NJAKUBU 1:27 - Kîrîîkanîro Kîîyerû

²⁷ Ndini îmbagîru na ya mma mbere ya Ngai Baaba n'îno: gûteethagia aana ba nkîa na ntigwa mathîînaani maao, na muntû akeemenyagîîra atigaakwe rûko i mantû ma nthîgûrû îno.

NJAKUBU 1:27 ပူးပေါင်းရင်းမြစ်များ

MATHAYO 12:32

Muntû wonthe ûra akaaria mantû maathûûku îgûrû rîa Mwana wa Muntû akaarekerwa. Îndî ûra akaaria mantû maathûûku îgûrû rîa Kîrundu Ûmûtheru atiirekerwa îgiitaani rîrî na îgiitaani rîra rîkaaya.”

MATHAYO 5:8

Kîthaarimo i kîrî bara batheru nkoro, bakoona Ngai na meetho.

RUKA 1:6

Barî baîrî, baarî antû baatheru nkoro kîrî Ngai na ibaathîkagîra mawatho na maathana maake monthe.

AROOMA 12:2

Bûtikaathingatîîre bûra bara barî ba nthîgûrû barûthaga. Îpaani Ngai kaanya abûgarûre abwe mathûgaanio mangî. Rîru i rîo bûkaûmba kûmenya bûra eendaga kûrûthwa, bûra bwega, bûra bûmûkenagia, na mûkarîre wa mwîtîgîri ûmûkûrû.

AROOMA 2:13

Muntû atituîka ûmwagîru n'ûntû bwa kwîgua watho. Îndî akûrûtha bûra watho buugaga naagîrithagua.

AGARATIA 1:4

I kaingo atûthaûra tuuma ûthûûkuuni bwa nthîgûrû îno, Yiesû neepeyanire n'ûntû bwa meeyia meetû kûringana na bûra Ngai Baaba wetû eendeete.

AGARATIA 3:11

Kwoogu ibûkwona bwega mma atî, gûtirî we Ngai aûmba kwagîrithia n'ûntû bwa kûthingata watho. N'ûntû Maandîko Maatheru matwîraga, “Ûra aagîrithagua n'ûntû bwa wîtîgio bûra arî na bu agaatûûra.”

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

AGARATIA 6:14

Îndî niû gûtirî gîntû ndîîkumîria, tatiga mûtharaba wa Mwathani wetû Yiesû Kîrîstû, n'ûntû niû nûtûmîîte mantû ma nthîgûrû maakua naani ndakua kîrî mo.

AEBEESO 2:2

Bwatûûraga bûkari ta antû ba nthîgûrû bûkîathîkagîra mûnene wa mainya mara maathanaga maanganyoni. Mûnene ûyu i kîrundu kîra kîrutaga ngûgî antûûni bara baregaga kwathîkîra Ngai.

1 TIMOTHEO 1:5

Gîtûmi kîa watho bûbû, i kaingo wîgua kûrî na wendo bûra buumaga kîrî nkoro întheru, mathûgaania magûkwonia ûtirûthîîte mabîtia, na wîtîgio bûra bûrî bwa mma.

1 TIMOTHEO 5:4

Îndî eekûrû ntigwa bara barî na aana baao, kana aana ba aana baao, aana babu mbere i baambe beerutane boonanie ûngai bwao na njîra ya gûteethia antû ba mîciî yao bongwa, kaingo barîa aciari baao na booyûe, n'ûntû ûgu i bu bûkenagia Ngai.

TITO 2:12

Gûkûrûkîîra kîrî ûtugi bwake, Ngai atûrutanaga kûrega wîyia na wîrirîîria bunthe bwa kîînthîgûrû. Tûrûthaga mantû na njîra îra yagîrîte, tûtûûraga tûrî baagîru, na tûrî ba mûtûûrîre wa kîîngai îgiita rîrî tûrî îgûrû rîa nthîgûrû îno,

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

NJAKUBU 3:9

Rûrîmî warûra tûkumagia na ru Mwathani Baaba wetû nwa ru tûrîrîkaga na ru bara bangî, antû Ngai aûmbîîte barî ngerekano yake.

NJAKUBU 4:4

Biû bûtirî mwanya na arugûri. Ka bûtaiyî ûgatuîka mûcoore wa mantû ma nthîgûrû ûgûtuma ûnthû na Ngai? Kwoogu ûra eendaga gûtuma ûcoore na mantû ma nthîgûrû eetuîkithagia mûnthû wa Ngai.

2 PETÛRÛ 1:4

Na kwoogu natûrûthîrîte mantû maanene ma gîtûmi mûno mara aatwere wîrane bwa mo. Mantû mamu magaatûma bûtikaagwatwe i mawîrirîîria maathûûku ma nthîgûrû îno mara meenyangagia antû kaingo bwîgua bûrî amwe n'we mûtûûrîreeni wa kîîngai.

2 PETÛRÛ 2:20

Na muntû aatigana na mantû maathûûku mara marî nthîgûrû na njîra ya kûmenya Mwathani Mwonokia wetû Yiesû Kîrîstû, îndî akagarûka agacookera mantû mara araarî agûtiga makamûthaîka kaîrî, makamûkîria inya, muntû ûyu nathûûkaga nkûrûki ya bûra aakari mbereeni.

2 PETÛRÛ 3:14

Kwoogu, eendwa, cûûgiani mûno bûkarage bûrî baatheru nkorooni bûtarî na mabîtia na bûrî na ûkiri bweteereete ntugû îra Mwathani akaaya.

1 NJOANA 5:18

Itwiyî ûra aciarîîtwe i Ngai atikaraga meeyiani n'ûntû Mwana wa Ngai namûrigagîîria atikaathûkue i Nkoma.