NJAKUBU 3:17 - Kîrîîkanîro Kîîyerû

¹⁷ Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

NJAKUBU 3:17 ပူးပေါင်းရင်းမြစ်များ

MATHAYO 23:28

Wana biû kwa mwonekere antû babwonaga bûrî baagîru, îndî nkoro cienu ciûyûri wîbwithia na ûthûûku.

MATHAYO 5:8

Kîthaarimo i kîrî bara batheru nkoro, bakoona Ngai na meetho.

MATHAYO 5:9

Kîthaarimo i kîrî bara bareetaga ûkiri, bageetwa aana ba Ngai.

RUKA 21:15

Îgiita rîakinya, i niû nkaabwaa ûûme mbwîre bûra bûkauga, bûra anthû beenu batakîûmba kûrega kana bakararia.

RUKA 6:36

Îgaguani bûrî antû ba kîao ta bûra Abaagu arî wa kîao.”

NJOANA 1:14

Kiugo gîku i kîo gîatuîkire muntû, aatûûrania amwe naati. Na kuumania na mûkarîre wake itwoonire arî na mwago, mwago wa kîmoomwe kîa Îthe. Aarî na ûtugi bwingî mûno na ûmma bwingî mûno.

NJOANA 1:47

Yiesû akwona Nathanieri aayîîte, auga, “Na mma, ûyû n'we Mwisiraeri ûra ataaragia ûrongo.”

NGÛGÎ 11:24

Baranaba aarî muntû ûmwega na aûyûrîîtwe i Kîrundu Ûmûtheru, na aarî na wîtîgio bûûnene mûno. Antû baingî boongeereka baatuîka ba Mwathani.

NGÛGÎ 9:36

Kûrî mwekûrû ûmwe wa taûni yeetagwa Njopa aarî mwîtîgîri, eetagwa Tabiitha. (Na Kîîngiriki i bûmwe na Ndorokas. Ndorokas i ‘Nthia’.) Aarî mwekûrû aarûthaga mantû meega na aateethagia nkîa rîonthe.

AROOMA 12:18

Tûûranagiani na antû bonthe na ûkiri bûra kûûmbîkana.

AROOMA 12:9

Endagaani bara bangî, na beendageeni kwenda kwa mma. Menagaani ûntû bûûthûûku. Rûmagîîraani ûntû bwega.

AROOMA 15:14

Aruayia na aarayia, ndî na mma bûrî antû beega mûno, ibwiyî bûra bunthe bûbatîîrue bwîgua bûkîmenyaga, na ibûkûûmba kwîrutana.

1 AKORINTHO 12:8

Ûmwe aûmba kwewa kîewa gîa kwaragia na ûûme i Kîrundu, ûngî n'we akeewa kîewa gîa kwaragia na ûmenyo i Kîrundu wooyu.

2 AKORINTHO 10:1

Inkwenda mûno bûnthikîîria, ndî ningwa, Paûrû, nkîaria na ûbooreru ta bwa Kîrîstû na kîao ta gîake. Antû bamwe baugaga ntiaragia mbûmîîrîîtie rîra twonanîîte, mbaragia mbûmîîrîîtie twatigana.

2 AKORINTHO 6:6

Itûkwonania tûrî aruti ngûgî ba Ngai n'ûntû bwa ûkembu bwetû, ûmenyo, kûûmîîria, kûbua kûra tûbuîte, Kîrundu Ûmûtheru ûra arutaga ngûgî arî ndeni yetû, na n'ûntû bwa wendo bwa mma bûra tûrî na bu.

2 AKORINTHO 7:11

Ndîenda bûmenya baita ya Ngai gûtûmîra kîeba kîrî biû. Îîndî bûrî na wîru nkûrûki, i bûkwenda kwîtheteera, na igîatûmire bwathûûra bwakuthûka. Kîeba gîku igîatûmire bwenda kûmbona mûno na bûgîa wîru. Na igîatûmire bwona gûkûrûthwa bûra kwagîrîte. Ibwonanîîtie bûtirî na mabîtia mantûûni monthe maakoneetie ûntû bûbû.

2 AKORINTHO 9:10

Ngai ûra eeyaga mwandi mbeû na akaa antû irio bia kûrîa agaatûma mbeû îra abwete yuma maketha maingî mûno ma wagîru bwenu.

AEBEESO 5:9

Maciaro ma werû bûbû i mîthemba yonthe ya wega, wagîru na ûmma.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

APIRIPI 4:8

Nkîthiria, aruayia na aarayia, ka mbwîreeni ûûgû—thûgaanagîriani mantû ma mma, na mara meetîgîîrîkîîte, na mara maagîrîte, na mara matheru, na mara mathongi na mara marî îgweta. Thûgaanagîriani mantû mara meega, na mara maagîrîte gûkaathwa.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

1 ATHESARONIKE 2:7

Tûrî atûmwa ba Kîrîstû, itwarî na watho bwa kûbwîra bûtûteethie. Îndî tûtaarûtha ûgu. Twabûmenyagîîra ta mwekûrû bûra amenyagîîra twana twake tûra tûniini.

1 TIMOTHEO 5:21

Ngai akîîgagua amwe na Yiesû Kîrîstû na araîka bara batheru, ndîkwîra atî, ûtikaarege kûrûtha mantû mamu monthe ndakwîra ûrûthe na ûtigaatûmîre kîmenyano. Rîonthe thûkagia antû bûmwe kîrî mantû monthe mara ûkaarûthaga.

2 TIMOTHEO 2:24

Mûruti ngûgî wa Mwathani atibatîîrue athetania. Abatîîrue oonia antû bonthe ûbooreeru, arî mwarimû ûmwega na ûûmagîîria,

TITO 1:15

Bara bo bathereetue nkoro boonaga bionthe birî biitheru. Îndî bara beetankîîte na meeyia na bateetîgagia, gûtirî bu bwao bûtheru n'ûntû mathûgaania maao i maindiganu. Batiiyî i bûrîkû bwega kana i bûrîkû bûthûûku.

TITO 3:2

Beere muntû atikaarie mantû maathûûku îgûrû rîa ûra ûngî. Ibatûûranie na ûkiri bakîîganagua kîao, na boonanagie kwînyithia kîrî woora muntû.

AIBIRANIA 12:11

Rîra wîgagua tûkîonua kûra tûbîtagîria, tûtikenaga. Wîgagua tûkîîgua ûrûrû na tûtikenaga. Îndî nyumaani bara beegagua booneete baita kuumania na kwoneerua kûra babîtagîria, iboonaga maumithio ma wagîru na ûkiri.

AIBIRANIA 12:14

Cûûgiani mûno bûtûûranagieni na ûkiri na wakîra muntû. Geriani na njîra cionthe gûtûûra bûrî baatheru, n'ûntû bwarega kûrûtha ûgu bûtiona Mwathani.

NJAKUBU 1:17

Ûntû bwega bunthe na kîewa kîîganîîru biumaga îgûrû kîrî Ngai, Mûûmbi wa bionthe bira bimûrîkaga îgûrû. We atigarûkaga ta bio na atikaraga akîgarûkaga ta irundu.

NJAKUBU 1:5

Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

NJAKUBU 2:13

n'ûntû muntû ûra ateeganagua kîao, wana we Ngai atimwîgua kîao akîmûgiitîra îgamba. Îndî ûra eeganagua kîao naateegua ûguaya bwa îgamba.

NJAKUBU 2:4

anga gûku ti kwathûrana na bwatuîka agambithania kûringana na mathûgaanio meenu maathûûku?

NJAKUBU 3:15

Ûûme ta bûbu ti bwa kuuma kîrî Ngai, i bwa kîînthîgûrû n'ûntû ti bwa gîîkîrundu. Na i Nkoma abûreetaga.

NJAKUBU 4:8

Îthengangîraani Ngai bwone aayanga akubî naabi. Îrireeni, eeyia baba. Theriani nkoro cienu, biû antû ba nkoro ciîrî.

1 PETÛRÛ 1:22

Na n'ûntû îîndî ibwîthereetie na njîra ya kwathîkîra ûmma, nwa bwende eetîgîri bara bangî na wendo bwa mma. Kwoogu endanagaani mûno na nkoro yonthe,

1 PETÛRÛ 2:1

Kwoogu bûtigaacooke kûrombeeria bara bangî mantû maathûûku kana bwenania. Rûthagaani mantû bûtakwîbuithia. Bûtigaatuîke antû ba rûriitho kana bwaria mantû maathûûku îgûrû rîa antû bara bangî.

1 PETÛRÛ 2:18

Biû bara bûrî nkombo înyithagieni kîrî anene beenu bara bûrutagîra ngûgî. Tîîya mûnene waku mûno, nwîgue n'ûmwega na arî kîao kana n'ûmûthûûku.

1 NJOANA 3:18

Aana baakwa, twonanagieni wendo bwetû i bwa mma na mantû mara tûkaarûthaga, îndî ti na kwaria gunka.

1 NJOANA 3:3

Na muntû wonthe ûra arî na wîrîgîîro bûbû neetheragia n'ûntû we n'ûmûtheru.