MATHAYO 7:11 - Kîrîîkanîro Kîîyerû

¹¹ Ûkeegua biû ibwiyî kwa aana beenu biewa bithongi na bûrî antû baathûûku rî, n'ata îîndî Abaagu ûra arî îgûrû akaarega kûbwaa biewa bithongi mûno, bara bûmûrombaga!

MATHAYO 7:11 ပူးပေါင်းရင်းမြစ်များ

MATHAYO 23:9

Na bûtigeete muntû ‘Baaba’ gûkû nthîgûrû n'ûntû Abaagu n'ûmwe na akaraga îgûrû.

MATHAYO 7:10

Kana mwana amwîtia îkûyû akamwaa njoka?

NJOANA 3:16

“N'ûntû bwa bûra Ngai eendire kîrîndî kîa nthîgûrû neeyanire Mwana wake wa kîmoomwe, kaingo ûra wonthe akaamwîtîgia ataûra, îndî oone mwoyo wa tene na tene.

AROOMA 3:19

Itwiyî atî, ûntû bunthe bwandîke *wathooni bwaandîkirwe n'ûntû bwa bara baathagwa i watho. Na watho buugîîte mantû mamu kaingo antû bonthe batoona bwa kwîgwatia na kaingo gûtuîka kîrîndî kîa nthîgûrû kîonthe gîkaagiitîrwa îgamba i Ngai.

AROOMA 3:9

Kwoogu Ayaundi twaûmba kuuga tûrî gîtûmi nkûrûki ya antû bara bangî? Arî, gûtirî gîntû ta gîku! Itûbwoniirie atî, Ayaundi na bara batarî Ayaundi bonthe baathagwa n'inya ya wîyia.

AROOMA 8:32

Ûkoona Ngai ataarega na Mwana wake aamûrutire arî kîgongwana gîetû twinthe, twa bira bingî bionthe atagîtwa ûtheri amwe na Kîrîstû.

AGARATIA 3:22

Îndî na bu ti bu kûrî ûgu. Kwandîkîîtwe *Maandîkooni Maatheru nthîgûrû yonthe yathagwa n'inya ya meeyia. Kwoogu rûgai rûra rûgweteetwe wîraneeni rweyagwa bara beetîgîîtie n'ûntû bwa wîtîgio bwao ndeni ya Yiesû Kîrîstû.

NJAKUBU 1:17

Ûntû bwega bunthe na kîewa kîîganîîru biumaga îgûrû kîrî Ngai, Mûûmbi wa bionthe bira bimûrîkaga îgûrû. We atigarûkaga ta bio na atikaraga akîgarûkaga ta irundu.

1 NJOANA 3:1

Baaba oonanagia natwendeete mûno na gûtwîta aana baake, na wabu tûrî bo. I kîo n'ûntû antû ba nthîgûrû batatwiyî n'ûntû kinya Ngai batimwiyî.

1 NJOANA 4:10

Na wendo bûbû bûkari ûûgû. Ti tiû tweendire Ngai, îndî i Ngai aatwendire aatûma Mwana wake atuîka kîgongwana gîa gûtûma tûrekagîrwa meeyia meetû.