NJAKUBU 1:5 - Kîrîîkanîro Kîîyerû

⁵ Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

NJAKUBU 1:5 ပူးပေါင်းရင်းမြစ်များ

MATHAYO 11:20

Yiesû aanjîîria kûtheta n'ûntû bwa antû ba taûni ira aaringîîte biama biingî bia kûrigarania na amwe na ûgu baarega kwîrira.

MAARIKO 16:14

Kaîrî nyumaani arutwa bakîrîyaga, Yiesû eebonania kîrî bo barî îkûmi na ûmwe. Abatheteria kwaga wîtîgio n'ûntû bakwîrwa akûriûka i bara baamwonaga, ibaûmiirie biongo baarega gwîtîgia.

NJOANA 14:13

Na ûntû kinya bûrîkû bûra bûkaaromba na riîtwa rîakwa, nkabûrûthîra, i kaingo ntûma Baaba akumua.

NJOANA 15:7

Weegua bûgaakaraga ndeni yakwa na biugo biakwa bigaakaraga ndeni yenu, ûntû kinya bûrîkû bûra bûkeendaga, bwaromba bûkaarûthagîrwa bu.

NJOANA 4:10

Yiesû amwîra, “Ûkeegua nûkûmenya kîewa kîra Ngai aûmba gûkwaa, na n'ûû agûkwîra ûmûkundie rûûyî, nûûria Ngai akwe kîewa gîku na agûkundie rûûyî rwa mwoyo.”

2 AKORINTHO 2:16

Kîrî antû bamwe i kîrumba gîa gîkuû. Îndî kîrî bangî i mûnunko ûrî mûreo ûra weyanaga mwoyo. N'ûû arî mûganu wa kûruta ngûgî îno ya ûtûmîîria?

NJAKUBU 1:17

Ûntû bwega bunthe na kîewa kîîganîîru biumaga îgûrû kîrî Ngai, Mûûmbi wa bionthe bira bimûrîkaga îgûrû. We atigarûkaga ta bio na atikaraga akîgarûkaga ta irundu.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

NJAKUBU 5:16

Kwoogu umbûranagîraani meeyia meenu na rombanagîraani kaingo bworua. Îromba rîa muntû ûmwagîru rîrî inya ya kûrûtha mantû maanene.

1 NJOANA 3:22

Bionthe bira tûrombaga itweyagwa bio n'ûntû itwathîkagîra maathana maake na itûrûthaga mantû mara mamûkenagia.