MATHAYO 8:11 - Kîrîîkanîro Kîîyerû

¹¹ Ka mbwîreeni, antû baingî bakauma nteere cionthe cia nthîgûrû barîyanîre meethaani îmwe na Îburaîmu, Isaka na Njakubu ûneneeni bwa îgûrû.

MATHAYO 8:11 ပူးပေါင်းရင်းမြစ်များ

MATHAYO 21:41

Bamûcookeria bamwîra, “Mwene mûnda nakaabathiria, athûûkia babu, acûe antû bangî bara bakaamweyaga gîcuncî gîake îgiita rîakinya.”

MATHAYO 24:31

Rîra karumbeeta gakaaringwa na kayû kaanene, agaatûma araîka baake bathi nteere cionthe cia nthîgûrû beethîranie bara bathuure nthîgûrû yonthe.”

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 8:10

Yiesû aarigara mûno eegua ûgu. Eera bara baamûthingatîîte, “I mma ga nkûbwîra, ntoona muntû arî na wîtîgio bûûnene ta bûbû. Wana Isiraeri ationeka nwa ûmwe.

RUKA 12:37

Aruti ngûgî bara beetagîîra mûnene wao mwanka rîra akaaya eethîre batamaami, ibakenaga. Na mma ga nkûbwîra, mûnene eeraga aruti ngûgî ta babu ibakare nthî, akeethuuranîra akabaûrîra irio arî we.

RUKA 16:22

“Gwakarîkire ûgu, nkîa înu yakua. Îgûkua araîka bamîkamata yathi gûkara amwe na Îburaîmu. Gîtonga kîo gîgûkua kîathikwa, kîathi îcamaarîro.

NGÛGÎ 10:45

Eetîgîri ba Ayaundi bara baayanîîtie na Petûrû kuuma Njopa baarigara mûno Kîrundu Ûmûtheru akwîndamîîra kinya antû batarî Ayaundi,

NGÛGÎ 11:18

Bara bataagwatanagîra na Petûrû bakwîgua mantû mamu baatiga. Baakumia Ngai bauga, “Kwoogu Ngai neete antû batarî Ayaundi kaanya kinya bo beerira kaingo batûûra mwoyo?”

NGÛGÎ 14:22

Na gûku kunthe baakûrûkagîîra beekîra eetîgîri wîru, babaûmîîria wîtîgio. Babarutana babeera, “Nwa mwanka tûnyamaare mûno tûkîîya gûkinya ûneneeni bwa Ngai.”

NGÛGÎ 14:27

Bagûkinya agu Antiokia, beeta antû ba kanica amwe. Babeera mantû mara Ngai aarûthîîte gûkûrûkîîra kîrî bo, na bûra eere antû batarî Ayaundi kaanya ga gwîtîgia.

1 AKORINTHO 15:20

Îndî ûmma n'atî, Kîrîstû nariûkiirue auma kîrî bara bakuû. N'we wa mbere arî ta ûmwe wa maketha maingî ma bara bakaariûkua.

1 AKORINTHO 6:9

Ka bûtaiyî bara barûthaga mantû mataagîrîte batiewa rûgai rwa ûnene bwa Ngai? Bûtikeebenie. Gûtirî we kîrî bara barûthaga mantû mama akeewa rûgai rwa ûnene bwa Ngai—mûmaramari, mûrombi ngai cia ûrongo, mûthûngîîri, ûra amaamaga na antû arûme ta we, mwamba, mwîrirîîria, mûtogooni, ûra aatuuyagîîra ûra ûngî, na mûtunyani.

AEBEESO 3:6

Na kîriga n'atî, bara batarî Ayaundi na bara barî Ayaundi bakeewa rûgai rûmwe gûkûrûkîîra nthetooni îmbega. Tûrî ta icuncî bia mwîrî ûmwe na wîrane bwa Ngai i bwetû twinthe gûkûrûkîîra kîrî Kîrîstû Yiesû.

AKOROSAI 3:11

Mûtûûrîreeni ûyû, gûtirî mwanya kaîrî wa Mûyaundi na ûra atarî Mûyaundi. Gûtirî kuuga ûyû n'ûmûtaane na ûyû ti mûtaane. Kana îno i nkombo na ûyû ti nkombo. Na kîthoomo ti kîo kîrî gîtûmi mûno. Kîrîstû wenka n'we arî gîtûmi na arî ndeni yetû twinthe.

2 ATHESARONIKE 1:5

Ûgu ikwonania Ngai agiitaga magamba bûra kwagîrîte. Na kwoogu arîbûtuîkithia antû baagîru baagîrîte kûthûngîra ûneneeni bwake bûra bûtûmaga bûnyamaarua.

KÛGWÛRÎRWA 7:6

Kuuma kîrî mwîrîga wa Aceri, antû ngiri îkûmi na ciîrî. Kuuma kîrî mwîrîga wa Nabutaari, antû ngiri îkûmi na ciîrî. Kuuma kîrî mwîrîga wa Manase, antû ngiri îkûmi na ciîrî.