MATHAYO 8:18 - Kîrîîkanîro Kîîyerû

¹⁸ Rîra Yiesû oonire ntundu înene ya antû îmûcereereete, eera arutwa baake baringanîrie amwe n'we bathi rûgongo rûra rûngî rwa îria.

MATHAYO 8:18 ပူးပေါင်းရင်းမြစ်များ

MATHAYO 14:22

Nyuma ya ûgu Yiesû eera arutwa baake batwe îtarûûni bathiyage rûgongo rûra rûngî rwa îria, we aatigwa akîîra kîrîndî kîînûke.

MATHAYO 8:1

Yiesû akûgûrûka kuuma karîmaani kara baarî, antû baingî mûno bamûthingata.

MAARIKO 4:35

Ûgorooni bwa ntugû înu, Yiesû eera arutwa baake, “Tûringeeni tûthi rûgongo rûra rûngî rwa îria.”

MAARIKO 5:21

Yiesû aacooka bwa rûgongo rûra baumîîte. Agûkinyûka îtarûûni, eethîranîrwa i kîrîndî gîa antû agu rûteere rwa îria.

MAARIKO 6:45

Nyuma ya ûgu, warîru Yiesû eera arutwa baake batwe îtarûûni baringanîrie bathiyage bantû eetagwa Bethisainda, we aatigwa akîîra kîrîndî kîînûke.

MAARIKO 8:13

Yiesû abatiga agu aatwa îtarûûni kaîrî, aaringanîria rûgongo rûra rûngî rwa îria.

RUKA 8:22

Ntugû îmwe Yiesû na arutwa baake baatwa îtarûûni. Yiesû abeera, “Tûringeeni tûthi rûgongo rûra rûngî rwa îria.” Baanjîîria kûthi.

NJOANA 6:15

Yiesû akûmenya ibeendaga kûmûgwata kwa inya atakwenda bamûtuîkithia mûnene, aatherekeria bwa irîma wenka.