MATHAYO 9:16 - Kîrîîkanîro Kîîyerû

¹⁶ “Gûtirî muntû eekagîra nguo kîraka na gîtaame gîtarî gîkûrû ataambîîte gûkîbûûra n'ûntû nguo înu yabûûrwa gîtaame gîku igîkaamîkuuyia îgendeerie.

MATHAYO 9:16 ပူးပေါင်းရင်းမြစ်များ

MATHAYO 9:15

Yiesû abaûria, “Bwaûmba kwîrîgîîra antû bara beete wikiini barega kûrîa rîra mûgûrani arî oogo? Îndî kûrî kagiita gagaakinya mûgûrani arutarutwe kîrî bo. Rîru nwa barege kûrîa irio.

MATHAYO 9:17

Na kaîrî, gûtirî we eekagîra ûkî bwa kûrugwa warîru nceemaani înkûrû n'ûntû nceema nîgaatûûmûka yûûre mana na ûkî bwene. Ûkî bwa kûrugwa warîru bwîkagîrwa nceemaani îtarî nkûrû kaingo gûtarî kîo kîûra.”

MAARIKO 2:21

“Gûtirî muntû eekagîra nguo înkûrû kîraka na gîtaame gîtarî gîkûrû ataambîîte gûkîbûûra, n'ûntû nguo yabûûrwa gîtaame gîku igîkaamîkuuyia îgendeerie.

RUKA 5:36

Yiesû abaa ngerekano auga, “Gûtirî muntû eekagîra nguo înkûrû kîraka na gîtaame gîtarî gîkûrû ataambîîte gûkîbûûra, n'ûntû nguo yabûûrwa, gîtaame gîku igîkaamîkuuyia.

NJOANA 16:12

“Ndî na mangî maingî ma kûbwîra. Nkabwîra mo îîndî bûtimaûmbanîria.

1 AKORINTHO 13:13

Kwoogu mantû mama mathatû makaathi na mbere kwîgua marî oogo. Na mo i wîtîgio, wîrîgîîro, na wendo. Na kîrî mo wendo i bu bûkûrûkîîte monthe.

2 AKORINTHO 9:12

Ngûgî îno bûkûruta ti gûteethia îgaateethia gunka antû ba Ngai bara nkîa. Kinya îgaatûma antû baingî bacookeria Ngai nkaatho.