NJAKUBU 1:2 - Kîrîîkanîro Kîîyerû

² Aruayia na aarayia, thûkagiani kîrî gîkeno kîînene rîra bûkwona magerio ma mîthemba yonthe

NJAKUBU 1:2 ပူးပေါင်းရင်းမြစ်များ

NGÛGÎ 5:41

Atûmwa bauma gûku bakeneete mûno n'ûntû bwa kwîgua boonirwe baagîrîte ba kûnyamaarua n'ûntû bwa riîtwa rîa Yiesû.

AROOMA 5:3

Na t'ûgu bunka, itûkenaga kinya tûrî mathîînaani n'ûntû itwiyî mathîîna mara twonaga imatûmaga tûkagîa na kûûmîîria.

APIRIPI 1:29

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.

APIRIPI 2:17

Na wana kinya ûkeegua inkwîrwa mbûragwe mbûyûrîîrie kîgongwana kîa ngûgî yenu kîra bûrutagîra Ngai n'ûntû bwa wîtîgio bwenu nwa nkene. Na kwoogu ingûkeneera bûgîkeneera bwinthe.

APIRIPI 2:18

Na bûbatîîrue bûkena n'ûntû bwa bu amwe naani.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.

NJAKUBU 1:12

Kîthaarimo i kîrî ûra aûmagîîria magerio mamûyîîra, n'ûntû amoota ageekirwa nthûmbi ya mwoyo îra Ngai eeyanire wîrane bwa yo kîrî bara bamwendeete.

NJAKUBU 1:16

Kwoogu, eendwa, aruayia na araayia, bûtikeende kweneerua.

NJAKUBU 1:19

Eendwa, aruayia na aarayia, menyaani ûûgû, muntû nakarage na mpwî cia kwîgua, îndî ti cia kwaria kana cia kûthûûra.

NJAKUBU 5:11

Atîrî, bara baûmagîîria tuugaga i baathaarime. Ririkanaani bûra Ayubu aûmîîrie na bûra Ngai aamûrûthîîre mûthiani n'ûntû Ngai arî kîao mûno na antû.

2 PETÛRÛ 2:9

Ngerekano inu irîtwonia Mwathani naiyî kûruta mathîînaani bara barî mîkarîre ya kîîngai. Kaîrî irîtwonia akaraga agîkaanûkagia bara barûthaga mantû mataagîrîte mwanka rîra ntugû ya kûgiitîrwa îgamba îgaakinya.

KÛGWÛRÎRWA 2:10

Ûtikaamakue i mantû mara meengeerie gûkûûyîîra makûnyamaarie. Ga ngûkwîra, Nkoma îgaatûma bamwe beenu bûthaîkwa nceera îkîbûgeria. Kûnyamaarua kûra bûkaanyamaarua i gwa ntugû îkûmi. Îndî îthi na mbere kwîgua ûrî na wîtîgio wana weegua nûgaakua, naani ngakwa mwoyo ûrî kîewa.