MATHAYO 6:30 - Kîrîîkanîro Kîîyerû

³⁰ Biû antû ba wîtîgio bûûkai! Ûkeegua Ngai nakûthongamia nyaki ya kîthaka bûgana ûgu rî, nyaki îkwîgua îrî îmbîthî îmunthî na rûû gûgîkinya îkîgerwa mwankiini rî, î biû akaabûmenyeera bûgana ata?

MATHAYO 6:30 ပူးပေါင်းရင်းမြစ်များ

MATHAYO 14:31

Warîru Yiesû aatambûrûkia njara amûgwata. Amûûria, “Ka ûrî na wîtîgio bûniini ata? I kî ûtagwîtîgia?”

MATHAYO 16:8

Yiesû akwîgua bakîîrana ûgu abaûria, “N'ata bûrî na wîtîgio bûûniini! I kî n'ûntû bûkûthûgaania i bûra bûtarî na mîgaate?

MATHAYO 17:17

Yiesû auga, “Biû bûrî nthuke înthûûku, îtarî wîtîgio. I mwanka rî ngaakarania naabi? Na nkaabwinyîkîria mwanka rî? Ndeeteraani kaana gaku.”

MATHAYO 8:26

Yiesû abaûria, “I mbi îkûbûmakia, biû antû ba wîtîgio bûûkai?” Aûkîîra aagondokera kîbuubani na makûmbî ma rûûyî, gwakirîîria kûrû.

MAARIKO 4:40

Yiesû aûria arutwa baake, “I mbi îkûbûmakagia? Bûrî kû wîtîgio bwenu?”

MAARIKO 9:19

Yiesû abeera, “Ga tûgaakara naabi mwanka rî, nthuke îno îtarî wîtîgio? Ga nkainyîkîria tûkare naabi mwanka rî? Reeteeni kaana gaku.”

RUKA 12:28

Biû antû ba wîtîgio bûûkai! Ûkeegua Ngai nakûthongamia nyaki ya kîthaka bûgana ûûgû rî, nyaki îkwîgua îrî îmbîthî îmunthî na rûû gûgîkinya îkîgerwa mwankiini rî, î biû Ngai akaabûmenyeera bûgana ata?

RUKA 9:41

Yiesû abeera, “Biû bûrî nthuke înthûûku, îtarî wîtîgio. Ga tûgaakarania naabi na mbwinyîkîrie mwanka rî?” Yiesû eera muntû ûyu, “Reete kaana gaaku aaga.”

NJOANA 20:27

Eera Tooma, “Cûûba njara ciakwa na tonga marema na kîara gîaku. Tonga rwaru rwakwa na njara yaku. Tiga gûkararia, îtîgia.”

AIBIRANIA 3:12

Kwoogu îmenyeereeni, aruayia na aarayia, bwîgue gûtirî we wacienu arî na nkoro ya kûrûtha ûthûûku kana ya kûrega gwîtîgia, aaya kwathûkana na Ngai ûra atûûraga mwoyo.

1 PETÛRÛ 1:24

Na wata bûra kwandîkîîtwe Maandîkooni Maatheru, “Mwîrî wa muntû ûkari ta nyaki. Mwago unthe muntû arî ûkari ta wa maûa. Nyaki yaûma maûa imaûrûrûkaga.