NJAKUBU 2:19 - Kîrîîkanîro Kîîyerû

¹⁹ Ingûkûûria, woû ûtiîtîgîîtie Ngai n'ûmwe? Bûbu n'ûntû bwega. Îndî anga nwiyî kana kinya irundu biithûûku ibiîtîgîtie ûgu na ibiinainaga n'ûguaya?

NJAKUBU 2:19 ပူးပေါင်းရင်းမြစ်များ

MATHAYO 8:29

Bakwona Yiesû baanjîîria gûkaya mûno bakiugaga, “N'ata ûkwenda naati, woû Mwana wa Ngai? Ika waya gûtûnyamaaria kagiita kongwa gatarî gakinyu?”

MAARIKO 1:24

auga, “N'ata ûkwenda naati Yiesû Mûnasareethi? Ka ûûyîîte gûtûthiria kana? Imbiyî woû ûrî ûû. Ûrî Mûtheru kuuma kîrî Ngai.”

MAARIKO 12:29

Yiesû amwîra, “I rîrî, ‘Thikîîria, Isiraeri, Mwathani Ngai wenu n'we Mwathani wenka.

MAARIKO 5:7

Auga na inya, “N'ata ûkwenda naani, Yiesû, Mwana wa Ngai ûra atûûraga îgûrû mûno. Itû ngûkwereka kwa riîtwa rîa Ngai, menya ûnnyamaaria.”

MAARIKO 7:9

Yiesû abeera, “Bûrîona ta mantû meega mamu bûrûthaga, rîra bûregaga maathana ma Ngai kaingo bûthingata kîîwîthîre kîenu?

RUKA 4:34

“N'ata ûkwenda naati Yiesû Mûnasareethi? Ka ûûyîîte gûtûthiria kana? Imbiyî woû ûrî ûû. Ûrî Mûtheru kuuma kîrî Ngai.”

NJOANA 17:3

Na i kaingo muntû atûûra mwoyo wa tene na tene, nwa mwanka akûmenye, woû Ngai ûra ûrî wa mma wenka. Na nwa mwanka muntû amenye Yiesû Kîrîstû ûra watûmire.

NGÛGÎ 16:17

Kaarî gaku gatûthingata gakiugaga na inya, “Antû baba n'aruti ngûgî ba Ngai ûra mûnene mûno. Barîbûtûmîîria bûmenya bûra bûûmba kwonoka!”

NGÛGÎ 19:15

Îgiita rîmwe bakîrûtha ûgu, kîrundu kîîthûûku kîabeera, “Yiesû imwiyî, na Paûrû imwiyî. Îndî biû i biû ba ûû?”

NGÛGÎ 24:25

Paûrû akûthi na mbere akîaragîîria mantû ma wagîru, kûrega kwathwa i mwîrî, na mantû ma ntugû îra îkaaya rîra antû bakaagiitîrwa îgamba, Berîksi aagwatwa n'ûguaya. Amwîra, “N'ûûgu îîndî. Îthi, ngagwîta kaîrî rîra ûkeegua ndî na kaanya.”

AROOMA 3:30

Ngai n'ûmwe. Aagîrithagia Ayaundi n'ûntû bwa wîtîgio bwao na akaagîrithia bara batarî Ayaundi kuumania na wîtîgio bwao.

1 AKORINTHO 8:4

Ka mbuge ûûgû îgûrû rîa irio bira birutîrîtwe ngai cia ûrongo. Itwiyî atî, ngai ya ûrongo ti gîntû muntû auga i gîntû kîna nthîgûrû îno. Na itwiyî Ngai n'ûmwe, gûtirî ûngî.

1 AKORINTHO 8:6

kîrî tiû Ngai n'ûmwe, ta we Îthe wa bonthe. N'we kaumo ka bionthe na n'we atûtûîrie. Na kûrî Mwathani ûmwe, ta we Yiesû Kîrîstû. Into bionthe biaûmbirwe gûkûrûkîîra kîrî we na tûrî na mwoyo gûkûrûkîîra kîrî we.

AGARATIA 3:20

Gûtirî mwîguithania wa muntû ûmwe, îndî Ngai n'ûmwe.

1 TIMOTHEO 2:5

Ngai n'ûmwe akî. Na kûrî muntû ûngî ûmwe ûra eeguithanagia antû na Ngai. N'we i muntû ûra eetagwa Kîrîstû Yiesû,

NJAKUBU 2:8

Wabu bûkaingia watho bûra bûnene bwa Ngai, bûra bwandîkîîtwe *Maandîkooni Maatheru bwauga, “Enda mûtûûri waku ta bûra wîbendeete,” nabûkamenya ibûkûrûtha bûra kwagîrîte.

NJUNDA 1:4

Ndîbwîra ûgu n'ûntû antû bamwe ba bara batatîîyaga Ngai ibeethûngîîrîîtie na witho gîkundiini keenu. Mantû maao maandîkîîtwe beerwa îgamba rîao irîbeeteereete. Bagarûraga ntûmwa ya ûtugi bwa Ngai wetû na njîra îtaagîrîte, kaingo boona mwanya wa kûrûtha ûntû bunthe bûûthûûku bûra beeriragîîria. Na kaîrî bakaanaga Yiesû Kîrîstû na n'we wenka Mûnene na Mwathani wetû.

NJUNDA 1:6

Na araîka bara baumire ara baabatîîrue beegua barî, beenda kwîbongeera wathani, Ngai aabaingîîre kûra kûrumeene mwindu. Bakaraga ku abathaîkîîte na nyoyoro itatuîkaga rî kana rî beeteereete ntugû îra nene ya îgamba.

KÛGWÛRÎRWA 20:10

Ûra akeegua abeeneereetie, ta we Nkoma, agerwe îriani rîa mwanki wa ûbiriti, kûra nyamû îra na kîroria kîra kîa ûrongo baagerirwe. Na bakaanyamaarîra gûku tene na tene, mûthenya na ûtugû.