MATHAYO 7:17 - Kîrîîkanîro Kîîyerû

¹⁷ Mûtî ûmwega ûciaraga maciaro meega, na mûtî ûmûthûûku ûciaraga maciaro maathûûku.

MATHAYO 7:17 ပူးပေါင်းရင်းမြစ်များ

MATHAYO 7:18

Mûtî ûmwega ûtiûmba gûciara maciaro maathûûku, na mûtî ûmûthûûku ûtiûmba gûciara maciaro meega.

AEBEESO 5:9

Maciaro ma werû bûbû i mîthemba yonthe ya wega, wagîru na ûmma.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

NJUNDA 1:12

Na antû baba rîra baayaga bûkarîyanîra na bo biathooni bia ngwatanîro yenu, bakari ta marooro ma rûko barî amwe naabi. Bakenagîîra kûrîa bagakûrûkîîria na kûnyua nkûrûki ya kîthimi batakûmaka. Bakari ta arîîthi ba ng'ondu bara beemakagîra batakûûrania na ng'ondu. Bakari ta matu matarî na mbura bûra macûgagua i ruuo woogu matakiura. Bakari ta mîtî îtarî maciara yakûûrwa, na i ta baakuû cwe.