NJAKUBU 2:18 - Kîrîîkanîro Kîîyerû

¹⁸ Muntû nwa auge, “Niû i wîtîgio ndî.” Ûngî n'we akauga, “Niû i mantû meega ndûthaga.” Woû uugaga ûgu rî, tambonia bûra muntû aûmba kwîgua arî na wîtîgio na atakûrûtha mantû meega. Niû ngakwonia wîtîgio bwakwa kuumania na mantû mara ndûthaga.

NJAKUBU 2:18 ပူးပေါင်းရင်းမြစ်များ

AROOMA 14:23

Îndî ûkaaya kwîgua muntû arî na nkanja na irio bia mûthemba mûna, atibatîîrue abirîa. Akabirîa neegiitîra îgamba arî we, n'ûntû eetîgîîtie bitiagîrîte birîwa. Ûntû bunthe bûra muntû arûthaga atagwîtîgia n'ûntû bwagîru, i wîyia.

AROOMA 3:28

Kwoogu itwiyî muntû aagîrithagua i Ngai n'ûntû bwa wîtîgio na t'ûntû bwa kûthingata watho.

AROOMA 4:6

Ûgu nwa bu Ndaundi augîîte îbukuuni rîa Cabuurî. Augîîte muntû ûra mûthaarime n'ûra Ngai athûkagia arî ûmwagîru, na wagîru bwake bûtaumanîîtie na mantû mara arûthaga.

AROOMA 8:1

Ûra arî ndeni ya Kîrîstû Yiesû atiigiitîrwa îgamba bûûthûûku.

AROOMA 9:19

Waûmba kwîgua muntû akîûria, “I kî îîndî n'ûntû Ngai ataragîra antû mabîtia?” Kana “N'ûû amûkîria inya akaregana na wendi bwake?”

1 AKORINTHO 13:2

Kana ûkeegua ndî na kîewa kîa ûroria ûkeegua imbiyî iriga bionthe na ndî na ûmenyo bunthe, kana ndî na wîtîgio bûûmba gûtûma kîrîma gîkûûka, ntarî na wendo, ndî wa mana.

2 AKORINTHO 5:17

Muntû akeegua arî ndeni ya Kîrîstû atuîkaga kîûmbe kîîyerû. Mantû mara makûrû imathiraga akeerûua kûrû.

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

1 TIMOTHEO 1:5

Gîtûmi kîa watho bûbû, i kaingo wîgua kûrî na wendo bûra buumaga kîrî nkoro întheru, mathûgaania magûkwonia ûtirûthîîte mabîtia, na wîtîgio bûra bûrî bwa mma.

TITO 2:7

Tuîka ngerekano îmbega mantûûni monthe. Tuîka wa mma ûrutaniini bwaku na ûtigeekîre mathee.

AIBIRANIA 11:31

I wîtîgio bwatûmire Raabu, mûka ûra aarî îrwaya, agwata ûgeni Aisiraeri bara athigaani. Na kwoogu ataakua antû bara bangî ba taûni înu bagîkua, bara bateetîgîîtie Ngai.

AIBIRANIA 11:33

Wîtîgio bwao ibwatûmire barûa na nthîgûrû ira ingî baicinda. Baatûûraga ûtûûro bwagîru na beewa mawîrane i Ngai. Ngai naaboonokagia kuuma kîrî tûnywa twa cimba,

AIBIRANIA 11:6

Gûtarî wîtîgio gûtirî we akenia Ngai. Muntû wonthe ûra aayaga kîrî Ngai nwa mwanka eetîgie Ngai natûîre mwoyo na nathaarimaga bara bamûcûaga na mantû meega.

NJAKUBU 2:14

Inkûbûûria, aruayia na aarayia, kûrî na gîtûmi kîrîkû muntû kuugaga arî na wîtîgio atakwonania na mantû mara arûthaga? Wîtîgio ta bûbu bwamwonokia?

NJAKUBU 3:13

N'ûû wacienu arî na ûûme na ûmenyo? Weegua kûrî we noonanie na mûtûûrîre wake ûmwega na mantû meega mara arûthaga arî na kwinyithia kuumania na ûûme bûra arî.