NGÛGÎ 14:3 - Kîrîîkanîro Kîîyerû

³ Paûrû na Baranaba baakarakaranga naagu kagiita kaaraaya bagîtûmagîîria na ûcamba mantû ma Mwathani. Na Mwathani noonanagia wabu ntûmîîri înu Paûrû na Baranaba baatûmagîîria îgûrû rîa ûtugi bwake yarî ya mma. Oonanagia na biama bira aaringaga na magegania mara oonanagia gûkûrûkîîra kîrî bo.

NGÛGÎ 14:3 ပူးပေါင်းရင်းမြစ်များ

MAARIKO 16:20

Arutwa baake baathi gûntû kunthe baatûmîîria antû ntheto îmbega, kuumania na ûteethio bwa Mwathani. Na Mwathani noonaniirie ntheto îmbega îra arutwa baake baatûmagîîria n'ya mma kûringana na biama bira baaringaga.

NJOANA 4:48

Yiesû amwîra, “Î biû nwanga bûkoona biama na magegania nwa rîo bwîtîgia!”

NGÛGÎ 13:46

Paûrû na Baranaba baaria na ûcamba beera Ayaundi babu, “Ikwarî na gîtûmi gîa kiugo kîa Ngai gûtûmîîrua kîrî biû mbere. Îndî n'ûntû bûkûrega na bwona bûtiagîrîte kwewa mwoyo wa tene na tene, ga tûtûmîîrie bara batarî Ayaundi.

NGÛGÎ 2:22

“Antû ba Isiraeri, thikîîriani ntheto ino nkûbwîra! Yiesû wa kuuma Nasareethi aarî muntû bwooniirue bwega aatûmîîtwe i Ngai kûringana na biama, magegania na iriga bira Ngai aaringaga gûkûrûkîîra kîrî we. Biû bwingwa ibwiyî mantû mama n'ûntû maakarîkîîre kwenu.

NGÛGÎ 20:24

Ntionaga mwoyo wakwa ûrî gîtûmi. Îromba rîakwa i nthirie ngûgî îra Mwathani Yiesû aampeere nduta, ntûmîîrie ntheto îmbega ya ûtugi bwa Ngai.

NGÛGÎ 20:32

“Îîndî ndîbûtiga bûrî ûmenyeeriini bwa Ngai bûrî na kiugo gîa ûtugi bwake. Kiugo gîake kîrî inya ya gûkûria wîtîgio bwenu na kîrî inya ya gûtûma bwewa rûgai amwe na bara bonthe bathereetue.

NGÛGÎ 4:31

Bakûrîîkia kûromba ûgu, bantû agu baarî ainaina. Booyûrwa i Kîrundu Ûmûtheru bonthe. Baatûmîîria kiugo kîa Ngai barî na ûcamba.

NGÛGÎ 5:32

Tiû, atûmwa, na Kîrundu Ûmûtheru ûra Ngai eeyaga bara bamwathîkagira, tûrî akûûyî ba mantû mama.”

AROOMA 1:16

Ntiîgagua ntheto îmbega igî n'ûntû n'yo inya ya Ngai îra yonokagia muntû wonthe ûra eetîgagia. Mbere Ayaundi, rîru bara batarî Ayaundi.

1 ATHESARONIKE 2:2

Ibwiyî bûra twanyamaarîîte bûgana na bûra twarumangîîrwe taûni ya Piripi, mbere ya tûkinya kwenu. Îndî Ngai naatûûmîîrie twaûmba kûbûtûmîîria ntheto yake îmbega amwe na kwîgua antû baingî ibaatûkararagia.

AIBIRANIA 2:4

Na Ngai naakûûyîîre na iriga, magegania, biama mwanya mwanya, na biewa bia Kîrundu Ûmûtheru bira eeyaga antû bara eendaga.