NJAKUBU 1:3 - Kîrîîkanîro Kîîyerû

³ n'ûntû ibûkûmenya rîra wîtîgio bwenu bûkûûmba gûcinda magerio mamu, i rîo kûûmîîria kwenu kwongeerekaga.

NJAKUBU 1:3 ပူးပေါင်းရင်းမြစ်များ

RUKA 21:19

Kûûmîîria kwenu gûkoonokia mîoyo yenu.”

AROOMA 15:4

Bunthe bûra bwandîkirwe wo karaaya Maandîkooni Maatheru bwandîkirwe bûtûrutana. Maandîko Maatheru i mo matweyaga wîrîgîîro kuumania na kûûmîîria na wîru bûra matwîkagîra.

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

AROOMA 8:25

Woona tûrî na wîrîgîîro bwa kîra tûtakûrî tûgûkîona, tûgîeteereete tûûmîîrîîtie.

AROOMA 8:28

Itwiyî atî Ngai atûmaga mantû monthe makarîka, kaingo bara bamwendeete na eetîîte kûringana na mûbango wake bateetheka.

2 AKORINTHO 4:17

Tûthîîna tûra tûrî na tu i tûniini, na i twa kagiita gaakai. I tûthîîna twa gûtûthuuranîra tûthi mwagooni wa tene na tene ûra tûtaganaania na tu n'ûntû ûkeegua ûrî mwago ûmûnene mûno.

AKOROSAI 1:11

Marombaani meetû itûûragia Ngai abwongeere kwa wingî inya yake îrî mwago kaingo bwetagîîra na bûûmagîîria mantû monthe bûkeneete

2 ATHESARONIKE 1:4

Gîku i kîo gîtûmaga twîra makanica mara mangî ma Ngai bûra bûrî beega. Tûbeeraga bûra bûthiîte na mbere na kûûmîîria mathîîna mara bûrî na mo, na bûra bûthiîte na mbere kwîgua bûrî na wîtîgio kûnyamaaruani kûra kunthe bûnyamaaragua.

2 ATHESARONIKE 3:5

Mwathani arootongagîîria nkoro cienu bûkamenya nkûrûki bûra Ngai abwendeete bûgana. Na Mwathani arootûma bûkaraga bûûmîîrîîtie kûûmîîriani kûra Kîrîstû eeyanaga.

AIBIRANIA 10:36

Nwa mwanka bûtuîke aûmîîria kaingo bûrûtha bûra Ngai akwenda, na kaingo abwaa kîra aaugire akabwaa.

AIBIRANIA 12:1

Na kwoogu n'ûntû tûrî na gîkundi kîînene ûgu, kîra gîtûthiûrûkîîte gîa akûûyî ba wîtîgio, ga tuugieni rwîro rûra tûbatîîrue tûthi na mbere na kuugia tûrî na kûûmîîria. Na kaingo tûûmba kuugia, nwa mwanka tûtigane na kîra kîonthe gîtûrigagîîria na wîyia bûra bûtûkooragia.

AIBIRANIA 6:12

Bûtikaagîe ûthao. Tûatiani antû bara beetîgîîtie, bara batanogaga i gweteera na bûkeewa rûgai rûra rûrî mawîraneeni.

1 PETÛRÛ 1:7

Gîtûmi kîa magerio mamu i kûthima wîtîgio bwenu kaingo bûmenyeka kana i wîtîgio bwa mma. Wîtîgio bwenu bûgeragua ta thaabu bûra îkembûragwa na mwanki. Îndî wîtîgio bwenu i bu bûrî gîtûmi mûno nkûrûki ya thaabu. Wîtîgio bwenu bwooneka i bwa mma ûkeegua kûrî na ûkumio, mwago, na gîtîîyo rîra Yiesû Kîrîstû akoonanua.

2 PETÛRÛ 1:6

Amwe na ûmenyo bwîgue bûkîûmbaga kûrega kûrûtha mara mîîrî îîriragîîria. Amwe na kûrega kûrûtha mara mîîrî îîriragîîria bwîgue bûûmba kûûmîîria mathîîna. Amwe na kûûmîîria mathîîna bwîgue bûrî na mûkarîre wa kîîngai.