MATHAYO 9:22 - Kîrîîkanîro Kîîyerû

²² Yiesû aûndûka nyuma amwîra, “Ûtikaamake, mwarî wakwa. Wîtîgio bwaku bûgûtûma woora.” Na nthûti weenu mûka ûyu oora.

MATHAYO 9:22 ပူးပေါင်းရင်းမြစ်များ

MATHAYO 15:28

Yiesû amwîra, “N'ata ûrî na wîtîgio bûgana, mwekûrû! Bûra ûkwenda ûkaarûthîrwa bu.” Na kuuma thaa wainu kaarî gaake kaabua.

MATHAYO 17:18

Yiesû aagondokera kîrundu gîku. Kîrundu gîku gîakagirîkia gîkiuma, kîathi. Kaana kaabua warîru.

MATHAYO 8:13

Yiesû eera mûtongoria ûyu, “Înûka, na igûkarîke ûgu wîtîgîîtie.” Thaa wa inu mûruti ngûgî wake oora.

MATHAYO 9:2

Antû bamwe baaya bakamatîîte kîonje na mamaamîro ma kîo bakînintîîte kîrî we. Yiesû akwona wîtîgio bwao eera kîonje gîku, “Aba, ûtikaamake. Ûkûrekerwa meeyia maaku.”

MATHAYO 9:29

Yiesû aatambûrûkia njara abatonga meetho. Abeera, “Kûrookara ûgu bwîtîgîîtie.”

MAARIKO 10:52

Yiesû amîîra, “Nookathi, wîtîgio bwaku bûgûtûma woora.” Nthûti weenu muntû ûyu aarî ntûngi aatua kwona, aathingata Yiesû na barabara.

MAARIKO 5:34

Yiesû amwîra, “Wîtîgio bwaku bûgûtûma wora. Ithi na ûkiri, mwarî wakwa. Thîîna yaku îkûthira kûrû na itigûcookera kaîrî.”

RUKA 17:19

Yiesû amwîra, “Ûkîîra ûthi, wîtîgio bwaku bûgûtûma wora.”

RUKA 18:42

Yiesû amîîra, “Îtua kwona! Wîtîgio bwaku bûgûtûma woora.”

RUKA 7:50

Yiesû eera mûka ûyu, “Ûkwonokua n'ûntû bwa wîtîgio bwaku, îthi na ûkiri.”

RUKA 8:48

Yiesû amwîra, “Wîtîgio bwaku bûgûtûma wora. Îthi na ûkiri, mwarî wakwa.”

NJOANA 4:53

Îthe wa kaana gaku aaririkana thaa inu nwa cio ciongwa ira Yiesû aamwîrîîte kaana gaake gakaabua. Kwoogu we na antû ba mûciî wake beetîgia Yiesû.

NGÛGÎ 14:9

Muntû ûyu aathikîîria Paûrû agîtûmîîria. Paûrû amûcûûba oona naarî na wîtîgio bwa gûtûma oorua.

NGÛGÎ 16:18

Ntugû cionthe i bu kaarûthaga ûgu. Paûrû eegua gakîmûtanga. Aûndûkania na ko eera kîrundu gîku, “Kwa riîtwa rîa Yiesû Kîrîstû ndîkwatha uume kîrî kaarî gaka weendî!” Kîrundu gîku kîauma kîrî kaarî gaku nthûti weenu.

AIBIRANIA 4:2

Tûtûmîîrîîtue ntheto îno mbega atî Ngai natûthuuranîrîte kînogoko, ta bûra yatûmîîrue kîrî bara Musa aatongoreerie bauma Miisiri. Îndî gûtirî bu yabateethia na bu n'ûntû bataamîtîgîra barî na wîtîgio.