MATHAYO 8:2 - Kîrîîkanîro Kîîyerû

² Muntû ûmwe aayîîtue mûtigiri aaya amûturîria maru. Amwîra, “Mwathani, weegua wenda kûmboria, mboria nthere.”

MATHAYO 8:2 ပူးပေါင်းရင်းမြစ်များ

MATHAYO 10:8

Bworie bara baayie, bûriûkie bara bakuû, bworie bara barî na mîtigiri na bwîngatie irundu biithûûku biume kîrî bara barî na bio. N'ûntû bwetwe ûtheri eyanaani bûtakûrîwa.

MATHAYO 13:58

Yiesû ataûmba kûringa biama biingî n'ûntû bataamwîtîgagia.

MATHAYO 14:33

Bara baarî îtarûûni baagonga Yiesû bauga, “I mma woû ûrî Mwana wa Ngai.”

MATHAYO 15:25

Yiesû akîrîîkia kuuga ûgu, mûka ûyu aathi aaturia maru mbere yake. Amwîra, “Itû, Mwathani, nteethia.”

MATHAYO 18:26

“Mûruti ngûgî ûyu aathi aaturîria mûnene ûyu maru amwereka mûno. Amwîra, ‘Itû, mûnene, mpa kaanya ngakûrîa mbia ciaku cionthe.’

MATHAYO 2:11

Baathûngîra nyomba boona kaana kagwetwe i gina, Maria. Baaturia maru bakagonga, baarugûra biondo biao bakanenkera biewa bia thaabu, macoco, na manemane.

MATHAYO 20:20

Mwekûrû wa Cabendi aathi kîrî Yiesû arî na aana baake baîrî. Aaturîria Yiesû maru akîenda amûrûthîra ûntû.

MATHAYO 26:6

Ntugû îmwe Yiesû naarî Bethania gwa Simioni ûra aayîîtue mûtigiri.

MATHAYO 28:17

Bakûmwona bamûgonga, îndî bamwe baao ibaarî na nkanja.

MATHAYO 28:9

Wabathiîte baugîîtie, nthûti îmwe boona Yiesû. Abeera, “Muugaani.” Baathiyanga akubî n'we, bamûgonga batiirithîîtie moothiû maao agu mbayooni ciake.

MATHAYO 4:9

Yamwîra, “Ngakwa mama monthe weegua ûgaaturia maru ûngonge.”

MATHAYO 8:1

Yiesû akûgûrûka kuuma karîmaani kara baarî, antû baingî mûno bamûthingata.

MATHAYO 8:25

Arutwa baake baathi bamûûkia bakîmwîraga, “Mwathani, twonokie itûkûthira!”

MATHAYO 9:18

Yiesû akîaragia woogu, mûtongoria ûmwe wa *sinagoogi akûmwona aaya kîrî we. Aaturia maru mbere yake, amwereka mûno amwîra, “Kaarî gaakwa i weendî gaakua. Itû ncû tûthi ûkaigîîre njara kariûke.”

RUKA 4:27

Ikwarî na antû baingî baarî na mûtigiri nthîgûrû ya Isiraeri îgiita rîa kîroria Erica. Na gûtirî we wao oorua, tatiga Naamani Mûsîîria.”

NJOANA 9:38

Muntû ûyu amwîra, “Mwathani, ngwîtîgia.” Amûturîria maru, amûgonga.

NGÛGÎ 10:14

Petûrû auga, “Arî buru, Mwathani, n'ûntû gûtirî rîo ndaarîa gîntû gîtaagîrîte kana gîtarî kîtheru.”

NGÛGÎ 10:25

Petûrû agûkinya ûgu, Koronerias amûthagaana amûturîria maru, amwîndamîîra akîmûgonga.

1 AKORINTHO 14:25

Mantû maake ma witho ma nkoro imakaamenyekana, na maamenyekana aturie maru arombe Ngai auge, “I mma Ngai arî amwe naabi!”

KÛGWÛRÎRWA 19:10

Ndaturia maru ngonga mûraîka ûyu aambîîraga mantû mamu. Îndî nkiuga mmûgonga aambîîra, “Arî, ûtikangonge! Niû ndî mûruti ngûgî ta woû, kana aruanyûkwe na aaranyûkwe bara barikîîtie ntûmwa ya mma ya Yiesû. Gonga Ngai!” (Kûrikia ntûmwa ya Yiesû i kwîgua muntû arî na Kîrundu ûra aaragia gûkûrûkîîra kîrî iroria.)