NJAKUBU 1:10 - Kîrîîkanîro Kîîyerû

¹⁰ Na ûra arî na ûtonga wana we rîra Ngai amwonia bûra arî ûmûniini nabatîîrue akeneera bu n'ûntû itonga bira biîgwatagia ûtonga bûra birî na bu bikaathira ta bûra maûa maûrûrûkaga.

NJAKUBU 1:10 ပူးပေါင်းရင်းမြစ်များ

MATHAYO 5:3

“Kîthaarimo i kîrî bara beebonaga bo ti gîntû kîrî Ngai, ûnene bwa îgûrû i bwao.

MATHAYO 6:30

Biû antû ba wîtîgio bûûkai! Ûkeegua Ngai nakûthongamia nyaki ya kîthaka bûgana ûgu rî, nyaki îkwîgua îrî îmbîthî îmunthî na rûû gûgîkinya îkîgerwa mwankiini rî, î biû akaabûmenyeera bûgana ata?

1 AKORINTHO 7:31

Bara bûtûmagîra into bia nthîgûrû bûbatîîrue bûkara taka bûtabitûmagîra n'ûntû bûra nthîgûrû îkari îgiitaani rîrî bûkaathira.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

1 TIMOTHEO 6:17

Îkaania itonga bia into bia nthîgûrû îno ûbiîre bitigeekumie. Biîre bitikaige wîrîgîîro ûtongaani, n'ûntû tûtiîgwatia ûtonga. Wîrîgîîro bwa bio ibwîgue bûrî kîrî Ngai n'ûntû n'we atweyaga into bionthe na nkoro îmbega, kaingo tûbitûmîra bitûkenia.

NJAKUBU 4:14

Bûkiuga ûgu, bûtiiyî bûra gûgaakara rûû! Mwoyo wenu îîndî i mbi? Mwoyo i ta ngooki bûra yonekanaga kagiita gaakai, îgacooka îkaûra.

1 PETÛRÛ 1:24

Na wata bûra kwandîkîîtwe Maandîkooni Maatheru, “Mwîrî wa muntû ûkari ta nyaki. Mwago unthe muntû arî ûkari ta wa maûa. Nyaki yaûma maûa imaûrûrûkaga.

1 NJOANA 2:17

Nthîgûrû na mantû ma yo mara antû beendaga makaathira, îndî ûra arûthaga bûra Ngai eendaga agaatûûra tene na tene.