NJAKUBU 1:22 - Kîrîîkanîro Kîîyerû

²² Nabûteebenia mana nakûthikagîîria kiugo gîake akî. Nwa mwanka bûrûthage bûra kiugo gîkuuga.

NJAKUBU 1:22 ပူးပေါင်းရင်းမြစ်များ

MATHAYO 12:50

Kaîrî Yiesû auga, “Ûra wonthe arûthaga bûra Baaba ûra arî îgûrû eendaga kûrûthwa, ûyu n'we mûruayia, n'we mwarayia, na n'we taata.”

MATHAYO 28:20

Na bûbarutanage kwathîkagîra mantû monthe mara mbwathîîte. Na ûkeegagua ndî amwe naabi kinya îgiita rîa mûthiro wa nthîgûrû.”

RUKA 11:28

Yiesû amwîra, “Bu nwa bu kûrî, îndî i bathaarime nkûrûki bara beegagua kiugo kîa Ngai bagakîathîkîra!”

NJOANA 13:17

N'ata bwîgua bûrî bathaarime bûgana ûkaaya kwîgua bûkaarûthaga ûgu ndabûrutana!

AROOMA 2:13

Muntû atituîka ûmwagîru n'ûntû bwa kwîgua watho. Îndî akûrûtha bûra watho buugaga naagîrithagua.

1 AKORINTHO 15:33

Muntû atikaabwenie, muntû arî mûkarîre ûmwega agatua gûkaranagia na muntû atarî mûkarîre ûmwega, akûthûûka.

1 AKORINTHO 3:18

Bûtikeebenie. Ûkaaya kwîgua kûrî we akûthûgaania n'ûmûûme mantûûni ma nthîgûrû îno, abatîîrue atuîka kîaa kaingo agîa ûûme bwa mma.

1 AKORINTHO 6:9

Ka bûtaiyî bara barûthaga mantû mataagîrîte batiewa rûgai rwa ûnene bwa Ngai? Bûtikeebenie. Gûtirî we kîrî bara barûthaga mantû mama akeewa rûgai rwa ûnene bwa Ngai—mûmaramari, mûrombi ngai cia ûrongo, mûthûngîîri, ûra amaamaga na antû arûme ta we, mwamba, mwîrirîîria, mûtogooni, ûra aatuuyagîîra ûra ûngî, na mûtunyani.

AGARATIA 6:3

Ûkaaya kwîgua muntû eebonaga taka arî wa gîtûmi, ûyu i kwîbenia eebenagia, atirî nwa mûthigi.

AGARATIA 6:7

Bûtikeebenie mana. Muntû atiûmba kweneeria Ngai. Kîra muntû akaanda i kîo agaaketha.

APIRIPI 4:8

Nkîthiria, aruayia na aarayia, ka mbwîreeni ûûgû—thûgaanagîriani mantû ma mma, na mara meetîgîîrîkîîte, na mara maagîrîte, na mara matheru, na mara mathongi na mara marî îgweta. Thûgaanagîriani mantû mara meega, na mara maagîrîte gûkaathwa.

AKOROSAI 3:17

Mantû monthe mara bûkaarûthaga, kana mara bûkaaragia, marûthageeni riîtwaani rîa Mwathani Yiesû bûgîcookagîria Ngai Baaba nkaatho gûkûrûkîîra kîrî Yiesû.

2 TIMOTHEO 3:13

Antû baathûûku na bara beetuîkithagia kîra batarî ibagaatororeria, bathi na mbere bakîenagîîria antû na bakîîbenagîîria barî bo bongwa.

TITO 3:3

Wana tiû kûrî rîra twarî baataku. Twaregaga kwathîka tweneereetue i mantû ma nthîgûrû îno na mawîrirîîria ma mîthemba yonthe matûgwete ûkombo. Twatûûraga tûrî antû ba ntheto na ba rûriitho. Antû batûmena naati tûkabamena woogu batwonia.

NJAKUBU 1:26

Ûkaaya kwîgua muntû augaga n'wa ndini, îndî atimenyagîîra rûrîmî rwake, ndini înu yake n'ya ûtheri, nakwîbenia mana.

NJAKUBU 4:11

Aruayia na aarayia, tigaani gûtuuyanagîîra n'ûntû muntû ûra atuuyagîîra ûra ûngî kana akamûgiitîra îgamba, eegagua akîbûthia watho na akabuagîra gîtûmi. Na rîra ûkwagîra watho gîtûmi, woû ûtirî ûra ûbuathîkagîra kaîrî n'ûntû ka ûbubûthagia.

NJAKUBU 4:17

Kwoogu ûra aiyî ûntû bwega îndî atiburûthaga, i meeyia mamu.

2 PETÛRÛ 2:13

Kwoogu ûyu n'uu mûcaara wao n'ûntû bwa kûrûtha mantû maathûûku. Bakenagîîra kûrûtha mantû mataagîrîte kinya kûrî mûthenya, batakwitha. Bakari ta marooro ma rûko na mathina rîra bakîbweneeria na mantû ma ûrongo beeringanîrîte naabi bûkîrîyanîra na bo biathooni.

1 NJOANA 1:8

Tûkaaya kuuga tûtirî na meeyia itûkwîbenia na ûmma bûtirî ndeni yetû.

1 NJOANA 2:3

Ûkaaya kwîgua tûkaathîkîra maathana maake i rîo tûkaamenya wabu itûmwiyî.

1 NJOANA 3:7

Aana baakwa, muntû atikaabwenie. Ûra arûthaga bûra kwagîrîte n'ûmwagîru ta bûra Kîrîstû arî ûmwagîru.

3 NJOANA 1:11

Mwendwa, ûtikaathingate mantû mara mathûûku îndî thingata mantû mara meega. Muntû ûra arûthaga mantû meega, ûyu n'wa Ngai. Îndî ûra arûthaga mantû maathûûku atiyî Ngai.

KÛGWÛRÎRWA 12:9

Njoka înu nene mûno yeengatua gûku îgûrû. Na njoka înu n'yo îtûîre yîtagwa Nkoma kana Saitaani. N'yo yenagîîria antû ba nthîgûrû yonthe. Yeengatiirue îgûrû amwe na araîka ba yo.

KÛGWÛRÎRWA 22:7

“Mwathani ariuga, ‘Na mma ga nkûbwîra, imbengeerie kûûya! Kîthaarimo i kîrî ûra akeegua ûroria bûbû bûrî îbukuuni rîrî, aburikie nkorooni yake.’ ”