NJAKUBU 3:1 - Kîrîîkanîro Kîîyerû

¹ Aruayia na aarayia, baingî beenu bûtikeerirîîrie gûtuîka arutani ba kiugo kîa Ngai, n'ûntû ibwiyî tiû bara tûrutanaga bara bangî kîo îgamba rîetû ûkeegua rîrî rîûmo nkûrûki ya bara bangî.

NJAKUBU 3:1 ပူးပေါင်းရင်းမြစ်များ

MATHAYO 10:24

“Mûrutwa t'we mûnene kîrî mwarimû wake. Na mûruti ngûgî t'we mûnene kîrî ûra arutagîra ngûgî.

MATHAYO 23:13

Yiesû abeera, “Bûkoona thîîna, biû aarimû ba watho na Abarisai, eebwithia baba! Bûrigagîîria bara bangî bathi ûneneeni bwa îgûrû na tika biû bûkaathi ku. Bûtirekaga bara bakûthûngîra bathûngîra. [

MATHAYO 23:14

“Bûkoona thîîna, biû aarimû ba watho na Abarisai, eebwithia baba! Bwenagîîria ntigwa bûgaitunya into bia cio. Na bwathi kûromba bwendaga kûromba maromba maaraaya mûno bûkîenda kwîbonania kîrî antû. Îgamba rîenu ûkeegua rîrî rîîthûûku mûno.]”

MATHAYO 9:11

*Abarisai bakwona ûgu baûria arutwa ba Yiesû, “I kî gîgûtûma mwarimû wenu arîyanîra na arûngithia ûgooti na eeyia?”

RUKA 16:2

Mwene into amwîta amûûria, ‘N'ata nkwîgua antû bakiuga nûkûrûtha? Ndîenda ûndeetera mûtaratara wa bûra ûtûmangîrîte mbia n'ûntû kuuma îmunthî ngûgî yaku îkûthira.’

RUKA 6:37

Yiesû abeera, “Bûtikaagambithie bara bangî bûûya kûgambithua. Bûtikaagiitîre bara bangî îgamba naabi bûtigiitîrwa. Rekanagîraani naabi bûkaarekerwa.

NJOANA 3:10

Yiesû amwîra, “Ûtigûciûra ûntû bûbû, mwarimû agana ûûgû wa Isiraeri!

NGÛGÎ 13:1

Kanica ya Antiokia ikwarî na iroria na bara baarutanaga bara bangî. Baarî Baranaba, Simioni (ûra kaîrî eetagwa ‘Muntû ûmûyirû’), Rusias wa kuuma Kureni, Manaeni ûra aakûranîîtie amwe na Eronde ûra eetagwa Antipas, na Saûrû.

1 AKORINTHO 12:28

Kanicaani, ta yo mwîrî wa Kîrîstû, Ngai eeyanîîte icuncî bibi: mbere atûmwa, rîru iroria, aarimû, bara baringaga biama, bara beetwe kîewa gîa kworanagia, bara bateethagia bara bangî, bara baûmbaga gûtongoreeria bara bangî na bara baûmba kwaria na ndwaria ingeni.

2 AKORINTHO 5:10

Nwa mwanka twinthe tûkaarûngama mbere ya Kîrîstû atûgiitîre îgamba. Na woora ûmwe wacietû akaagiitîrwa bûra kwagîrîte, kûringana na mantû mara twaarorûtha tûrî mwîrîîni ûyû wa kîînthîgûrû, meega kana maathûûku.

AEBEESO 4:11

Kîrîstû n'we wengwa eeyanire biewa bibi kîrî kanica. Bamwe abaa kîewa gîa gûtuîka atûmwa, bangî abatuîkithia iroria, bangî atûmîîria, bangî arîîthi na bangî aarimû.

1 TIMOTHEO 1:7

Barîenda gwîtuîkithia aarimû ba watho bwa Ngai, îndî wana mîgambo îra bakwaria baticiûkîrîtwe n'yo kana mantû mara bakwarîîria baûmîîrîîtie.

1 TIMOTHEO 2:7

Na gîkî i kîo gîtûmi gîakwa gûtûmwa ndî mûtûmwa na mwarimû kîrî antû ba nthîgûrû ira ingî, bara batarî Ayaundi, kaingo ntûmîîria ntûmwa ya wîtîgio na ûmma. N'ûmma nkwaria na t'ûrongo!

2 TIMOTHEO 1:11

Ngai aanthuurire ntuîka mûtûmîîria, mûtûmwa na mwarimû wa ntheto îmbega.

AIBIRANIA 13:17

Athîkagîraani atongoria beenu na bûtikaabakararagieni n'ûntû babûrûngamîîrîîte bakaûrua i Ngai. Bwabaathîkîra bakaaruta ngûgî bakeneete. Îndî bwarega bakaaruta ngûgî barî na kîeba, na bûbu bûtibûteethia.

NJAKUBU 1:16

Kwoogu, eendwa, aruayia na araayia, bûtikeende kweneerua.

NJAKUBU 1:19

Eendwa, aruayia na aarayia, menyaani ûûgû, muntû nakarage na mpwî cia kwîgua, îndî ti cia kwaria kana cia kûthûûra.

NJAKUBU 3:10

Atî kanyua wakamwe nwa ko kaumaga mîgambo ya nkaatho na ya kûrîrîkana. Aruayia na aarayia, ûûgû ti bu kûbatîîrue kwîgua gûkari.

1 PETÛRÛ 5:3

Bûtigaatûmîre ûnene bwenu kwinyîîria bara bwetwe bûmenyeera. Îgaguani bûrî ngerekano îmbega kîrî bo.