NJAKUBU 1:18 - Kîrîîkanîro Kîîyerû

¹⁸ Aatûreetire ûtûûrooni bûûyerû na njîra ya kiugo gîake kîa mma kwa wendi bwake, tûrî rûciaro rwa mbere kîrî biûmbe biake bionthe.

NJAKUBU 1:18 ပူးပေါင်းရင်းမြစ်များ

NJOANA 1:13

Babu bo bataatuîka aana ba Ngai na njîra ya gûciarwa ta wîthîre. Bataaciarwa kuumania na kwenda kwa muntû, kana kûringana na mûbango wa muntû. Baaciarirwe gîîkîrundu i Ngai.

AROOMA 4:17

Wata bûra kwandîkîîtwe *Maandîkooni Maatheru, “Ngûtuîkithîîtie îthe wa mîgongo îmingî.” Îburaîmu eerirwe ûgu n'ûntû naarî na wîtîgio na Ngai ûra ariûkagia antû baakuû, ûra arûthaga mantû mateegua marî oogo kaîrî.

1 AKORINTHO 4:15

N'ûntû wana ûkeegua i bûrî na aarimû ngiri îkûmi ndeni ya Kîrîstû, bûtirî na baabaagu ba gîîkîrundu baingî. Ndatuîkire abaagu ndeni ya Kîrîstû Yiesû rîra ndabûtûmîîrie ntheto yake îmbega.

2 AKORINTHO 6:7

Tûrutanaga antû ûmma na tûrî na inya ya Ngai. Tûtûmagîra wagîru kwîrûîrîîra mbarî cionthe.

AEBEESO 1:12

Atûtaarîîte kaingo tiû bara twarî ba mbere buru kûgîa na wîrîgîîro na Kîrîstû tûkumithia Ngai ûra arî mwago.

AEBEESO 1:13

Kinya biû ibwagwatire ntheto ya mma, ntheto îmbega îra îbwonokagia. Rîra bwetîgiirie Kîrîstû, Ngai noonaniirie na mma bûrî baake na njîra ya kûbwaa Kîrundu Ûmûtheru kûringana na wîrane bwake.

2 TIMOTHEO 2:15

Ûmia buru mwanka wone ûgeetîgîîrîka meethooni ma Ngai ûrî mûruti ngûgî wa Kîrîstû, ûra atarutaga ngûgî yake na njîra îrî îgi, ûra arutanaga kiugo kîa Ngai kîa mma na njîra îra yagîrîte.

AIBIRANIA 12:23

na kûrî kîîthîrano kîînene, kîrî na gîkeno, kîûthûrano kîa bara barî ta aana ba mbere ba Ngai bara mariîtwa maao maandîkîîtwe gûku îgûrû. Ibûkinyîîte kîrî Ngai ûra arî mûgambithania wa bonthe, na kîrî irundu bia antû baagîru bara batheretue.

NJAKUBU 1:15

Wîrirîîria bwagîa nda bûciaraga wîyia na wîyia bwakûra bûgaciara gîkuû.

NJAKUBU 1:21

Kwoogu bûtikaarûthe mantû ma rûko kana mûkarîre wenu wîgua ûrî wa mantû maathûûku. Îtîgîîriani kiugo kîa Ngai kîra aandîîte nkorooni cienu bwînyiîtie. Kîaûmba kwonokia mîoyo yenu.

NJAKUBU 3:14

Îndî ûkaaya kwîgua nkorooni yaku ûrî muntû wa rûriitho, marûrû na wa kwenda kûgîta wenka, woû ûtikaarie ûrongo ûgîîkumîria ûûme bwaku.

1 PETÛRÛ 1:23

n'ûntû ibûciarîîtwe îciarwa rîa maîrî. Na mwoyo ûra bûrî na uu îîndî ûtiumanîîtie na gîntû kîûmba gûkua. Uumîîte kîrî gîntû gîtakua. Na kîo i kiugo kîa Ngai kîra gîtûûraga na gîtathira rî kana rî.

1 PETÛRÛ 1:3

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû.

1 NJOANA 3:9

Ûra acierwe i Ngai atikaraga akîîyagia n'ûntû mûkarîre wa Ngai ûrî ndeni yake. Na n'ûntû Ngai n'we Îthe, ûra acierwe i Ngai atiûmba gûkara akîîyagia.

KÛGWÛRÎRWA 14:4

Na babu i bara bateethûûkia na ûmaramari. Bo bakari ta mwarî ataamaama na muntû mûrûme. Bathingataga Kagondu wanaara karathi. Na bakûûrîîtwe kuuma mwingîîni wa antû barî ba mbere, beeyanwa kîrî Ngai na kîrî Kagondu barî kîewa kîa mwanya.