NJAKUBU 1:21 - Kîrîîkanîro Kîîyerû

²¹ Kwoogu bûtikaarûthe mantû ma rûko kana mûkarîre wenu wîgua ûrî wa mantû maathûûku. Îtîgîîriani kiugo kîa Ngai kîra aandîîte nkorooni cienu bwînyiîtie. Kîaûmba kwonokia mîoyo yenu.

NJAKUBU 1:21 ပူးပေါင်းရင်းမြစ်များ

MATHAYO 5:5

Kîthaarimo i kîrî bara babooreeru, bakeewa nthîgûrû îtuîke yao.

NJOANA 6:63

I Kîrundu wa Ngai eeyanaga mwoyo. Muntû n'wa ûtheri. Mîgambo înu bweegua ndabwîra n'ya gîîkîrundu na n'yo mwoyo.

NJOANA 6:68

Simioni Petûrû amwîra, “Mwathani, îîndî tûgûtiga tûkathi kîrî ûû ûngî, na i woû ûrî na mîgambo ya mwoyo wa tene na tene?

NGÛGÎ 10:33

Kwoogu i rîo ndatûmanire wîtwa nthûti weenu na ûkûrûtha bwega waya. Îîndî tûrî aaga twinthe meethooni ma Ngai twîgua bûra bunthe Mwathani akwîrîîte ûtwîra.”

NGÛGÎ 13:26

“Antû beetû, tiû rûciaro rwa Îburaîmu, na bara bûtarî Ayaundi bûkuthûkaga Ngai, ntûmwa îno ya wonokio îtûmîîtwe kîrî tiû.

AROOMA 1:16

Ntiîgagua ntheto îmbega igî n'ûntû n'yo inya ya Ngai îra yonokagia muntû wonthe ûra eetîgagia. Mbere Ayaundi, rîru bara batarî Ayaundi.

AROOMA 11:17

Tathûkia ngerekano ya mûtî wa mûceituuni ûtemetwe mpong'i imwe, rwong'i rwa mûceituuni wa kîthaka rûkagwatithanua na uu. Woû ûtarî Mûyaundi ûkari ta rwong'i rûru. Mûceituuni ûra mûteme mpongi n'Ayaundi. Woû ka ûgwatithanîîtue na uu. Ûteethekaga kuumania na inya na mwoyo wa uu.

AROOMA 6:17

Nkaatho i kîrî Ngai n'ûntû bwa bûra bûthingataga na nkoro cienu cionthe mara bwarutanirwe, bwauma ûkombooni bûra bwarî bwa meeyia.

1 AKORINTHO 15:2

Na ntheto îno îmbega îgaatûma bwonokua weegua bûkaathi na mbere na kûthingata ûrutani bûra ndabûrutanire. Îndî ûkeegua bûtibûthingataga, wîtîgio bwenu i bwa ûtheri.

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

AEBEESO 1:13

Kinya biû ibwagwatire ntheto ya mma, ntheto îmbega îra îbwonokagia. Rîra bwetîgiirie Kîrîstû, Ngai noonaniirie na mma bûrî baake na njîra ya kûbwaa Kîrundu Ûmûtheru kûringana na wîrane bwake.

AEBEESO 4:22

Kwoogu bûtikeegue bûrî ba mûkarîre ûra bwatûûraga mbereeni. Mûkarîre wenu warî wa mîtugo ya mawîrirîîria maathûûku, ma ûrongo, mara maabwînyangagia.

AEBEESO 4:25

Kwoogu, bûtikaarie ûrongo. Îranagaani ûmma n'ûntû twinthe tûrî tûcuncî twa mwîrî ûmwe.

AEBEESO 5:4

Bûtikaagwete mantû ma nthoni, ma waa, kana mathee matarî meega. Mantû ta mama matiagîrîte kîrî biû. Îndî bûbatîîrue bûcookagîria Ngai nkaatho.

1 ATHESARONIKE 1:5

Twiyî ûgu n'ûntû rîra twabûtûmîîrie ntheto îmbega, tûtaabûtûmîîria na mîgambo yonka. Ntûmîîri yetû nîarî kinya na inya, Kîrundu Ûmûtheru, na gûtaarî na nkanja yarî ntheto ya mma. Na rîru twakaranagia naabi, ibwiyî bûra twarî ba mûtugo ûkari kaingo bûteetheka.

1 ATHESARONIKE 2:13

Na kûrî na gîtûmi kîngî kîra gîtûmaga tûcookeria Ngai nkaatho. Bûkwîgua twabûtûmîîria kiugo kîa Ngai bûtaakîthûkia kiumanîîtie na muntû. Bwakîthûkiirie kîrî kiugo kîa Ngai, na wabu i gîake. Kiugo gîkî igîtûmaga bûrûtha mantû meega bara bwîtîgîîtie.

TITO 2:11

Twagîrîtwe tûrûthaga mantû mama n'ûntû Ngai aagwûrire ûtugi bwake n'ûntû bwa wonokio bwa antû bonthe.

AIBIRANIA 12:1

Na kwoogu n'ûntû tûrî na gîkundi kîînene ûgu, kîra gîtûthiûrûkîîte gîa akûûyî ba wîtîgio, ga tuugieni rwîro rûra tûbatîîrue tûthi na mbere na kuugia tûrî na kûûmîîria. Na kaingo tûûmba kuugia, nwa mwanka tûtigane na kîra kîonthe gîtûrigagîîria na wîyia bûra bûtûkooragia.

AIBIRANIA 2:3

Kwoogu n'ata tûtakîewa îkaanûkia twarega gwîtîgîra wonokio bûbû bûûnene, bûra bûgweteetwe nthetooni îmbega? Wonokio bûbû bwagwetirwe mbere i Mwathani we wengwa, bwacooka bwonanua i bwa mma kîrî tiû i bara baamwîgiirue akîaria.

AIBIRANIA 4:2

Tûtûmîîrîîtue ntheto îno mbega atî Ngai natûthuuranîrîte kînogoko, ta bûra yatûmîîrue kîrî bara Musa aatongoreerie bauma Miisiri. Îndî gûtirî bu yabateethia na bu n'ûntû bataamîtîgîra barî na wîtîgio.

NJAKUBU 4:8

Îthengangîraani Ngai bwone aayanga akubî naabi. Îrireeni, eeyia baba. Theriani nkoro cienu, biû antû ba nkoro ciîrî.

NJAKUBU 5:20

ririkanagaani ûûgû—ûra acookagia mwîyia aûrîîte akoonokia mwoyo wa mwîyia ûyu ûtigaakue. Na agaatûma muntû ûyu arekerwa meeyia maingî mara akeegua arûthîîte.

1 PETÛRÛ 1:22

Na n'ûntû îîndî ibwîthereetie na njîra ya kwathîkîra ûmma, nwa bwende eetîgîri bara bangî na wendo bwa mma. Kwoogu endanagaani mûno na nkoro yonthe,

1 PETÛRÛ 1:9

Na mûthiani maumithio mara bûkoona n'ûntû bwa gwîtîgia Yiesû Kîrîstû i wonokio bwa mîoyo yenu.

1 PETÛRÛ 2:1

Kwoogu bûtigaacooke kûrombeeria bara bangî mantû maathûûku kana bwenania. Rûthagaani mantû bûtakwîbuithia. Bûtigaatuîke antû ba rûriitho kana bwaria mantû maathûûku îgûrû rîa antû bara bangî.

1 PETÛRÛ 2:11

Eendwa, nthîgûrû îno bûkari ta ageni. Kwoogu ka mbûkaanieni. Bûtikaarûthe mantû maathûûku mara mîîrî yenu yendaga kûrûtha, mara marûaga na bûra mîoyo yenu yendaga.