NGÛGÎ 13:3 - Kîrîîkanîro Kîîyerû

³ Baathi na mbere na gûtîîrîra kûrîa irio, baaromba. Rîru babu bangî baigîîra Baranaba na Saûrû njara, babarekeeria baathi.

NGÛGÎ 13:3 ပူးပေါင်းရင်းမြစ်များ

NGÛGÎ 1:24

Baaromba barî amwe bauga, “Mwathani, n'ûntû i woû wiyî nkoro cia antû bonthe, tûtongorie kûmenya n'ûû ûkwenda kûthuura kîrî antû baba baîrî barî aaga,

NGÛGÎ 13:2

Kagiita kamwe antû babu batîîrîrîte kûrîa irio n'ûntû bwa maromba, Kîrundu Ûmûtheru abeera, “Ndekeriani Baranaba na Saûrû barute ngûgî îra mbeetîîte baruta.”

NGÛGÎ 13:4

Kwoogu Baranaba na Saûrû bagûtûmwa i Kîrundu Ûmûtheru, baathi taûni yeetagwa Serukia. Baatwa meeri baathi gîcîgîîrioni kîa îria gîetagwa Kupooro.

NGÛGÎ 14:23

Paûrû na Baranaba baathuura akûrû ba wakîra kanica. Baatîîrîra kûrîa irio bakîbarombera. Babanenkanîra ûmenyeeriini bwa ûra beetîgîîtie.

NGÛGÎ 14:26

Bauma agu baatwa meeri baacooka Antiokia ya Sîîria. Aaga naara eetîgîri baabanenkanîîre ûmenyeeriini bwa ûtugi bwa Ngai mwanjîîrioni wa ngûgî înu baarîîkiirie.

NGÛGÎ 15:40

Paûrû aathuura Sairas bathiyanagia n'we. Mbere ya bathi, eetîgîri babanenkanîra ûtugiini bwa Mwathani.

NGÛGÎ 6:6

Antû babu bairwa mbere ya atûmwa. Atûmwa babarombera babaigîîrîîte njara.

NGÛGÎ 9:17

Anania aathi aakinya kwa Njundas. Aigîîra Saûrû njara auga, “Mûruayia Saûrû, Mwathani, ta we Yiesû, ûra eebonaniirie kîrî woû ûrî njîraani, n'we aantûmîîte kaingo ûtua kwona kaîrî na ûûyûrwa i Kîrundu Ûmûtheru.”

AROOMA 10:15

Na n'ata muntû aûmba kûbatûmîîria Ngai atamûtûmîîte? Antû babu i bo Maandîko Maatheru maaragîîria îgûrû rîao ara maugîîte, “N'ata bara bareetaga ntheto îmbega bareetaga mantû maathongi?”

1 TIMOTHEO 4:14

Ûtikaareke kîewa gîaku gîa Kîrundu Ûmûtheru kîûrîra nthî, kîra wetwe kûringana na mîgambo ya ûroria bûra bwaroriirue rîra waigîîrwe njara i kîama gîa akûrû.

1 TIMOTHEO 5:22

Ûtikaugîrie rwîro kwaigîîra muntû njara ûkîmwambîîria kîrî ngûgî ya Ngai. Ûtikaagwatanîre na muntû meeyiani. Îmenyeera wagîru bwaku bwa nkoro.

2 TIMOTHEO 1:6

Kwoogu ndîenda gûkûririkania nkwîra cooka gûtûmîra kîewa kîra Ngai aakwere kagiita kara ndakwaigîîre njara.

2 TIMOTHEO 2:2

Îthûkia mantû mara monthe weegiirue nkîrutana mbere ya akûûyî baingî mûno, wîre mo bara wîtîgîîtie n'eetîgua, bara bakaûmba kûrutana bangî na bo.

3 NJOANA 1:6

Ibakûûyîîrîîte naaga kîrî kanica mantû ma wendo bwaku. N'ûntû bwega ûrûthaga rîra ûbateethagia na njîra îkenagia Ngai bakathi na mbere na rûgendo.

3 NJOANA 1:8

Kwoogu tiû nwa mwanka tûteetheerie antû baba kaingo tûtaranîrua na bo ngûgîîni yao n'ûntû bwa ûmma.