NJAKUBU 3:13 - Kîrîîkanîro Kîîyerû

¹³ N'ûû wacienu arî na ûûme na ûmenyo? Weegua kûrî we noonanie na mûtûûrîre wake ûmwega na mantû meega mara arûthaga arî na kwinyithia kuumania na ûûme bûra arî.

NJAKUBU 3:13 ပူးပေါင်းရင်းမြစ်များ

MATHAYO 11:29

Thûkiani gîcooki gîakwa bwîkîre mbûrutane bûnogoke nkoro n'ûntû niû ndî ûmûbooreeru na indînyiîtie.

MATHAYO 21:5

“Îra antû ba taûni ya Cayûni, ‘Cûûba bwone mûnene wenu aayîîte. Neendeete ûkiri na akamatîîtwe n'îng'ooi, gatigiri, kayaû ka îng'ooi.’ ”

MATHAYO 5:5

Kîthaarimo i kîrî bara babooreeru, bakeewa nthîgûrû îtuîke yao.

MATHAYO 7:24

Yiesû auga, “Kwoogu ûra wonthe eegagua ntheto ciakwa akairûtha, akari ta muntû ûmûûme ûra aakire nyomba yake rwaraani rwa iiga.

1 AKORINTHO 6:5

Rîru n'îgi kîrî biû! Kagûtarî we kanicaani arî na ûûme bwa kûgana ûntû aûmba kûgiita îgamba rîa mwîtîgîri na ûra ûngî?

2 AKORINTHO 10:1

Inkwenda mûno bûnthikîîria, ndî ningwa, Paûrû, nkîaria na ûbooreru ta bwa Kîrîstû na kîao ta gîake. Antû bamwe baugaga ntiaragia mbûmîîrîîtie rîra twonanîîte, mbaragia mbûmîîrîîtie twatigana.

2 AKORINTHO 8:24

Kwoogu boonieni wendo bwenu i bwa mma na oniani makanica tûtikenaga i biû mana.

AGARATIA 5:23

ûbooreeru, na kûrega mîîrî yetû îtwatha bûra îkwenda. Na gûtirî watho bûûmba kûrega kûgwatanîra na mantû ta mamu.

AGARATIA 6:1

Aruayia na aarayia, ûmwe wacienu akaaya kûgwa meeyiani, bara bûrî agima gîîkîrundu geriani kûmûteethia acooke kûrûthaga bûra kwagîrîte. Îndî ingî ti na ûgîti. I mpoora, bûkîmenyagîîra bûtikaaye kûthûngîra magerioni na biû.

AGARATIA 6:4

Îndî woora muntû nathime mûkarîre wake we wengwa. Ûkaaya kwîgua ûrî mûkarîre ûmwega, rîru muntû nwa akeneere uu, n'ûntû bwa mantû mara arûthîîte arî we. Îndî t'akîîbuanaanagia na bûra muntû ûngî arûthîîte.

AEBEESO 4:2

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

1 TIMOTHEO 4:12

Ûtikaareke muntû akûbûthia n'ûntû bwa wîthî bwaku. Îndî tuîka ngerekano îmbega kîrî bara bangî beetîgîîtie Ngai, boone kuumania na rwaria rwaku rûra waaragia, mûkarîre waku, wendo, wîtîgio na ûtheru bwaku bwa nkoro.

1 TIMOTHEO 6:11

Îndî woû, muntû wa Ngai, îbûmbe gataaria na mantû ta mamu. Ûmia wone ûrî na wagîru bwa nkoro, ûngai, wîtîgio, wendo, kûûmîîria na kwînyithia.

2 TIMOTHEO 2:25

agîkaanagia bara bakûthûgaania mwanya n'we eenyiîtie n'ûntû kwaûmbîka Ngai akaa antû babu kaanya ga kwîrira bakamenya ûmma.

TITO 3:2

Beere muntû atikaarie mantû maathûûku îgûrû rîa ûra ûngî. Ibatûûranie na ûkiri bakîîganagua kîao, na boonanagie kwînyithia kîrî woora muntû.

AIBIRANIA 13:5

Bûtikeende wendo bwa mbia bûbûgwata ûkombo. Îganagîrwaani i bira bûrî na bio n'ûntû Ngai augîîte, “Ntikooro gûtiga kana ngûta.”

NJAKUBU 1:21

Kwoogu bûtikaarûthe mantû ma rûko kana mûkarîre wenu wîgua ûrî wa mantû maathûûku. Îtîgîîriani kiugo kîa Ngai kîra aandîîte nkorooni cienu bwînyiîtie. Kîaûmba kwonokia mîoyo yenu.

NJAKUBU 2:18

Muntû nwa auge, “Niû i wîtîgio ndî.” Ûngî n'we akauga, “Niû i mantû meega ndûthaga.” Woû uugaga ûgu rî, tambonia bûra muntû aûmba kwîgua arî na wîtîgio na atakûrûtha mantû meega. Niû ngakwonia wîtîgio bwakwa kuumania na mantû mara ndûthaga.

NJAKUBU 3:1

Aruayia na aarayia, baingî beenu bûtikeerirîîrie gûtuîka arutani ba kiugo kîa Ngai, n'ûntû ibwiyî tiû bara tûrutanaga bara bangî kîo îgamba rîetû ûkeegua rîrî rîûmo nkûrûki ya bara bangî.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

1 PETÛRÛ 1:15

Îîndî îgaguani bûrî baatheru mantûûni monthe mara bûkaarûthaga, ta bûra Ngai ûra aabwîtire arî ûmûtheru.

1 PETÛRÛ 2:12

Menyagîîraani mûkarîre wenu kîrî bara bateetîgîîtie Ngai. Baûmba kûbûtuîrîîra bakauga ibûrûthîîte mantû maathûûku. Îndî bakaaya kwona bûrûthaga mantû meega bagaakumia Ngai ntugû îra antû bonthe bakaagiitîrwa îgamba.

1 PETÛRÛ 2:9

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.

1 PETÛRÛ 3:4

Ûthongi bwenu bûbatîîrue bwîgua bûrî ûthongi bwa gîînkoro bûra bûtoonekaga na meetho. Bu n'ûthongi bwa kuumania na kîrundu kîa ûbooreeru, kîrundu gîa ûkirîîria. Bu bûtithiraga rî kana rî na kîrî Ngai bûrî gîtûmi kîînene mûno.