NJAKUBU 2:14 - Kîrîîkanîro Kîîyerû

¹⁴ Inkûbûûria, aruayia na aarayia, kûrî na gîtûmi kîrîkû muntû kuugaga arî na wîtîgio atakwonania na mantû mara arûthaga? Wîtîgio ta bûbu bwamwonokia?

NJAKUBU 2:14 ပူးပေါင်းရင်းမြစ်များ

MATHAYO 5:20

Na ga nkûbwîra, twanga bûkaagîra bûgakûrûka aarimû ba watho na *Abarisai, bûtiikûrûka ûneneeni bwa îgûrû.”

RUKA 3:11

Njoana abacookeria abeera, “Ûra arî na caati ciîrî nanenkere îmwe muntû ûra atarî n'yo. Na ûra arî na irio narûmie ûra atarî na bio.”

RUKA 6:49

Îndî muntû ûra eegagua ntheto ciakwa na atarûthe bûra mbendaga kûrûthwa, akari ta muntû ûra aakire nyomba îtarî na mûcingi. Mbura îkuura mûguû waya wamîkûmba, nyomba înu yaturana nthî, yoombokana. Kûgwa kûra yagwîre kwarî kûûnene mûno!”

NGÛGÎ 15:9

Oonaniirie gûtirî mûkûûrani wetû na bo. Wana bo abatheria nkoro ciao n'ûntû bwa wîtîgio.

NGÛGÎ 8:13

Simioni wana we eetîgia. Akûbaatithua aatua kûthiyanagia na Piripû. Akwona biama biinene na iriga bira Piripû aaringaga, aarigara mûno.

NGÛGÎ 8:21

Ûtirî ûmwe wetû ngûgîîni îno n'ûntû nkoro yaku îtigûkenia Ngai.

AROOMA 2:25

Ûkeegua wathîkagîra watho, gûtaanwa gwaku kûrî na gîtûmi. Îndî ûkeegua uunaga watho i bûmwe na ûtagîtaanirwe.

1 AKORINTHO 15:2

Na ntheto îno îmbega îgaatûma bwonokua weegua bûkaathi na mbere na kûthingata ûrutani bûra ndabûrutanire. Îndî ûkeegua bûtibûthingataga, wîtîgio bwenu i bwa ûtheri.

1 AKORINTHO 16:22

Ûkaaya kwîgua kûrî na muntû ateendeete Mwathani, ûyu n'ûmûrume i Ngai. Mwathani arooya na mpwî.

AGARATIA 5:13

Biû, aruayia na aarayia, Ngai ataabwîta bûtuîka nkombo. Îndî amwe na kwîgua bûrî baathaûre, bûbu bûtigaatûme bûreka mantû ma nthîgûrû îno mara mîîrî yetû îîriragîîria mabweneeria. Bûbatîîrue bûteethanagia bûkîendaga.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

1 ATHESARONIKE 1:3

Itûririkanaga mantû mara bûrûthaga n'ûntû bwa wîtîgio bwenu, ngûgî îra bûrutaga kuumania na wendo bwenu, na kûûmîîria kwenu n'ûntû bwa kwîrîgîîra Mwathani wetû Yiesû Kîrîstû. Na gîku i kîo gîtûmaga tûcookeria Ngai Baaba wetû nkaatho.

1 TIMOTHEO 1:5

Gîtûmi kîa watho bûbû, i kaingo wîgua kûrî na wendo bûra buumaga kîrî nkoro întheru, mathûgaania magûkwonia ûtirûthîîte mabîtia, na wîtîgio bûra bûrî bwa mma.

1 TIMOTHEO 4:8

Kûrûthithia mwîrî mîceetho n'ûntû bûrî gîtûmi kîna. Îndî kûmenyeeria kûrûthaga mantû mara Ngai eendaga marûthwa i ku kûrî gîtûmi nkûrûki, n'ûntû i ku kûrî baita ûtûûrooni bûbû tûrî na bu îîndî gûkû nthîgûrû, na ûtûûrooni bûra bûkaaya nyuma ya twakua.

TITO 1:16

Baugaga ibaiyî Ngai, îndî mantû mara barûthaga matigwatanagîra na ûntû bûbu. N'antû baathûûku mûno, aregi kwathîkîra Ngai na gûtirî ûntû bwega baûmba kûrûtha.

TITO 3:8

Na wabu kiugo gîku i gîa gwîtîgîka. Ndîenda ûkinyîîria antû mantû mamu, kaingo bara beetîgîîtie Ngai beegua barî na wendo bwa kwîruta kûrûtha mantû meega, n'ûntû i meega na marî baita kîrî muntû wonthe.

AIBIRANIA 11:17

I wîtîgio bwatûmire Îburaîmu aruta mwana wake Isaka arî kîgongwana, rîra Ngai aamûgeriirie. N'we Ngai eere mawîrane na amwîra, “N'Isaka aagûtûma ûgîa nciarwa.” Na amwe na ûgu neetîgagîîria kûruta Isaka ûra aarî mwana wake wenka, atuîka kîgongwana.

AIBIRANIA 13:9

Bûtikaarekeeni moorutani maageni ma mîthemba yonthe matûma bûta njîra. N'ûntû bwega kûûmîîrua nkoro n'ûtugi bwa Ngai, îndî ti kwathîkîra maathana îgûrû rîa irio. Maathana ta mamu matiteethagia bara bamaathîkagîra.

NJAKUBU 1:16

Kwoogu, eendwa, aruayia na araayia, bûtikeende kweneerua.

NJAKUBU 2:16

Kûrî na gîtûmi kîrîkû ûmwîra, “Îthi bwega, wîrigîîrie mpîo, na ûrîe ûbae,” ûtakûmwaa bibu atarî na bio?

NJAKUBU 2:18

Muntû nwa auge, “Niû i wîtîgio ndî.” Ûngî n'we akauga, “Niû i mantû meega ndûthaga.” Woû uugaga ûgu rî, tambonia bûra muntû aûmba kwîgua arî na wîtîgio na atakûrûtha mantû meega. Niû ngakwonia wîtîgio bwakwa kuumania na mantû mara ndûthaga.

NJAKUBU 2:26

Ta bûra mwîrî ûtarî na mwoyo ûtuîkaga n'ûmûkuû, i ta bu wîtîgio bûkari. Wîtîgio bwa muntû gûtarî bu akûrûtha i wîtîgio bûûkuû.

2 PETÛRÛ 1:5

Kwoogu amwe na wîtîgio bwenu cûûgiani bûra bûûmba bwîgue bûrî na mûkarîre ûmwega. Amwe na mûkarîre ûmwega bwîgue bûrî na ûmenyo.