NJAKUBU 3:15 - Kîrîîkanîro Kîîyerû

¹⁵ Ûûme ta bûbu ti bwa kuuma kîrî Ngai, i bwa kîînthîgûrû n'ûntû ti bwa gîîkîrundu. Na i Nkoma abûreetaga.

NJAKUBU 3:15 ပူးပေါင်းရင်းမြစ်များ

RUKA 16:8

“Mûnene eera mûrûngamîîri ûyu ataarî mwîtîgua akûrûtha bwega amwe na ûgu, n'ûntû bwa gûtûmîra maûûme maake gwîteethia. Antû ba kîînthîgûrû ibaiyî gûtûmîra maûûme maao rîra bakûrûtha mantû nkûrûki ya antû bara barî na ûmenyo bwa Ngai.

NJOANA 3:17

Ngai ataatûma Mwana wake nthîgûrû aaya kûgiitîra antû îgamba, îndî naaboonokia.

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

NGÛGÎ 13:10

amwîra, “Ûrî mwana wa Nkoma na mûnthû wa bûra bunthe bwega! Ûûyûri ûrongo bwa mîthemba yonthe na wenania. I rî ûgaatiga kûrutana kînyume kîa ûmma bwa Mwathani?

AROOMA 1:22

Baugaga ibarî baûme, îndî baatuîkire biaa.

1 AKORINTHO 1:27

Ngai aathuurire bara antû ba nthîgûrû boonaga ta biaa kaingo bara baûme baconoka. Ngai aathuurire bara bataûmba kûrûtha ûntû kaingo bara baûmba kûrûtha ûntû baconoka.

1 AKORINTHO 2:14

Muntû wa kîînthîgûrû atiûmba kûgwata mantû ma Kîrundu wa Ngai. Kîrî we oonaga marî waa. Aticiûkîrwa amenya bûra makuuga n'ûntû mathûkagua i ma mma i Kîrundu.

1 AKORINTHO 3:19

Ûûme bwa mantû ma nthîgûrû i waa kîrî Ngai, wata bûra kwandîkîîtwe *Maandîkooni Maatheru atî, “Agwataga bara baûme na ûûme bwao bongwa.”

1 AKORINTHO 3:3

n'ûntû bûtongoragua kûrûtha mantû i mawîrirîîria ma kîîmwîrî. Bûkaraga bûkîîganagua rûriitho, bûkîthetanagia na kwathûkana gatîgatî keenu. Gûku ti kwonania bûtirî ba gîîkîrundu na bûrûthaga mantû ma kîîmuntû?

2 AKORINTHO 1:12

Nkorooni cietû itwîgagua tûtirî na mabîtia. Nwa tuuge tûkeneete mantû mara tûrûthaga gûkû nthîgûrû, na mûno mûno kîrî biû, twarûthire mo tûtarî na ûntû bûûthûûku, tûrî na mathûgaanio meega mbere ya Ngai. Tûûmbîîte kûrûtha mantû mamu monthe n'ûntû bwa ûtugi bwa Ngai, t'ûntû bwa ûûme bûra antû barî.

2 AKORINTHO 11:3

Îndî kîmako gîakwa n'atî meeciiria meenu maûmba kûbîtithua njîra bûgatiga kwathîkîra Kîrîstû ta bûra bûmwathîkagîra bûrî baatheru na bwîrutîîte. Bûkarûtha ûgu bûkara ta Awa ûra eeneerue na ûûme i njoka.

APIRIPI 3:19

Îndî na bo ibakaathirua mûthiani. Nda ciao i cio batûmîkagîra irî ngai na beekumagia na mantû mara barûthaga batakwona marî îgi. Bathûgaanagîria wamantû ma ûtûûro bwa gûkû nthîgûrû monka.

2 ATHESARONIKE 2:9

Muntû ûyu wa Meeyia akaaya na inya înene ya Saitaani, amîtûmîre kûringa mîthemba yonthe ya biama bia ûrongo, iriga, na magegania.

1 TIMOTHEO 4:1

Kîrundu Ûmûtheru nagweteete bwega auga atî, ntugû cia mûthia antû bamwe bakaaragaragia wîtîgio baathîkîre irundu bia wenania na bathingate moorutani ma irundu biithûûku.

NJAKUBU 1:17

Ûntû bwega bunthe na kîewa kîîganîîru biumaga îgûrû kîrî Ngai, Mûûmbi wa bionthe bira bimûrîkaga îgûrû. We atigarûkaga ta bio na atikaraga akîgarûkaga ta irundu.

NJAKUBU 1:5

Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

NJUNDA 1:19

Antû babu i bo bakûreeta kwathûkana kwenu, n'ûntû bathingataga wîrirîîria bwa mîîrî yao na batirî Kîrundu wa Ngai.

KÛGWÛRÎRWA 12:9

Njoka înu nene mûno yeengatua gûku îgûrû. Na njoka înu n'yo îtûîre yîtagwa Nkoma kana Saitaani. N'yo yenagîîria antû ba nthîgûrû yonthe. Yeengatiirue îgûrû amwe na araîka ba yo.

KÛGWÛRÎRWA 2:24

Îndî kûrî bo bacienu, biû Athiatira, bara bûtathingataga moorutani mamu maake na bûteendeete kûmenya bûra bamwe beetaga mawitho ma Saitaani ma ndeni. Ga nkûbwîra biû gûtirî bu bûngî nkûbwîra bûrûthe,

KÛGWÛRÎRWA 9:11

Na ngige inu iciarî na mûnene wa cio ûra aitongoreereetie. Mûnene ûyu aarî mûraîka kuuma îrinyaani rîra rîorokeru mûno. Na mûraîka ûyu eetagwa Abandoni na Kîîbirania. Na Kîîngiriki eetagwa Aporoni (na riîtwa rîru rîake riugaga ‘Mwînyangia’).