NJAKUBU 2:8 - Kîrîîkanîro Kîîyerû

⁸ Wabu bûkaingia watho bûra bûnene bwa Ngai, bûra bwandîkîîtwe *Maandîkooni Maatheru bwauga, “Enda mûtûûri waku ta bûra wîbendeete,” nabûkamenya ibûkûrûtha bûra kwagîrîte.

NJAKUBU 2:8 ပူးပေါင်းရင်းမြစ်များ

MATHAYO 22:39

Na yathana rîa maîrî wana rîo rîkari ta rîru. ‘Enda mûtûûri waku ta bûra wîbendeete.’

MATHAYO 25:21

“Mûnene wake amwîra, ‘I bwega mûno, mûrutî ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkeneera.’

MATHAYO 25:23

“Mûnene wake amwîra, ‘I bwega mûno, mûruti ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkenera.’

MATHAYO 7:12

Kwoogu rûthagîraani bara bangî mantû monthe ta bûra wana biû bwenda babûrûthîra, n'ûntû i bu kwandîkîîtwe *wathooni bwa Musa na mabukuuni ma iroria.”

AROOMA 13:10

Wendo bûtithûûkagia muntû ûra ûngî. Wendo ibwingagia bûra bunthe watho buugîîte.

AGARATIA 5:14

Ûkaingia yathana rîra rîmwe riugîîte, “Enda mûtûûri waku ta bûra wîbendeete,” ûkwathîkîra bûra maathana monthe meendaga.

AGARATIA 6:2

Twaranagiani mîrigo. Na bwarûthaga ûgu ûkeegua bûkiingia watho bwa Kîrîstû.

APIRIPI 4:14

Ibwarûthire bwega bwanteethia mathîînaani maakwa.

1 ATHESARONIKE 4:9

Gûtirî na gîtûmi gîetû kûbwandîkîra tûbwîra bwendage eetîgîri bara bangî, n'ûntû biû bwingwa ibûrutanîîtwe i Ngai kwendanaga.

NJAKUBU 1:25

Îndî ûra acûnkûûnaga bwega watho bûra bûtheru, bûra bûthaûraga antû, na akathi na mbere akarûtha bûra eegua atakûriganîrua, muntû ûyu akaathaarimwa mantûûni mara akaarûthaga.

NJAKUBU 2:12

Kwoogu bûkîaria na bûkîrûtha mantû, rûthagaani bûkîmenyaga bûkaagambithua na watho bûra bûthaûraga muntû

NJAKUBU 2:19

Ingûkûûria, woû ûtiîtîgîîtie Ngai n'ûmwe? Bûbu n'ûntû bwega. Îndî anga nwiyî kana kinya irundu biithûûku ibiîtîgîtie ûgu na ibiinainaga n'ûguaya?

NJAKUBU 4:11

Aruayia na aarayia, tigaani gûtuuyanagîîra n'ûntû muntû ûra atuuyagîîra ûra ûngî kana akamûgiitîra îgamba, eegagua akîbûthia watho na akabuagîra gîtûmi. Na rîra ûkwagîra watho gîtûmi, woû ûtirî ûra ûbuathîkagîra kaîrî n'ûntû ka ûbubûthagia.

1 PETÛRÛ 2:9

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.