MATHAYO 7:13 - Kîrîîkanîro Kîîyerû

¹³ Yiesû auga, “Thûngîraani na mwîrîga ûra mûcege. Mwîrîga ûra ûthiîte wînyangiani n'ûmwariî na njîra n'îmbariî, na n'yo baingî bathiîte n'yo.

MATHAYO 7:13 ပူးပေါင်းရင်းမြစ်များ

MATHAYO 23:13

Yiesû abeera, “Bûkoona thîîna, biû aarimû ba watho na Abarisai, eebwithia baba! Bûrigagîîria bara bangî bathi ûneneeni bwa îgûrû na tika biû bûkaathi ku. Bûtirekaga bara bakûthûngîra bathûngîra. [

MATHAYO 25:41

“Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

MATHAYO 25:46

“Bakaathi îkaanûkiani rîtakîthira rî kana rî, îndî bara baagîru bakaathi mwoyooni wa tene na tene.”

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 3:8

Rûthagaani mantû mara makoonanagia atî na mma bûkwîrira meeyia meenu.

MATHAYO 7:14

Îndî mwîrîga na njîra îra îthiîte mwoyooni n'înjincianu na ibaakai bamiiyî.”

RUKA 14:33

Kwoogu gûtirî we wacienu aûmba gûtuîka mûrutwa wakwa, nwanga agatiganîria bionthe bira arî na bio.”

RUKA 9:33

Antû babu baîrî bagûkara taka bakwenda kûthi, Petûrû eera Yiesû, “Mwathani, na kaaba tûrî aaga. Ga twake tûganda tûthatû aaga—gaaku, ka Musa na ka Eriya.” Petûrû akiuga ûgu ataamenyaga bûra augaga.

NJOANA 10:9

I niû mwîrîga. Ûra agaakûrûkaga naani akoonokua. Agaakûrûkaga na auma akoona ndîîthia.

NJOANA 14:6

Yiesû auga, “I niû njîra, ûmma na mwoyo. Gûtirî we athiyaga kîrî Baaba atakûrûkîîrîte kîrî niû.

NGÛGÎ 3:19

Kwoogu îrireeni bûûye kîrî Ngai kaingo abuuta meeyia meenu.

AROOMA 9:22

I ta bu gûkari ûgu kîrî Ngai. Ngai eendaga kwonia antû bamwe mûthûûro wake, na eendaga antû boona bûra arî inya îgana. Îndî i kaanya Ngai eete antû babu n'ûntû bwa kwinyîkîria gwake. Akaabagambithia na mûthûûro wake abathirie, n'ûntû ibabuîrîîte kûthirua.

2 AKORINTHO 4:4

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

2 AKORINTHO 6:17

“Kwoogu Mwathani ariuga, ‘Umaani kîrî bo, bwîbathûre. Weegua bûtiitonga gîntû kîrî na mûgiro, nkabwîtîgîra.’ ”

AGARATIA 5:24

Antû bara barî ba Yiesû Kîrîstû ibaambire mûtharabaani mûtugo wa kîîmuntû amwe na wîrirîîria bwa uu bûûthûûku.

APIRIPI 3:19

Îndî na bo ibakaathirua mûthiani. Nda ciao i cio batûmîkagîra irî ngai na beekumagia na mantû mara barûthaga batakwona marî îgi. Bathûgaanagîria wamantû ma ûtûûro bwa gûkû nthîgûrû monka.

1 NJOANA 5:19

Itwiyî tûrî ba Ngai na itwiyî antû bonthe ba nthîgûrû baathagwa i Nkoma.

KÛGWÛRÎRWA 12:9

Njoka înu nene mûno yeengatua gûku îgûrû. Na njoka înu n'yo îtûîre yîtagwa Nkoma kana Saitaani. N'yo yenagîîria antû ba nthîgûrû yonthe. Yeengatiirue îgûrû amwe na araîka ba yo.

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.

KÛGWÛRÎRWA 20:15

Ûra riîtwa rîake rîtaandîkîîtwe îbukuuni rîa mwoyo aagerirwe îriani rîru rîa mwanki.

KÛGWÛRÎRWA 20:3

Akûmîthaîka, amîgera îrinyaani rîra rîorokeru mûno, amiingîra ku bûra îtauma ku yeneeria antû, mwanka mîanka înu ngiri îmwe îthire. Na mîanka ngiri îmwe yathira, nwa mwanka njoka înu îtharue îrekeerue kaîrî bantû a kagiita gaakai.