NJAKUBU 1:25 - Kîrîîkanîro Kîîyerû

²⁵ Îndî ûra acûnkûûnaga bwega watho bûra bûtheru, bûra bûthaûraga antû, na akathi na mbere akarûtha bûra eegua atakûriganîrua, muntû ûyu akaathaarimwa mantûûni mara akaarûthaga.

NJAKUBU 1:25 ပူးပေါင်းရင်းမြစ်များ

RUKA 11:28

Yiesû amwîra, “Bu nwa bu kûrî, îndî i bathaarime nkûrûki bara beegagua kiugo kîa Ngai bagakîathîkîra!”

NJOANA 13:17

N'ata bwîgua bûrî bathaarime bûgana ûkaaya kwîgua bûkaarûthaga ûgu ndabûrutana!

NJOANA 8:36

Kwoogu Mwana agakûruta ûkombooni, wabu ûkauma ûkombooni cwe.

NGÛGÎ 13:43

Antû bakuuma, Paûrû na Baranaba baathingatwa n'Ayaundi baingî na antû bataarî Ayaundi bara baarombaga Ngai. Atûmwa babu beekîra antû wîru babeera bakarage ûtugiini bwa Ngai.

NGÛGÎ 2:42

Beeruta baamenya mantû kuumania na atûmwa, barî na ngwatanîro amwe, bakîrîyanagîra mûgaate na bakîrombaga.

NGÛGÎ 26:22

Îndî Ngai nanteethetie ûkoona i niû îmunthî ndûngi aaga mbere yenu nkîbweyaga ûkûûyî baanene na baaniini. Na mantû mama nkûbwîra nwa mara iroria na Musa baugire magaatuîkîka,

AROOMA 11:22

Raitha wone bûra Ngai atarî mathee na bûra arî ûmwega. Ataarî na mathee na mpong'i ira aatemire. Îndî kîrî woû, n'ûmwega. N'ûmwega kîrî woû weegua ûkaathingataga mantû maake meega. Weegua t'ûgu, wana woû nagaagûtema.

AROOMA 2:13

Muntû atituîka ûmwagîru n'ûntû bwa kwîgua watho. Îndî akûrûtha bûra watho buugaga naagîrithagua.

AROOMA 7:12

Kwoogu watho i bûûtheru. Na wana maathana i maatheru, i maagîrîte, na i meega.

AROOMA 8:15

Kîrundu ûra twetwe atitûtuîkithîîtie nkombo cia ûguaya kaîrî. Kîrundu ûra twetwe atûtuîkithîîtie aana ba Ngai ûra twîtaga “Aba,” (na bu i ta kuuga “Baaba”).

AROOMA 8:2

Watho bwa Kîrundu bûra bûtûmaga twîgua tûrî mwoyo n'ûntû tûrî ndeni ya Kîrîstû Yiesû ibûnthaûrîîte ndauma wathooni bûra bûreetaga wîyia na gîkuû.

1 AKORINTHO 15:58

Kwoogu, aruayia na aarayia, karagaani bwîrikîîtie na bûtikaareke kwîgua kûrî na ûntû bwenyenyia wîtîgio bwenu. Rîonthe rutagîraani Ngai ngûgî, n'ûntû ibwiyî ngûgî îra bûrutagîra Mwathani t'ya ûtheri.

2 AKORINTHO 13:5

Îraitheeni bwingwa. Îgeriani bwone kana bûrî wîtîgioni. Na mma ibwiyî Yiesû Kîrîstû arî ndeni yenu bunka bûtagwîte kîgerio.

AGARATIA 2:4

Îndî kûrî antû bangî beendaga Tito ataanwa. Baarî eetîgîri ba ûrongo. Baayîîte beecinîkîîria gîkundiini gîetû bathigaana kûthaûrwa kûra tûthaûrîîtwe ndeni ya Kîrîstû Yiesû kaingo batûtuîkithia nkombo ciao.

AGARATIA 5:1

Tûtirî ûkombooni kaîrî. Kîrîstû naatûkûûrire twauma ku. Kwoogu rûngamaani bwîrikîîtie. Na bûtigaacookere gîcooki gîa ûkombo kaîrî.

AGARATIA 6:2

Twaranagiani mîrigo. Na bwarûthaga ûgu ûkeegua bûkiingia watho bwa Kîrîstû.

AKOROSAI 1:23

Îndî ingî nwa mwanka bûthi na mbere kwîgua bûrî na wîtîgio bwîbandîîte kîrî bu bwarika. Bûtikeenyenye buuma wîrîgîîrooni bûra bwagîîre na bu rîra bweegiirue ntheto îmbega. Ntheto îno îmbega nîtûmîîrîîtue nthîgûrû yonthe. Na niû Paûrû, Ngai nanthuurîîte ntuîka mûruti ngûgî wake n'ûntû bwa yo.

1 TIMOTHEO 2:15

Îndî amwe na ûgu, mûka ûra akaamenyagîîra twana twake, na athi na mbere kûûmîîria ndeni ya wîtîgio, wendo, ûtheru bwa nkoro, na nthoni akaingia wonokio bwake.

1 TIMOTHEO 4:16

Îmenyagîîre mûno na îthûgaanagîria mûno mantû mara ûrutanaga. Karaga ûkîathîkagîra mantû mamu, n'ûntû wamaathîkîra i rîo ûkaûmba kûmenyeera wonokio bwaku amwe na bwa antû bara bagaakûthikagîîria.

AIBIRANIA 12:15

Îmenyeereeni gûtikeegue kûrî we atakîewa ûtugi bwa Ngai. Raithaani bwone gûtirî we arî na marûrû aaya gûtûma antû baingî bagîe thîînaani, beeyia.

NJAKUBU 2:12

Kwoogu bûkîaria na bûkîrûtha mantû, rûthagaani bûkîmenyaga bûkaagambithua na watho bûra bûthaûraga muntû

1 PETÛRÛ 2:16

Bûtigaakare ta nkombo cia wîyia. Îndî amwe na kwîgua bûtirî nkombo, menyaani bûbu bûtûma bûrûtha ûthûûku. Tûûragaani bûrî nkombo cia Ngai.

1 NJOANA 2:24

Kwoogu menyagîîraani ûrutani bûra bweegiirue kuuma kîambîrîria, n'ûntû bwarûtha ûgu bûgaakaraga ndeni ya Mwana na Îthe.

KÛGWÛRÎRWA 14:13

Ndeegua kayû kuuma îgûrû kambîîra, “Andîka ûûgû: Kuuma îîndî bara bagaakua beetîgîîtie Mwathani bakaathaarimwa nkûrûki.” Ndeegua Kîrundu auga, “I mma bakaanogoka mînoga ya ngûgî ira ûkeegua bararutaga, n'ûntû mantû meega mara ûkeegua barûthîîte makoonekana.”

KÛGWÛRÎRWA 22:14

“Kîthaarimo i kîrî bara bakaraga bathambîîtie nguo ciao kaingo baûmba kûthûngîra taûni na mîîrîga, baagîrîte kûrîa matunda ma mûtî wa mwoyo.