NJAKUBU 3:2 - Kîrîîkanîro Kîîyerû

² Twinthe itûbîtagia na njîra inyingî mûno. Ûkaaya kwîgua kûrî we atabîtagia na mîgambo îra aaragia, ûyu i mwîtîgîri ûmûgima. We nwa aûmbe kwatha mwîrî wake unthe.

NJAKUBU 3:2 ပူးပေါင်းရင်းမြစ်များ

MATHAYO 12:34

Biû rûciaro rwa njoka! N'ata bûûmba kwaria mantû meega na bûrî antû baathûûku? Kanyua kaaragia mantû mara mooyûri nkoro.

MATHAYO 12:37

Wamuntû akaagiitîrwa îgamba bwega kana bûûthûûku kûringana na mîgambo yake.”

AROOMA 3:10

Na wata bûra kwandîkîîtwe *Maandîkooni Maatheru, “Gûtirî we mwagîru, kinya nwa ûmwe ûgu.

AROOMA 7:21

Kwoogu mboneete gûtuîkaga atî, rîra mbendaga kûrûtha ûntû bwega, ûthûûku bûtindekaga.

1 AKORINTHO 9:27

Mmenyagîîria mwîrî wakwa kûrûthaga mantû marî inya na ngautuîkithia nkombo yakwa kaingo ntaregwa na ntûmîîrîîtie antû bara bangî.

AGARATIA 3:22

Îndî na bu ti bu kûrî ûgu. Kwandîkîîtwe *Maandîkooni Maatheru nthîgûrû yonthe yathagwa n'inya ya meeyia. Kwoogu rûgai rûra rûgweteetwe wîraneeni rweyagwa bara beetîgîîtie n'ûntû bwa wîtîgio bwao ndeni ya Yiesû Kîrîstû.

AGARATIA 5:17

Bûra mûtugo wa kîîmuntû wendaga ûtigwatanagîra na bûra Kîrundu eendaga. Kîrundu na mûtugo wa kîîmuntû bitigwatanîra. Na n'ûntû birî biîrî bikaraga bikîrûaga, ûtiûmba kûrûtha bûra ûkwenda ûrî woû na bwaku.

AKOROSAI 1:28

Tûtûmagîîria antû bonthe Kîrîstû. Tûbakaanagia na tûkabarutana na ûûme bunthe kaingo tûbanenkanîra kîrî Ngai barî eetîgîri baûyûru ndeni ya Kîrîstû.

AKOROSAI 4:12

Epabaras, mûruti ngûgî wa Kîrîstû wa kuuma naagu kwenu, wana we akûbûkeethia. Rîonthe nabûrombagîra mûno akîûragia Ngai abûteethie bûtuîke agima wîtîgioni na bûmenye mantû monthe mara Ngai eendaga bûrûtha.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.

NJAKUBU 1:26

Ûkaaya kwîgua muntû augaga n'wa ndini, îndî atimenyagîîra rûrîmî rwake, ndini înu yake n'ya ûtheri, nakwîbenia mana.

NJAKUBU 1:4

Rekaani kûûmîîria kwenu kwingie ngûgî ya ku ndeni yenu kaingo bwîgua bûrî eetîgîri agima, gûtarî kîo bûkwaga.

NJAKUBU 2:10

Ûra aathîkagîra bûra bunthe watho buugîîte tatiga gacuncî kamwe, i bûmwe na aunîîte bunthe,

1 PETÛRÛ 3:10

n'ûntû kwandîkîîtwe *Maandîkooni Maatheru, “Ûra akeenda gûtûûra akeneete, akari bwega, abatîîrue eemenyeera atikaarie ûthûûku kana aaria ûrongo.

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.