NGÛGÎ 13:52 - Kîrîîkanîro Kîîyerû

⁵² Îndî eetîgîri baatigirwe bakeneete mûno na booyûrîîtwe i Kîrundu Ûmûtheru.

NGÛGÎ 13:52 ပူးပေါင်းရင်းမြစ်များ

1 ATHESARONIKE 1:6

Kwoogu rîra bwetîgîîrie ntûmîîri yetû, i mûkarîre wetû na wa Mwathani bwakoobiirie. Ibwonire thîîna mûno, îndî Kîrundu Ûmûtheru naatûmaga bûkena.

AROOMA 15:13

Ngai ûra eeyanaga wîrîgîîro arootûma bûkenaga mûno na arootûma bwîgagua bûrî na ûkiri n'ûntû bwa kûmwîtîgia. Rîru i rîo ûkeegua bûrî na wîrîgîîro bwingî mûno kwa inya ya Kîrundu Ûmûtheru.

AGARATIA 5:22

Îndî maciaro ma Kîrundu i wendo, nkena, ûkiri, kûûmîîria, kwîganagîîrua kîao, wega, wîtîgio,

NGÛGÎ 4:31

Bakûrîîkia kûromba ûgu, bantû agu baarî ainaina. Booyûrwa i Kîrundu Ûmûtheru bonthe. Baatûmîîria kiugo kîa Ngai barî na ûcamba.

2 AKORINTHO 8:2

Baageriirue na mathîîna maingî mûno na nwa bu baarî na ûkîa bûgana. Îndî amwe na ûgu, gûkena kûra baakeneete kwarî kûnene mûno. Beeyanire na gûkûrûkîîria baakûrûkîîria kaingo bateethia nkîa batagûtara.

AROOMA 5:3

Na t'ûgu bunka, itûkenaga kinya tûrî mathîînaani n'ûntû itwiyî mathîîna mara twonaga imatûmaga tûkagîa na kûûmîîria.

NGÛGÎ 2:4

Bonthe baûyûrwa i Kîrundu Ûmûtheru. Baanjîîria kwaria na nthiomi ingî ingeni, kûringana na bûra Kîrundu Ûmûtheru aabaûmbithiirie.

MATHAYO 5:12

Rîra bakûbûrûtha ûgu, kenaani. Gwîruani mûno n'ûntû kîewa kîenu îgûrû i kîînene. Ûgu i ta bu baanyamaariirie bara baarî iroria mbere yenu.”

1 PETÛRÛ 4:13

Kenagaani bwona ûgu, n'ûntû ûgu i ta kwonania bûrî kîmwe na Kîrîstû kûnyamaaruani gwake kaingo bûkena mûno rîra akaaya yîya rîa maîrî arî na mwago wake.

NJAKUBU 1:2

Aruayia na aarayia, thûkagiani kîrî gîkeno kîînene rîra bûkwona magerio ma mîthemba yonthe

AROOMA 14:17

Ûneneeni bwa Ngai, irio na biakûnyua bitirî gîtûmi. Kîra kîrî gîtûmi i wagîru, ûkiri na gîkeno, bira Kîrundu Ûmûtheru atweyaga.

NGÛGÎ 5:41

Atûmwa bauma gûku bakeneete mûno n'ûntû bwa kwîgua boonirwe baagîrîte ba kûnyamaarua n'ûntû bwa riîtwa rîa Yiesû.

NGÛGÎ 2:46

Baarîîkanaga nyomba ya Ngai wakîra ntugû. Baarîyanagîra mûgaate amwe mîciî mwanya mwanya, bagîcookagia nkaatho cia mma bakeneete n'ûntû bwa Ngai kûbaa irio.

NGÛGÎ 11:29

Eetîgîri ba Antiokia baagwatanîra bauga wakîra muntû arute gîntû kûringana na bûra inya yake îgana batûme ûteethio kîrî eetîgîri ba Njundea.