NJAKUBU 1:6 - Kîrîîkanîro Kîîyerû

⁶ Na akîromba abatîîrue aromba arî na wîtîgio, atarî na nkanja n'ûntû muntû arî na nkanja nkorooni yake akari ta bûra makûmbî ma îria macûgagua i ruuo rûmeerekeretie mbarî weera rûkwenda.

NJAKUBU 1:6 ပူးပေါင်းရင်းမြစ်များ

MATHAYO 14:28

Petûrû amwîra, “Mwathani, weegua i woû, uga mbûye nthiîrîîte îgûrû rîa rûûyî na niû.”

NGÛGÎ 10:20

Îndama na ûtikeegue ûrî na nkanja ûrega kûthi na bo, n'ûntû i niû mbatûmîîte kîrî woû.”

AEBEESO 4:14

Tûtiîgua tûkari ta twana tûnyi wîtîgioni bwetû. Tûtiigarûkaga mathûgaania îgûrû rîa bûra twîtîgîîtie tweegua ûrutani bwa bara barî ûûme bwa gûkangayia antû, bara beendaga kûbîtithia bara bangî njîra na ûrongo bwao.

1 TIMOTHEO 2:8

Gûntû kunthe rîra bwîthîranaga amwe kûromba, ndîenda antû arûme bakîromba, barombe baûkîîrîtie njara ciao na njîra întheru, batarî na mûthûûro na batathetanîîtie.

AIBIRANIA 10:23

Tûthiini na mbere kwîgua tûrî na wîrîgîîro mûno bûra tuugaga itwîtîgîîtie tûtakwenyenya n'ûntû Ngai i mwîtîgua, na n'ûntû naingagia bûra augire.

AIBIRANIA 11:6

Gûtarî wîtîgio gûtirî we akenia Ngai. Muntû wonthe ûra aayaga kîrî Ngai nwa mwanka eetîgie Ngai natûîre mwoyo na nathaarimaga bara bamûcûaga na mantû meega.

AIBIRANIA 13:9

Bûtikaarekeeni moorutani maageni ma mîthemba yonthe matûma bûta njîra. N'ûntû bwega kûûmîîrua nkoro n'ûtugi bwa Ngai, îndî ti kwathîkîra maathana îgûrû rîa irio. Maathana ta mamu matiteethagia bara bamaathîkagîra.

NJAKUBU 1:7

Muntû ta ûyu naakamenya gûtirî kîo akoona kuumania na Mwathani

NJAKUBU 5:15

baaromba na wîtîgio mwayie akaabua. Mwathani akamworia amûcookerie mwîrî inya. Na weegua eeyîîtie, Mwathani akamûrekera meeyia maake mara arûthîîte.

2 PETÛRÛ 2:17

Aarimû babu ba ûrongo bakari ta inyaka biabwere rûûyî, kana ta bûra matu macûgagua i ruuo mbura îtaure. Ngai abarûthîrîte gîkaro kîao kûra kûrumeene mwindu ûmûnene mûno.