NJAKUBU 2:21 - Kîrîîkanîro Kîîyerû

²¹ I mbi yatûmire Ngai oona Îburaîmu, kîûyûyû gîetû arî muntû ûmwagîru? Ti bûra aarûthire weegua neetîgagîîria kûruta Isaka mwana wake arî kîgongwana?

NJAKUBU 2:21 ပူးပေါင်းရင်းမြစ်များ

MATHAYO 12:37

Wamuntû akaagiitîrwa îgamba bwega kana bûûthûûku kûringana na mîgambo yake.”

MATHAYO 3:9

Bûtikaathûgaanie bûgaateethua i kuuga, ‘Tiû tûrî ba rûrîîyo rwa Îburaîmu!’ Na mma ga nkûbwîra, Ngai nwa atuîkithie kinya maiga mama aana ba Îburaîmu.

RUKA 1:73

ta kîo mûthiîtio ûra aathiîtîîrie kîûyûûyû gîetû Îburaîmu,

RUKA 16:24

Gîtonga gietana kîauga, ‘Itû aba, Îburaîmu baaba, mbîgua kîao! Tûma Racaarû ûmwîre atombeke mûthia wa kaara gaake rûûyîîni aaye aandurie rûrîmî, n'ûntû nkwinya i kîrîrîmbî gîkî.’

RUKA 16:30

“Gîtonga kîamwîra, ‘T'ûgu itû, Îburaîmu baaba, nwanga gûkooneka muntû aumîîte kîrî bara bakuû akathi kîrî bo, rîru i rîo beerira.’

NJOANA 8:39

Bamwîra, “Baaba wetû n'Îburaîmu.” Yiesû abeera, “Ûkaaya kwîgua wabu bûrî aana ba Îburaîmu, wîgua bûkari ta bûra Îburaîmu aakari,

NJOANA 8:53

Ka ûrî mûnene nkûrûki ya Îburaîmu kîûyûûyû gîetû na we naakuire? Kana nkûrûki ya iroria na ibiakuire? Ka ûkuuga woû ûrî ûû?”

NGÛGÎ 7:2

Stibini aacookia auga, “Aruayia na babaaba, thikîîriani mbwîre! Ngai wa mwago eebonaniirie kîrî kîûyûyû gîetû, Îburaîmu, warî Mesopotamia mbere ya athaamîra Arani,

AROOMA 3:20

Na kwoogu gûtirî muntû aûmba kwagîrithua i Ngai kuumania na kûthingata watho. Watho ibûtûmaga tûmenya meeyia meetû.

AROOMA 4:1

N'ata tûûmba kuuga îgûrû rîa Îburaîmu, îthe wa Ayaundi? N'ata tûûmba kûthooma kuumania n'we?

AROOMA 4:12

Îburaîmu nwa we îthe wa bara bataane, na t'ûntû na bûra barî bataane, îndî n'ûntû bwa bûra barî na wîtîgio ta bûra aarî na bu mbere ya ataanwa.

AROOMA 4:16

Na kwoogu kîrî wîrane, wîtîgio i bu bûrî gîtûmi. Ngai oonanîîtie wîrane bwake i bwa mma kîrî nciarwa cia Îburaîmu cionthe n'ûntû Ngai arî ûtugi. Wîrane bwake ti kîrî nciarwa cia Îburaîmu cionka ira ithingataga watho, i kinya kîrî bara barî wîtîgio ta Îburaîmu. N'we baaba wetû twinthe.

AIBIRANIA 11:17

I wîtîgio bwatûmire Îburaîmu aruta mwana wake Isaka arî kîgongwana, rîra Ngai aamûgeriirie. N'we Ngai eere mawîrane na amwîra, “N'Isaka aagûtûma ûgîa nciarwa.” Na amwe na ûgu neetîgagîîria kûruta Isaka ûra aarî mwana wake wenka, atuîka kîgongwana.

NJAKUBU 2:18

Muntû nwa auge, “Niû i wîtîgio ndî.” Ûngî n'we akauga, “Niû i mantû meega ndûthaga.” Woû uugaga ûgu rî, tambonia bûra muntû aûmba kwîgua arî na wîtîgio na atakûrûtha mantû meega. Niû ngakwonia wîtîgio bwakwa kuumania na mantû mara ndûthaga.

NJAKUBU 2:24

Kwoogu bûtikwona muntû athûkagua n'ûmwagîru kuumania na mantû meega mara arûthaga, na t'ûntû bwa bûra arî na wîtîgio bunka?