ûrongo, na kûrumanga antû.

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

AROOMA 7:23

Îndî ndathikîîria nkeegua kûrî na watho bûngî bûkûrûa na bûra bûrî mathûgaaniani maakwa. Na watho bûbu i bu bûnkîragia inya bûgaantuîkithia mûgwate wa wîyia bûra bûûyûri mwîrî wakwa unthe.

AROOMA 7:5

Rîra twarî ba mûtugo wa kîîmuntû, ta uu wa wîyia, mawîrirîîria maarutaga ngûgî ndeni yetû magatûma tûrûtha mantû mara mareetaga gîkuû. Na i watho bwatûmaga mawîrirîîria mamu magîa inya ya kûruta ngûgî.

AROOMA 8:7

Mathûgaania mara maathagwa n'inya ya mûtugo wa kîîmuntû matigwatanagîra na Ngai. Bara barî mathûgaania ta mamu batiendaga kwathîkîra watho bwa Ngai. Na kwaria mma, ibaremagwa kûbuathîkîra.

AGARATIA 5:17

Bûra mûtugo wa kîîmuntû wendaga ûtigwatanagîra na bûra Kîrundu eendaga. Kîrundu na mûtugo wa kîîmuntû bitigwatanîra. Na n'ûntû birî biîrî bikaraga bikîrûaga, ûtiûmba kûrûtha bûra ûkwenda ûrî woû na bwaku.

AKOROSAI 3:5

Kwoogu karagaani taka bûrî baakuû kîrî mantû ma kîînthîgûrû: mantû ta ûmaramari, mantû ma rûko, na bata ya kûrûtha mantû maathûûku. Bûtikeerirîîrie into bia antû kwîrirîîria gûku kûthûkia kaanya ka Ngai.

2 TIMOTHEO 2:23

Ûtigaate thaa ûgîturania mbaara cia waa, mbaara cia ûtaku, n'ûntû nwiyî ndwaria ta inu i cio ireetaga matheta.

TITO 3:3

Wana tiû kûrî rîra twarî baataku. Twaregaga kwathîka tweneereetue i mantû ma nthîgûrû îno na mawîrirîîria ma mîthemba yonthe matûgwete ûkombo. Twatûûraga tûrî antû ba ntheto na ba rûriitho. Antû batûmena naati tûkabamena woogu batwonia.

TITO 3:9

Ûtigeetîgîîrie gûturania mbaara cia ûtaku, kûthingatanagîîra ndîîyo, kana ûthetania na antû bûgîkararanîria bûra *watho buugîîte. Mamu i mantû ma ûtheri mûno na matirî baita.

NJAKUBU 1:14

Muntû athûngagîra magerioni aakuuyua i mawîrirîîria maake maathûûku mwanka magatûma arîîkîîrua i mûtego wa mo.

NJAKUBU 4:3

Kaîrî wana bwaromba bûtieyagwa n'ûntû bûrombaga bûrî na mworooto ûmûthûûku wa kwenda kûbitûmîra kwingia mantû mara bwîriragîîria.

1 PETÛRÛ 1:14

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

1 PETÛRÛ 2:11

Eendwa, nthîgûrû îno bûkari ta ageni. Kwoogu ka mbûkaanieni. Bûtikaarûthe mantû maathûûku mara mîîrî yenu yendaga kûrûtha, mara marûaga na bûra mîoyo yenu yendaga.

2 PETÛRÛ 2:18

Beekumagia na kwaria mantû ma ûtheri. Bathiyaga kîrî bara beetîgîîtie Ngai rua rua, bara baumîîte kîrî bara baûrîîte bakabeeneeria na njîra ya kûbakuuyia barûtha mantû ma meeyia mara mîîrî îîriragîîria.

2 PETÛRÛ 3:3

Mûno mûno, ibûbatîîrue bûmenya ntugûûni cia mûthiro gûkeegua kûrî na antû bakaanyûrûntaga ntheto ya Ngai. Bakaarûthaga mantû kûringana na mawîrirîîria maao maathûûku.