NJAKUBU 2:9 - Kîrîîkanîro Kîîyerû

⁹ Îndî rîra bûkwathûra antû bûkoonaga bamwe barî ba gîtûmi nkûrûki ya bara bangî, bûbu i wîyia na watho bûrîonania bûrî auni watho.

NJAKUBU 2:9 ပူးပေါင်းရင်းမြစ်များ

NJOANA 16:8

Rîra akaaya akoonia antû wîyia bwao. Akaboonia ibaagîrîtwe beegua barî baagîru na akaboonia mûthûûro wa Ngai ûrî kîrî kîrîndî kîa nthîgûrû.

NJOANA 8:46

N'ûû wacienu aûmba kwonania wîyia bwakwa? Aabu weegua mbaragia ûmma rî, i mbi îîndî îkûgiria bûmbîtîgia?

NJOANA 8:9

Bakwîgua ûgu, baanjîîria kûthi woomwe kwa ûmwe. Akûrû i bo baarî ba mbere kûthi. Yiesû aatigwa wenka na mûka ûyu arûngi agu.

NGÛGÎ 10:34

Petûrû aanjîîria kûbaarîria. Abeera, “Îîndî nkûmenya i mma gûtirî antû Ngai eendeete nkûrûki ya bara bangî.

AROOMA 3:20

Na kwoogu gûtirî muntû aûmba kwagîrithua i Ngai kuumania na kûthingata watho. Watho ibûtûmaga tûmenya meeyia meetû.

1 AKORINTHO 14:24

Îndî gûgatuîka antû bonthe barîaria ûroria, muntû atarî mwîtîgîri kana atakûmenya bûra gûgûkarîka akaaya kanicaani înu wîyia bwake ibûkeebuumîria, eegiitîre îgamba kuumania na bûra bunthe akeegua.

AGARATIA 2:19

Indaathingataga watho. Îndî îîndî ndî ûmûkuû kîrî bu, na i bu bûmbûragîîte kaingo ntûûrîra Ngai.

1 NJOANA 3:4

Ûra eeyagia i watho eegagua akiuna n'ûntû wîyia i kuuna watho.

NJUNDA 1:15

agiitîre îgamba muntû wonthe. Na ûra wonthe atatîîyaga Ngai akaagiitîrwa îgamba kûringana na mantû monthe mara aarûtha kînyume kîa Ngai. Mwathani akaagiitîra îgamba mwîyia wonthe ûra atamûtîîyaga kûringana na mîgambo yonthe îmîthûûku îra aaria îgûrû rîa Ngai.”