NGÛGÎ 2:3 - Kîrîîkanîro Kîîyerû

³ Bagûcûûba boona ta ndîrîmbî cia mwanki ciarî îgûrû rîa kîongo kîa woora ûmwe wao.

NGÛGÎ 2:3 ပူးပေါင်းရင်းမြစ်များ

MATHAYO 3:11

Niû ndîbûbaatithia na rûûyî kwonania bûkwîrira meeyia meenu. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte wa kûmûkamatîra iraatû. We akaabûbaatithia na Kîrundu Ûmûtheru na mwanki.

MATHAYO 3:15

Yiesû amûcookeria amwîra, “Gagûkare ûgu îîndî kaingo tûrûtha bûra kwagîrîte.” Rîru i rîo Njoana eetîgîîrie.

RUKA 24:32

Baûrania, “Tuuge i kîo n'ûntû nkoro cietû ikûringaga ûra rîra akwaragia naati njîraani agîtûtaûrîra Maandîko Maatheru?”

NGÛGÎ 1:15

Îgiitaani rîru eetîgîri ta îgana rîmwe na mîrongo îîrî beethîreene, Petûrû aarûngama mbere yao kûbaarîria. Abeera,

NGÛGÎ 2:11

Ayaundi, na antû batarî Ayaundi bara bathingataga watho bwa Kîîyaundi. Bangî n'Arabu na antû ba kuuma Kiriti, na twinthe tûrî aaga itûkwîgua bûra bakuuga mantû maanene mara Ngai arûthîîte.”

NGÛGÎ 2:2

Nthûti îmwe beegua gîtuma ta gîa kîbuubani kîauma îgûrû, kîaûyûra nyomba înu baakari.

NGÛGÎ 2:4

Bonthe baûyûrwa i Kîrundu Ûmûtheru. Baanjîîria kwaria na nthiomi ingî ingeni, kûringana na bûra Kîrundu Ûmûtheru aabaûmbithiirie.

1 AKORINTHO 12:10

Muntû ûngî aûmba kwewa kîewa kîa inya ya kûringa biama, na ûngî n'we akeewa kîewa kîa ûroria. Na muntû ûngî aûmba kwewa kîewa gîa kûmenya irundu bia mma na irundu bia ûrongo, na ûngî n'we akeewa kîewa gîa kwaria na ndwaria ingeni. Na muntû ûngî n'we aûmba kwewa kîewa gîa gûtaûra ndwaria inu.

NJAKUBU 3:6

Na kaîrî rûrîmî rûkari ta mwanki. Rûgwataga mwanki wa îcamaarîro rûgatambia ûthûûku rûgateereera mwîrî wa muntû unthe na rûkeenyangia ûtûûro bwake bunthe.

KÛGWÛRÎRWA 11:3

Na îgiitaani rîru nkaa akûûyî baakwa inya barî baîrî barorie ntugû ngiri îmwe na magana maîrî ma mîrongo îthanthatû (1,260), beekîrîte maguo matarî meega kwonania kîeba.”

KÛGWÛRÎRWA 14:6

Ndoona mûraîka ûngî abuurûûkîrîte îgûrû maanganyoni. Mûraîka ûyu aarî na ntheto îmbega îra îgaatûûra tene na tene athiîte kûmîtûmîîria kîrî bara batûîre nthîgûrû—mîgongo yonthe, mîîrîga yonthe, nthiomi cionthe na antû ba rangi cionthe.