NJAKUBU 1:12 - Kîrîîkanîro Kîîyerû

¹² Kîthaarimo i kîrî ûra aûmagîîria magerio mamûyîîra, n'ûntû amoota ageekirwa nthûmbi ya mwoyo îra Ngai eeyanire wîrane bwa yo kîrî bara bamwendeete.

NJAKUBU 1:12 ပူးပေါင်းရင်းမြစ်များ

MATHAYO 10:22

Bûkaamenwa n'antû bonthe n'ûntû bwakwa. Îndî ûra ûkaûmîîria mwanka mûthia akoonokua.

MATHAYO 25:34

“Rîru eere bara ûkeegua barî bwa ûrîo, ‘Ncûûni, biû Baaba athaarimîîte bûthûkie ûnene bûra aabûthuuranîîre bûrî rûgai rwenu kuuma wo nthîgûrû îkûûmbwa.

RUKA 6:22

Kîthaarimo i kîrî biû rîra antû bakûbûmena, na rîra bakwîbathûrana naabi, rîra bakûbûbûthia, na kûbûthûûkîria mariîtwa meenu n'ûntû bwa Mwana wa Muntû.

AROOMA 5:4

Kûûmîîria igûtûmaga muntû eegua arî wa mûkarîre ûmwega. Na kwîgua muntû arî wa mûkarîre ûmwega igûtûmaga agîa wîrîgîîro.

AROOMA 8:28

Itwiyî atî Ngai atûmaga mantû monthe makarîka, kaingo bara bamwendeete na eetîîte kûringana na mûbango wake bateetheka.

1 AKORINTHO 2:9

Îndî na rîo wata bûra kwandîkirwe *Maandîkooni Maatheru, “Gûtirî muntû oona, gûtirî muntû eegua, na gûtirî muntû aaromenya kîra Ngai aathuuranîrîte bara bamwendeete.”

1 AKORINTHO 8:3

Îndî muntû ûra eendaga Ngai naiyîîwe i Ngai.

1 AKORINTHO 9:25

Bara bonthe bacindanaga macindanooni mana, nwa mwanka baathîkîre mawatho. Na barûthaga ûgu kaingo beecindîra kîewa, na i kîewa gîtagîtûûra oogo. Îndî kîewa kîra tiû tûkeewa gîgaatûûra tene na tene.

2 TIMOTHEO 2:15

Ûmia buru mwanka wone ûgeetîgîîrîka meethooni ma Ngai ûrî mûruti ngûgî wa Kîrîstû, ûra atarutaga ngûgî yake na njîra îrî îgi, ûra arutanaga kiugo kîa Ngai kîa mma na njîra îra yagîrîte.

2 TIMOTHEO 4:8

Îîndi kîewa kîa nthûmbî ya ûnene, nthûmbî ya wagîru, ikîmbeteereete n'ûntû bwa kûûmbana. I kîo kîewa kîra nkeewa i Mwathani, Mûgambithania ûmwagîru rîra ntugû îgaakinya. Ti ninka akaa kîewa gîku. Akaa wana bara bangî bonthe bamweteereete na wîrû acooka.

AIBIRANIA 10:32

Ririkanaani bûra bwanyamaaraga bûgana îndî bwaûmîîria mathîîna mamu îgiita rîkûrûku rîra bwamenyire ûmma.

AIBIRANIA 11:17

I wîtîgio bwatûmire Îburaîmu aruta mwana wake Isaka arî kîgongwana, rîra Ngai aamûgeriirie. N'we Ngai eere mawîrane na amwîra, “N'Isaka aagûtûma ûgîa nciarwa.” Na amwe na ûgu neetîgagîîria kûruta Isaka ûra aarî mwana wake wenka, atuîka kîgongwana.

AIBIRANIA 12:5

Ka bûriganîrîtue i mîgambo ya kûbwîkîra wîru îra Ngai aaragia naabi ta aana baake? “Mwana wakwa, ûtikaathûkie ta ûntû bûûthû Ngai akwonia kûra ûbîtagîria. Ûtigaakue nkoro akûthetia.

AIBIRANIA 6:15

Rîru Îburaîmu eeteera atakûnogerwa na eewa kîra Ngai aamwete wîrane bwa kîo.

NJAKUBU 2:5

Nthikîîriani, eendwa, aruayia na aarayia. Ngai aathuurire nkîa ituîka itonga n'ûntû bwa wîtîgio bûra irî, kaingo ithûkia rûgai rwa ûnene bûra Ngai eeyanire wîrane kîrî bara bamwendeete.

NJAKUBU 5:11

Atîrî, bara baûmagîîria tuugaga i baathaarime. Ririkanaani bûra Ayubu aûmîîrie na bûra Ngai aamûrûthîîre mûthiani n'ûntû Ngai arî kîao mûno na antû.

1 PETÛRÛ 3:14

Îndî bûkaaya kûnyamaarua n'ûntû bwa kûrûtha bûra kwagîrîte, gîku i kîthaarimo. Kwoogu bûtigaakuthûke muntû kana bûmakua.

1 PETÛRÛ 4:13

Kenagaani bwona ûgu, n'ûntû ûgu i ta kwonania bûrî kîmwe na Kîrîstû kûnyamaaruani gwake kaingo bûkena mûno rîra akaaya yîya rîa maîrî arî na mwago wake.

1 PETÛRÛ 4:14

Muntû agakûruma n'ûntû bwa bûra ûrî Mûkîrîstû, thûkagiani gîku kîrî kîthaarimo n'ûntû i ta kwonania Kîrundu ûra arî mwago, Kîrundu wa Ngai, arî naabi.

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.

1 PETÛRÛ 5:4

Na rîra Mûrîîthi ûra mûnene akaaya bûkeewa kîewa, ta kîo nthûmbî ya ûnene îrî mwago îra îtakîthira rî kana rî.

1 NJOANA 4:19

Twendeete Ngai n'ûntû n'we aatwendire mbere.

KÛGWÛRÎRWA 2:10

Ûtikaamakue i mantû mara meengeerie gûkûûyîîra makûnyamaarie. Ga ngûkwîra, Nkoma îgaatûma bamwe beenu bûthaîkwa nceera îkîbûgeria. Kûnyamaarua kûra bûkaanyamaarua i gwa ntugû îkûmi. Îndî îthi na mbere kwîgua ûrî na wîtîgio wana weegua nûgaakua, naani ngakwa mwoyo ûrî kîewa.

KÛGWÛRÎRWA 3:19

“Bara mbendeete i bo nkaanagia, nkaboonia mabîtia maao. Kwoogu endaga kûrûtha bûra kwagîrîte na wîrire.

KÛGWÛRÎRWA 3:21

“Ûra akaûmbana agaakaranîîra naani gîtîîni gîakwa kîa ûnene, ta bûra na niû ndakaranîîre na Baaba gîtîîni gîake kîa ûnene nkûûmbana.