MATHAYO 9:13 - Kîrîîkanîro Kîîyerû

¹³ Îthiini bûkeerutane mîgambo îno îriuga ata, ara ntheto ya Ngai yugîîte, ‘Kîra nkwenda n'antû beeganagua kîao, ntirî bata na kîgongwana.’ Ntaaya gwîta bara baagîru, ndaayire n'ûntû bwa eeyia.”

MATHAYO 9:13 ပူးပေါင်းရင်းမြစ်များ

MATHAYO 12:3

Yiesû abaûria, “Ka bûtaathooma bûra Ndaundi na bara baarî n'we baarûthire beegua yûûra?

MATHAYO 12:5

Kana ka bûtathoomeete mabuku ma *watho bwîgua bûra *athînjîri babîtagia ntugû ya Sabatû baathi nyomba ya Ngai na batitaragîrwa marî meeyia.

MATHAYO 12:7

Tookeegua ibwamenyaga bûra ntheto îno ya Ngai yugaga atî, ‘Mbendaga antû beeganua kîao nkûrûki ya baruta kîgongwana,’ bûtikîgiitîra îgamba muntû ataarî na mabîtia.

MATHAYO 19:4

Yiesû abacookeria na kîûria abaûria, “Ka bûtaathooma bûra *Maandîko Maatheru maugîîte?” Abeera, “Maandîko Maatheru maugîîte, kîambîrîriani ûra aûmbire akîûmba, ‘Aûmbire antû barî muntû mûrûme na mûka.

MATHAYO 21:42

Yiesû abeera, “Anga bûtaathooma bûra kwandîkîîtwe *Maandîkooni Maatheru? ‘Iiga rîra rîaregirwe n'aaki, îîndî i rîo rîtuîkîîte rîa koona. I Mwathani atûmîîte ûntû bûbu bûkarîka, na tûbuonaga bûrî bwa magegania.’ ”

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 3:8

Rûthagaani mantû mara makoonanagia atî na mma bûkwîrira meeyia meenu.

MATHAYO 4:17

Kuuma îgiita rîru, Yiesû aanjîîria gûtûmîîria akiugaga, “Îrireeni meeyia meenu n'ûntû ûnene bwa îgûrû bûkûthengeera.”

MAARIKO 12:26

Mantû ma kûriûkua gwa antû baakuû na mo rî, ka bûtaathooma bûra Musa aandîkîîte bantû ara agweteete mantû ma gakando kara gaakanaga mwanki? Bantû agu kwandîkîîtwe, Ngai aariirie na Musa amwîra, ‘Ndî Ngai wa Îburaîmu, Isaka na Njakubu.’

MAARIKO 12:33

Na n'ûmma kuuga muntû nabatîîrue eenda Ngai na nkoro yake yonthe, na mathûgaania maake monthe, na inya yake yonthe. Na atî muntû nabatîîrue eenda mutûûri wake ta bûra eebendeete. Bu maathana mamu marî gîtûmi nkûrûki ya kinya kûrutîra Ngai kîgongwana.”

MAARIKO 2:17

Yiesû akwîgua aarimû babu ba watho bakîûria ûgu, abacookeria abeera, “Tika antû batarî baayie beendaga ndagitaarî. Bara baayie i bo beendaga kûragûrîrwa. Ntaaya gwîta bara baagîru, ndaayire gwîta bara eeyia kaingo beerira.”

RUKA 10:26

Yiesû akîmûcookeria amûûria, “*Maandîko Maatheru maugîîte ata? Na ûmataûraga ata?”

RUKA 19:10

Mwana wa Muntû aayire gûcûa antû bara baûrîîte aboonokia.”

RUKA 24:47

Na kwa riîtwa rîakwa, kwanjîîria Njerusaremu antû bonthe bagaatûmîîrua mantû ma kwîrira na kûrekerwa meeyia.

RUKA 5:31

Yiesû abacookeria abeera, “Tika antû batarî baayie beendaga ndagitaarî. Bara baayie i bo beendaga kûragûrîrwa.

RUKA 5:32

Ntaaya gwîta antû bara baagîru. Ndaayire gwîta bara eeyia kaingo beerira.”

NJOANA 10:34

Yiesû abeera, “Anga îbukuuni rîenu rîa *watho gûtiandîkîîtwe, ‘Ndaugire biû bûrî ngai?’

NGÛGÎ 11:18

Bara bataagwatanagîra na Petûrû bakwîgua mantû mamu baatiga. Baakumia Ngai bauga, “Kwoogu Ngai neete antû batarî Ayaundi kaanya kinya bo beerira kaingo batûûra mwoyo?”

NGÛGÎ 2:38

Petûrû abeera, “Îîrireeni bwinthe na bûbaatithue riîtwaani rîa Yiesû Kîrîstû kaingo bûrekerwa meeyia meenu na bwewa kîewa gîa Kîrundu Ûmûtheru.

NGÛGÎ 20:21

Ndarakûûyagîîra kîrî bonthe, Ayaundi na bara batarî Ayaundi nkabeera beerire bagarûke kîrî Ngai, beetîgie Mwathani wetû Yiesû Kîrîstû.

NGÛGÎ 3:19

Kwoogu îrireeni bûûye kîrî Ngai kaingo abuuta meeyia meenu.

NGÛGÎ 5:31

Ngai aamwîtithiirie îgûrû amwaiga njaraani yake ya ûrîo, amûtuîkithia Mûnene na Mwonokia kaingo apa antû ba Isiraeri kaanya ga kwîrira na ga kûrekerwa meeyia maao.

2 PETÛRÛ 3:9

Kûringana na bûra antû bamwe bathûgaanagia, boonaga Ngai atirî mpwî cia kwingia wîrane bwake. Îndî i kagiita abwete n'ûntû gûtirî muntû eendaga aûra. Eendaga antû bonthe beerira meeyia maao.